03-Dec-2024

ଅତାବିରା《ଆକାଶ ମିଶ୍ର》ଆଜି  ଅତାବିରା ଉଚ୍ଚବିଦ୍ୟାଳୟ ଅତାବିରା ଠାରେ ଗୋଷ୍ଠୀ ଶିକ୍ଷା ପରିବାର ଅତାବିରା ତରଫରୁ ଆନ୍ତର୍ଜାତିକ ଭିନ୍ନକ୍ଷମ ଦିବସ ୨୦୨୪ ଅନୁଷ୍ଠିତ ହୋଇଯାଇଛି । ଏହାର ଉଦଘାଟନୀ  ସମାରୋହ  ଗୋଷ୍ଠୀ ଶିକ୍ଷା ଅଧିକାରୀ ସୁଶ୍ରୀ ମିଶ୍ରାଣୀ କୁମ୍ଭାରଙ୍କ ଅଧ୍ୟକ୍ଷତାରେ ଅନୁଷ୍ଠିତ  ହୋଇଥିବା ବେଳେ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ କାର୍ତ୍ତିକ ବାଗ, ତପନ କୁମାର ଦାସ ଏବଂ ସ୍ଥାନୀୟ ଉଚ୍ଚବିଦ୍ୟାଳୟର ପ୍ରଧାନ ଶିକ୍ଷକ ମନୋଜ ହରପାଲ ମଞ୍ଚାସୀନ ଥିଲେ। ଏହି ଅବସରରେ ଦିବ୍ବ୍ଯାଙ୍ଗ ଛାତ୍ରଛାତ୍ରୀ ମାନଙ୍କ ମଧ୍ୟରେ ସଙ୍ଗୀତ, ଚିତ୍ରାଙ୍କନ, ମ୍ୟୁଜିକ ଚେୟାର୍ ଏବଂ ନୃତ୍ୟ ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଉଦଯାପନୀ ଉତ୍ସବରେ ମୁଖ୍ୟ ଅତିଥି ରୂପେ ଅତାବିରା ଅତିରିକ୍ତ ଗୋଷ୍ଠୀ ଉନ୍ନୟନ ଅଧିକାରୀ ଗିରିନ୍ଦ୍ର ସାହୁ ଯୋଗଦାନ କରିଥିଲେ। ଶିକ୍ଷା, ସ୍ୱାସ୍ଥ୍ୟ, ସାମାଜିକ ଅର୍ଥନୀତି, ରୋଜଗାର ଏବଂ ନ୍ୟାୟ କ୍ଷେତ୍ରରେ ଭିନ୍ନକ୍ଷମ ମାନେ ଭେଦଭାବପୂର୍ଣ୍ଣ ମନୋଭାବ ପୋଷଣ କରିବାର ସମ୍ଭାବନା ଅଧିକ। ତେଣୁ ଏକ ଉଜ୍ୱଳ ଭବିଷ୍ୟତ ପାଇଁ ଆମେ  ତାଙ୍କ ମନରୁ ଭେଦଭାବ ସଂସ୍କୃତିକୁ କମ୍ କରିବାକୁ ଚେଷ୍ଟା କରିବା ସହ ଭିନ୍ନକ୍ଷମ ମାନଙ୍କୁ ପ୍ରତ୍ୟେକ କ୍ଷେତ୍ରରେ ଉତ୍ସାହିତ କରିବା ର ମହାନ୍ ଉଦ୍ଦେଶ୍ୟ ଏହି ଦିବସ ବହନ କରେ  ବୋଲି  ମୁଖ୍ୟ ଅତିଥି ମତବ୍ୟକ୍ତ କରିଥିଲେ। ପ୍ରତିଯୋଗିତାରେ କୃତୀ ଦିବ୍ୟାଙ୍ଗ ପିଲାଙ୍କୁ ମାନପତ୍ର ସହ ପୁରସ୍କାର ପ୍ରଦାନ କରାଯାଇଥିଲା। ସଭା ପରିଚାଳନା କରିଥିଲେ ସି.ଆର.ସି.ସି ନନ୍ଦିଘୋଷ ଭୁଏ l ଧନ୍ୟବାଦ ଅର୍ପଣ କରିଥିଲେ ସି.ଆର.ସି.ସି ରଞ୍ଜନ ବାଗ, ବି. ଆର୍.ଟି. ବଳରାମ ନାଗ, ବି.ଆର୍.ଟି. ସାଇସୁଧା ପାଢ଼ୀ, ବ୍ଲକର ସମସ୍ତ ସି.ଆର.ସି.ସି, ସମସ୍ତ ଅନ୍ତର୍ନିବେଶୀ ସ୍ଵେଚ୍ଛାସେବୀ ତଥା ଅତାବିରା ଉଚ୍ଚବିଦ୍ୟାଳୟର ସମସ୍ତ ଶିକ୍ଷକଶିକ୍ଷୟିତ୍ରୀ ସହଯୋଗ କରିଥିଲେ।