04-Dec-2024

ତୁରେକେଲା(କୈଳାସ ସଗ୍ରିଆ) ବଲାଙ୍ଗିର ଜିଲ୍ଲା ତୁରେକେଲା ବ୍ଲକ ଅଞ୍ଚଳ ର ପ୍ରତ୍ୟେକ ଗାଁର ଗାଁ ସାଥି ମାନେ ଗୋଷ୍ଠୀ ଉନ୍ନୟନ ଅଧିକାରୀ ପୂର୍ଣ୍ଣାନନ୍ଦ ପଟେଲ ଙ୍କୁ ଫୁଲ ଗୁଚ୍ଛ ଦେଇ ସମ୍ମର୍ଦ୍ଧନା ଜଣାଇଥିଲେ। ଏନେଇ ଗାଁ ସାଥି ମେଟ୍ ସଦସ୍ୟ ବୃନ୍ଦ ଙ୍କ ସଭାପତି ବିନୋଦ କୁମାର ସାହୁ,ଉପ ସଭାପତି ନୃତ୍ତମ ମାଝି,ସ°ପାଦକ ପ୍ରହ୍ଲାଦ ବାଗ,ସହ ସ°ପାଦକ ଶଶିକପୁର ଛତ୍ରୀଆ, କୋଷାଧ୍ୟକ୍ଷ ସୁଦର୍ଶନ କଟା ଏବଂ ସମସ୍ତ ଗାଁ ସାଥି ମେଟ୍ ସଦସ୍ୟ ସଦସ୍ୟା ମାନେ ଦାବିପତ୍ର ପ୍ରଦାନ କରିଥିଲେ। ବିଷୟସୂଚୀ ଏହା ଯେ,୧-ଆମ୍ଭ ଗାଁ ସାଥି ମେଟ୍ ସଦସ୍ୟ ସଦସ୍ୟା ମାନଙ୍କ କାର୍ଯ୍ୟର ପାଉଣା ଠିକ୍ ସମୟରେ ଦିଆଯିବା ନିମନ୍ତେ। ୨-MGNREGA କାର୍ଯ୍ୟରେ ଠିକା ପ୍ରଥାକୁ ସମ୍ପୂର୍ଣ୍ଣ ଭାବେ ଉଚ୍ଛେଦ କରାଯିବା ନିମନ୍ତେ।୩-ଗ୍ରାମସଭାରେ ପ୍ରସ୍ତାବିତ MGNREGA ବ୍ୟକ୍ତିଗତ ଓ ଗୋଷ୍ଠୀ ଗତ କାର୍ଯ୍ୟକୁ ତୁରନ୍ତ ଅନୁମୋଦନ କରାଯିବା ନିମନ୍ତେ।୪-ସମସ୍ତ ଗାଁ ସାଥି ମେଟ୍ ସଦସ୍ୟ ସଦସ୍ୟା ମାନଙ୍କୁ ପର୍ଯ୍ୟାପ୍ତ ପରିମାଣର କାର୍ଯ୍ୟ ଯୋଗାଇ ଦିଆଯିବା ନିମନ୍ତେ ଏବଂ ୫-ଇଲିଗାଲ ମେଟ୍ ମାନଙ୍କ NMMS.I.D.ଡିଲିଟ କରାଯିବା ନିମନ୍ତେ ଦାବିପତ୍ର ଦେଇଥିବା ତୁରେକେଲା ବ୍ଲକ ଗାଁ ସାଥି ମେଟ୍ ସଦସ୍ୟ ସଦସ୍ୟା ଅଭିଯୋଗ ଜଣାଇଛନ୍ତି। ଏହି ଅବସରରେ ଗୋଷ୍ଠୀ ଉନ୍ନୟନ ଅଧିକାରୀ ପୂର୍ଣ୍ଣାନନ୍ଦ ପଟେଲ,ଏପିଓ ,ଜିପିଡିଓ,ଏସ୍ ଏସ୍ ଓ, ଓ ସମସ୍ତ ଗାଁ ସାଥି ମେଟ୍ ସଦସ୍ୟ ସଦସ୍ୟା ବୃନ୍ଦ ଙ୍କ ସମ୍ମୁଖରେ ଦାବିପତ୍ର ଗ୍ରହଣ କରି କହିଥିଲେ ଯେ, ପ୍ରତ୍ୟେକ ଗାଁରେ କିଛି ନା କିଛି କାମ କରାଯାଉ ଓ ଯେଉଁ ଗାଁ ସାଥି ମେଟ୍ ମାନେ କାମ କରୁନାହାନ୍ତି ସେ କାମ ଛାଡି ଦେବାକୁ ନିର୍ଦ୍ଦେଶ ଦେଇଥିଲେ। ପ୍ରତ୍ୟେକ ଗାଁରେ ଠିକ୍ ଭାବରେ କାର୍ଯ୍ୟସବୁ କରାଯାଉ  ଯଦ୍ୱାରା କି ଲୋକେ କାମଧନ୍ଦା କରି ଦାଦନ ଶ୍ରମିକ ଭାବେ ଖଟି ଯିବାକୁ ବଞ୍ଚିତ ରହିବେ ବୋଲି ଶ୍ରୀ ପଟେଲ ସମସ୍ତ ଗାଁ ସାଥି ମେଟ୍ ସଦସ୍ୟ ସଦସ୍ୟା ବୃନ୍ଦ ଙ୍କୁ ନିର୍ଦ୍ଦେଶନା ଦେଇଥିଲେ।