05-Dec-2024

ବରପାଲି, (ସୁଦାମ ଦୀପ )
ବରଗଡ ଜିଲ୍ଲାର ସୋହେଲା ଏବଂ ଭେଡେନ୍  ବ୍ଲକର ଧାନ ଚାଷୀ ମାନେ ପରମ୍ପରା ଗତ ପ୍ରକ୍ରିୟା ରେ ଜଳସେଚନ କରୁଥିବାରୁ ଅଧିକ ଜଳ ବ୍ୟବହାର ହୁଏ ଫଳରେ ଜଳ ଅପଚୟ ହୁଏ । ଏଥିପାଇଁ ମିଥେନ୍ ଗ୍ୟାସ ର ପରିମାଣ ବୃଦ୍ଧି ପାଇ ପରିବେଶ କୁ କ୍ଷତି କରାଏ । ଅଦଳ ବଦଳ ଓଦା ଓ ଶୁଖିଲା ଜଳସେଚନ ପ୍ରକ୍ରିୟା ଏହାର ଏକ  ବିକଳ୍ପ ଅଟେ । ଏହା ମିଥେନ୍ ଗ୍ୟାସ୍ କୁ କମ୍ କରିବା ସହ ଜଳ ବ୍ୟବହାର  କୁ ଶତକଡା ୩୦ ଭାଗ  କମେଇ ଫସଲ ଅମଳକୁ ଶତକଡା ୧୦ ଭାଗ ବଢ଼ୀଥାଏ । ବରଗଡ ସ୍ଥିତ ହୋଟେଲ ଭି.ଡି.ପେଲେସ୍ ଠାରେ ଟି.ପି.ଡବ୍ଲୁ.ଓ.ଡି.ଏଲ. ସହାୟତାରେ ମହାଶକ୍ତି ଫାଉଣ୍ଡେସନ ତରଫରୁ ଏକ ଜଳବାୟୁ ସହନଶୀଳ ଓଦା ଓ ଶୁଖିଲା ଚାଷ ପ୍ରକଳ୍ପ ଲୋକାର୍ପିତ ହୋଇ ଯାଇଛି ।

କାର୍ଯ୍ୟକ୍ରମ କୁ ଟି.ପି.ଡବ୍ଲୁ.ଡି.ଓ.ଏଲ. କମ୍ପାନୀ ର ମୁଖ୍ୟ କାର୍ଯ୍ୟ ନିର୍ବାହୀ ଅଧିକାରୀ ଶ୍ରୀ ପ୍ରବୀଣ ବର୍ମା , ଜିଲ୍ଲା ମୁଖ୍ୟ କୃଷି ଅଧିକାରୀ ଶ୍ରୀ ପ୍ରସନ୍ନ କୁମାର ମିଶ୍ର ମିଳିତ ଭାବେ ଲୋକାର୍ପିତ କରିଛନ୍ତି । ମହାଶକ୍ତି ର ସମ୍ପାଦିକା ରୋଜାଲିନ ଭୂୟାଁ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ଏହି କର୍ମଶାଳାରେ  ଜିଲ୍ଲା ଉଦ୍ୟାନ ବିଭାଗ ର ଉପ ନିର୍ଦ୍ଦେଶକ ଶ୍ରୀ ଗୋବିନ୍ଦ ଚନ୍ଦ୍ର ପଣ୍ଡା , ଓଡ଼ିଶା ଉଠା ଜଳ ସେଚନ ବିଭାଗ ର ମୁଖ୍ୟ ଯନ୍ତ୍ରୀ ଶ୍ରୀ  ସୁର୍ଯ୍ୟ  ନାରାୟଣ ତ୍ରୀପାଠୀ , ଟି.ପି.ଡବ୍ଲୁ.ଓ.ଡି.ଏଲ. ର ସି.ଏସ୍.ଆର୍. ମୁଖ୍ୟା  ଶ୍ରୀମତୀ ଅରୁଣା ମାରାଣ୍ଡି, ବରଗଡ ସେକ୍ସନ  ଇଞ୍ଜିନିୟର ଶ୍ରୀ ସୁରେନ୍ଦ୍ର ହୋତା, ସୋହଲା କୃଷି ଅଧିକାରୀ ଶ୍ରୀମତୀ ନିତାଞ୍ଜଳି ବିଶି , ଭେଡେନ କୃଷି ଅଧିକାରୀ ଶ୍ରୀ ଲିଙ୍ଗରାଜ ମେହେର ପ୍ରମୁଖ ଯୋଗ ଦେଇ କାର୍ଯ୍ୟକ୍ରମ ବିଷୟରେ ବିସ୍ତୃତ ଆଲୋଚନା କରିଥିଲେ । କର୍ମଶାଳା ରେ ଅନୁଷ୍ଠାନ ର ନିର୍ଦ୍ଦେଶକ ଶ୍ରୀ ସ୍ମୃତି ରଞ୍ଜନ ସେଠି ଓଦା ଓ ଶୁଖିଲା ଜଳସେଚନ ପଦ୍ଧତି ବିଷୟରେ ଏକ ବିବରଣୀ ଉପସ୍ଥାପନ କରିଥିଲେ । ବିଜେପୁର ଓ ସୋହେଲା ବ୍ଲକ ଶ୍ରୀ ଅନ୍ନ ଅଭିଯାନ ତରଫରୁ ମାଣ୍ଡିଆ ଖାଦ୍ୟ ର ପ୍ରଦର୍ଶନୀ ଷ୍ଟଲ କରାଯାଇଥିଲା । ଏହି କାର୍ଯ୍ୟକ୍ରମ ରେ ଭେଡେନ ଓ ସୋହେଲା ବ୍ଲକ ରୁ ୧୦୦ ରୁ ଉର୍ଦ୍ଧ ଚାଷି ଯୋଗ ଦେଇଥିଲେ। କାର୍ଯ୍ୟକ୍ରମ ସଂଯୋଜନାରେ କୃଷି ବିଶେଷଜ୍ଞ ଶ୍ରୀ ମିହିର ରଞ୍ଜନ ସାଗର, ବ୍ଲକ ସଂଯୋଜକ ପ୍ରିୟଙ୍କା କୁମାରୀ ଓ ମାନସୀ ପଟେଲ, ଜୟରାମ ପରିଡ଼ା  ପ୍ରମୁଖ ସହଯୋଗ କରିଥିଲେ। ଶେଷରେ ପ୍ରକଳ୍ପ ପରିଚାଳକ ଶ୍ରୀ ସୁବୋଧ କୁମାର ସାହୁ ଧନ୍ୟବାଦ୍ ଅର୍ପଣ କରିଥିଲେ ।