04-Dec-2024

ଅତାବିରା(ଆକାଶ ମିଶ୍ର): ପାୱାର ବିଦ୍ୟୁତ୍ ବିଭାଗର ଇଷ୍ଟ ଜୋନ ଅଧୀନରେ ଥିବା ୫ ଟି ସବଡିଭିଜନ ମଧ୍ୟରୁ ଅତାବିରା  ସବାଡ଼ିଭିଜନ ଅନ୍ତର୍ଗତ   ଲାଦରପାଲି ସେକ୍ସନ  କାର୍ଯ୍ୟାଳୟ ରେ  ଆଜି"ଖୁଲ୍ ଯା ସିମ୍ ସିମ୍ 'ଯୋଜନାରେ   ତିନି ଜଣ  ବିଦ୍ୟୁତ୍ ଉପଭୋକ୍ତା ଙ୍କୁ ପୁରସ୍କୃତ କରାଯାଇଛି । ଯେଉଁ ବିଦ୍ୟୁତ୍ ଉପଭୋକ୍ତା ମାନେ  ନିଜର  ବିଦ୍ୟୁତ୍ ବିଲ ଡିଜିଟାଲ ପେମେଣ୍ଟ ମାଧ୍ୟମରେ ପୈଠ କରୁଥିବେ ଓ ସେମାନଙ୍କ ବକେୟା ନ ଥିବ, ସେମାନଙ୍କୁ  ଏହି ଖୁଲ୍ ଯା ସିମ୍ ସିମ ଯୋଜନାରେ   ସାମିଲ କରାଯାଇଥାଏ ।ପ୍ରତି ମାସରେ ଯେତେ ଜଣ ଗ୍ରାହକ ଏହି ଯୋଜନାରେ ସାମିଲ ହୋଇଥାନ୍ତି ସେମାନଙ୍କୁ ନେଇ  ଏକ ଲଟେରୀ କରାଯାଏ ।ଲଟେରୀ ଉଠାଣ ରେ ପ୍ରଥମ  ତିନି ଜଣଙ୍କୁ ପ୍ରଥମ ,ଦ୍ଵିତୀୟ ଓ ତୃତୀୟ ସ୍ଥାନର ବିଜେତା ହିସାବରେ ପୁରସ୍କୃତ କରାଯାଏ । ଏହି ଯୋଜନାରେ ଗତ ଚାରି ପାଞ୍ଚ ମାସ ଧରି ବିଜେତା  ଉପଭୋକ୍ତା ମାନଙ୍କୁ ପୁରସ୍କୃତ କରlଯାଇ ଆସୁଛି। ବୁର୍ଲା ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ ପ୍ରବୀଣ କୁମାର ବର୍ମା ଙ୍କ ନିର୍ଦ୍ଦେଶ କ୍ରମେ  ଆଜି ଲଟେରୀ ଉଠାଣ  କରାଯାଇ ଥିଲା ।ଏହି କାର୍ଯ୍ୟକ୍ରମରେ ଲରମ୍ଭା ସେକ୍ସନ  ଅଧିକାରୀ  ରାକେଶ ସାହୁ ଯୋଗ ଦେଇ ଉପଭୋକ୍ତାଙ୍କୁ ପୁରସ୍କୃତ କରି ଥିଲେ। ଆଜି ଲଟେରୀରେ କାଦୋବାହାଲ  ନିକଟସ୍ଥ ବରାହମୁଣ୍ଡା ଗ୍ରାମର ଡୋଲାମଣି ସେଟ୍ ଙ୍କୁ  ପ୍ରଥମ ପୁରସ୍କାର  ଭାବରେ ୧୦ ହଜାର ଟଙ୍କାର ଏକ ମୋବାଇଲ, ଭୋଇପୁରା ଗ୍ରାମର  ବୁଡି ସତ୍ୟନାରାୟଣଙ୍କୁ ଦ୍ଵିତୀୟ ପୁରସ୍କାର ଭାବରେ  ଏକ ମ୍ୟୁଜିକ୍ ପ୍ଲେୟାର  ଓ ଗୋଡଭଗା, ଗଡତିଆପାଲିର ବିଳାସିନୀ ମେହେରଙ୍କୁ ତୃତୀୟ ପୁରସ୍କାର ଭାବରେ ଏକ ସୋଲାର ଲାଇଟ୍   ଦେଇ ପୁରସ୍କୃତ କରାଯାଇ ଥିଲା । ଏହି କାର୍ଯ୍ୟକ୍ରମରେ  ଲାଦର ପାଲି ସେକ୍ସନର କରଣୀ ସରୋଜ  ସାହୁ ଓ ସମସ୍ତ କର୍ମଚାରୀ ସହଯୋଗ କରିଥିଲେ ।