04-Dec-2024

ଦିଲ୍ଲୀ /ଭୁବନେଶ୍ୱର /ବଲାଙ୍ଗିର ତା 04.12 ଓଡିଶା ର ବଲାଙ୍ଗିର ଏବଂ ବରଗଡ଼ ଜ଼ିଲ୍ଲା ମଧ୍ୟଭାଗରେ ଥିବା ଗନ୍ଧମାର୍ଦନ ପର୍ବତ ପ୍ରାକୃତିକ, ସାଂସ୍କୃତିକ ଏବଂ ଐତିହାସିକ କୀର୍ତ୍ତିରାଜି ବହନ କରୁଥିବା ରୁ ଏହାକୁ ବିଶ୍ୱ ପର୍ଯ୍ୟଟନ ସ୍ଥଳୀ ଘୋଷଣା କରିବାକୁ ଦାବୀ କରିଥିଲେ l ରାଜ୍ୟସଭା ରେ ସାଂସଦ ଶ୍ରୀ ନିରଞ୍ଜନ ବିଶି ପ୍ରକାଶ କରିଥିଲେ ଯେ ୧୯ ହଜାର ହେକ୍ଟର ପରିସୀମା ବିଶିଷ୍ଟ ଗନ୍ଧମାର୍ଦନ ପର୍ବତ ରେ ବିଭିନ୍ନ ପ୍ରଜାତି ର ବୃକ୍ଷ ଲତା ଔଷଧୀୟ ଗୁଳ୍ମ, ପଶୁ ପକ୍ଷୀ, ସରୀସୃପ ଙ୍କ ବାସସ୍ଥଳୀ l ଓଡିଶା ର ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଗନ୍ଧମାର୍ଦନ ପର୍ବତ କୁ ଜୈବ ବିବିଧତା ଧରୋହର ସ୍ଥଳ ଘୋଷଣା କରିଛନ୍ତି l ଗନ୍ଧମାର୍ଦନ ପର୍ବତ ର ଦକ୍ଷିଣ ଦିଗରେ ଅଙ୍ଗ ନଦୀ ପ୍ରବାହିତ ହେଉଥିବା ବେଳେ ଉତ୍ତର ଅଂଶ ରେ ସୁକ୍ତେଲ ନଦୀ ଶୋଭା ବର୍ଦ୍ଧନ କରୁଛି l ଗନ୍ଧମାର୍ଦନ ପର୍ବତ ରୁ ୨୨ଟି ଝରଣା ପ୍ରାକୃତିକ ସୌନ୍ଦର୍ଯ୍ୟ ବୃଦ୍ଧି କରୁଛି l ପାପନାଶିନୀ ଝରଣା କୁ ଗୁପ୍ତଗଙ୍ଗା ଭାବରେ ଲୋକ ମାନ୍ୟତା ରହିଛି l ଭାରତ ର ଚାରିଧାମ ମଧ୍ୟରେ ହରିଶଙ୍କର ଏକ ପବିତ୍ର ଧାମ l ଗନ୍ଧମାର୍ଦନ ପର୍ବତ କୁ ଓଡିଶା ର ଆୟୁର୍ବେଦ ର ସ୍ୱର୍ଗ

କୁହାଯାଏ l ସାଂସ୍କୃତିକ କ୍ଷେତ୍ର ରେ ଗନ୍ଧମାର୍ଦନ ପର୍ବତ ର ଗୋଟିଏ ଦିଗରେ ଭଗବାନ ନୃସିଂହନାଥ ମନ୍ଦିର ବିରାଜମାନ ଥିବାବେଳେ ଆଉ ଗୋଟିଏ ପଟେ ଭଗବାନ ହରିଶଙ୍କର ବିରାଜମାନ ଅଛନ୍ତି l ତ୍ରେତୟା ଯୁଗର ସୀତା କୁଣ୍ଡ, ଗୋ କୁଣ୍ଡ,ଦ୍ୱାପର ଯୁଗର ଭୀମ ମଡୁଆ, ଭୀମ କୁଣ୍ଡ, ପଞ୍ଚୁ ପାଣ୍ଡଵ ଘାଟ ଆଦି କଳାକୃତି ରହିଛି l ପ୍ରାଚୀନ କାଳରୁ ମୁନୀ ରୁଷି ମାନଙ୍କ ଗୁମ୍ଫା ଅବସ୍ଥିତ ଅଛି l ହରିଶଙ୍କର ମନ୍ଦିର ନିକଟରେ ହରିଣ ପାର୍କ ପ୍ରସିଦ୍ଧି ଲାଭ କରୁଛି l ତେଣୁ ସାଂସ୍କୃତିକ ପ୍ରାକୃତିକ ସୌନ୍ଦର୍ଯ୍ୟ ରେ ପରିପୂର୍ଣ ଗନ୍ଧମାର୍ଦନ ପର୍ବତ, ହରିଶଙ୍କର ମନ୍ଦିର ଏବଂ ନୃସିଂହନାଥ ମନ୍ଦିର ପୀଠ କୁ ଇଉନେସ୍କୋ ବିଶ୍ୱ ପର୍ଯ୍ୟଟନ ସ୍ଥଳୀ ଘୋଷଣା କରିବା ସହିତ ହରିଶଙ୍କର ମନ୍ଦିର ର ଭିତ୍ତିଭୂମି ର ବିକାଶ ପାଇଁ ପଦକ୍ଷେପ ନେବାକୁ ରାଜ୍ୟସଭା ରେ ସାଂସଦ ନିରଞ୍ଜନ ବିଶି ପ୍ରସଙ୍ଗ ଉପସ୍ଥାପନା କରିଥିଲେ