04-Dec-2024

ବିନିକା(ହିମାଂଶୁ ଶେଖର ପୁଟେଲ)ସୁବର୍ଣ୍ଣପୁର ଜିଲ୍ଲା ବିନିକା ପୁଲିସକୁ ବଡ଼ ସଫଳତା ମିଳିଛି |  ୨ଗୋଟି ଗୋରୁ ବୋଝେଇ ଟ୍ରକକୁ ଜବତ କରି ସେଥିରୁ 81ଗୋରୁ ଉଦ୍ଧାର କରାଯାଇଛି | ଏଥିରେ ସମ୍ପୃକ୍ତ 4 ଜଣ ବ୍ୟକ୍ତିଙ୍କୁ ପୁଲିସ ଗିରଫ କରିଛି | ଗିରଫ ଅଭିଯୁକ୍ତ ମାନେ ହେଳେ ଟ୍ରକ ଡ୍ରାଇଭର ୱେଷ୍ଟବେଙ୍ଗଲ ରାଜ୍ୟ ପସନ୍ଦୀ ଗ୍ରାମର ଦୁଲିମ ସେକ,ବରଗଡ଼ର ପରମେଶ୍ୱର ଲୁହା,ଏସ ରାମପୁରର ମୋହନ ମେହେର ଏବଂ ଗୁଲାମ ଘୋଷ | ଆଉ ଜଣେ ଟ୍ରକ ଡ୍ରାଇଭର ଘଟଣା ସ୍ଥଳରୁ ଫେରାର ହୋଇଯାଇଛି | ସୂଚନା ଅନୁସାରେ ଗତକାଲି ବିଳମ୍ବିତ ରାତିରେ ଏସ ରାମପୁର ପଟରୁ ଦୃତ ଗତିରେ ବିନିକା ପଟକୁ ଆସୁଥିଲା ଦୁଇଟି ଗୋରୁ ବୋଝେଇ ଟ୍ରକ Iହେଲେ ବିନିକା ପୁଲିସ ପେଟ୍ରୋଲିଂ କରୁଥିବା ସମୟରେ ବିନିକା ମହାନଦୀ ବ୍ରିଜରେ ତାଙ୍କୁ ଅଟକାଇ କାବୁ କରିଥିଲା | ରାମପୁର ଆଡୁ ଆସି ପଶ୍ଚିମବଙ୍ଗକୁ ଚାଲାଣ ହେଉଥିବା ସମୟରେ 16 ଚକିଆ ଟ୍ରକ ଯାହାର ନଂ -(WB13-6423) ଓ (WB33 F-2152) କୁ ଅଟକାଇ ପୁଲିସ ଯାଞ୍ଚ କରିଥିଲା | ସେଥିରୁ 81ଗୋଟି ଗୋରୁ ଉଦ୍ଧାର କରାଯାଇଛି | ତାଙ୍କୁ ସୁରକ୍ଷା ଦେଇ ଯାଉଥିବା ନମ୍ବର ବିହୀନ ଏକ କଳା ରଙ୍ଗର ପଲ୍ସର ବାଇକ ମଧ୍ୟ ଜବତ କରିବା ସହିତ ଘଟଣା ସ୍ଥଳରୁ 4ଜଣଙ୍କୁ ପୁଲିସ କାବୁ କରିଛି I ଘଟଣା ସ୍ଥଳରୁ ପୁଲିସକୁ ଦେଖି ଜଣେ ଡ୍ରାଇଭର ଗାଡ଼ି ଛାଡ଼ି ଫେରାର ମାରିଥିବା ସୁଚନା ମିଳିଛି | ବିନିକା ପୁଲିସ ଏକ ମାମଲା ରୁଜୁ କରି ଅଭିଯୁକ୍ତ ମାନଙ୍କୁ ଗିରଫ କରାଯାଇ ଘଟଣାର ତଦନ୍ତ ଚାଲିଥିବା ଥାନା ଏସଆଇ ଅନିଲ ବେହେରା ପ୍ରକାଶ କରିଛନ୍ତି | ଅନ୍ୟପଟେ ସମସ୍ତ ୮୧ ଗୋଟି ଗୋରୁକୁ ଉଦ୍ଧାର କରିବା ପରେ ବିନିକା ଥାନା ଅନ୍ତର୍ଗତ ପିତେଇପାଲି ଗଜବନ୍ଧ କାମଧେନୁ ଗୋ ସେବାଶ୍ରମକୁ ରକ୍ଷଣା ବେକ୍ଷଣ ଲାଗି ଦିଆଯାଇଛି | ଖବର ପାଇ ବିନିକା ଥାନାକୁ ସୋନପୁର ଆରଟିଓ ଅକ୍ଷୟ କୁମାର ଜେନା ଆସି ଜବତ ଟ୍ରକ ଓ ବାଇକର କାଗଜପତ୍ର ଯାଞ୍ଚ କରିଛନ୍ତି । ପ୍ରକାଶ ଥାଉକି ଗତକାଲି ଏସ ରାମପୁର ମଙ୍ଗଳବାର ବଜାର ଥିବାରୁ ଉକ୍ତ ଗୋରୁ ଲୋଡ଼ ହୋଇଥିବା କୁହାଯାଉଥିବା ବେଳେ ଏସ ରାମପୁରରୁ କେମିତି ଏଭଲି ବେଆଇନ ଭାବେ ଗୋରୁ ଚାଲାଣ ହେଉଥିଲା ଏଥିରେ ବହୁତ  ଲୋକଙ୍କ ହାତ ଥାଇପାରେ ବୋଲି ସନ୍ଦେହ ସୃଷ୍ଟି କରିଛି।ତେଣୁ ଏହାର ଉପଯୁକ୍ତ ତଦନ୍ତ କରି ଦୋଷୀ ମାନଙ୍କ ବିରୁଦ୍ଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଜନସାଧାରଣରେ ଦାବି ହେଉଛି |