06-Dec-2024

ବଲାଙ୍ଗୀର ଟିଟିଲାଗଡ ରେଳ ଲାଇନ ସିକେର ବଡ଼ମାଳ  ଷ୍ଟେସନ ମଧ୍ୟରେ ଜଣେ ମହିଳା ଙ୍କ ରକ୍ତାତ ଶବ ଉଦ୍ଧାର ହୋଇଛି। ସ୍ଥାନୀୟ ଲୋକେ ଏହାର ଖବର ଦେବାପରେ ବଲାଙ୍ଗୀର ଜି ଆର୍ ପି ପୋଲିସ୍ ଘଟଣା ସ୍ଥଳ କୁ ଯାଇ ତଦନ୍ତ ଆରମ୍ଭ କରିବା ସହ ଶବ ବ୍ୟବଚ୍ଛେଦ ପାଇଁ ବଲାଙ୍ଗୀର ବି ବି ଏମ୍ ସି ଏଚ୍ ଡାକ୍ତରଖାନାକୁ ପଠାଇଛି।  ମୃତ ମହିଲାର ପରିଚୟ ଏଯାଏଁ ମିଳି ନାହିଁ। ତେବେ ମୃତ ମହିଳା ଙ୍କ ବୟସ 35 ବର୍ଷ ରୁ ଅଧିକ ହୋଇଥିବା ବେଳେ ଉଚ୍ଚତା ପାଞ୍ଚ ଫୁଟ୍ ଚାରି ଇଞ୍ଚ୍ ଥିବାର ଜିଆରପି ପୋଲିସ୍ ସୂଚନା ଦେଇଛି। ସେହିପରି ମହିଳା ଜଣକ ସଲୱାର୍ ସୁଟ ପିନ୍ଧି ଥିବାର ସୂଚନା ଦେଇଛି ବଲାଙ୍ଗୀର ଜି ଆର୍ ପି। ତେବେ ଟ୍ରେନ ଧକ୍କାରେ ମହିଳାଙ୍କ ମୃତ୍ୟୁ ହୋଇଥିବାର ପ୍ରାଥମିକ ତଦନ୍ତରୁ ଜଣା ପଡିଥିବାର ମଧ୍ୟ ସୂଚନା ଦେଇଛି ଜି ଆର୍ ପି ପୋଲିସ୍ ବଲାଙ୍ଗୀର।