03-Dec-2024

ବୀରମହାରାଜପୁର, (ବିନୋଦ ପାଣ୍ଡେ ):ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ସଦର ମହକୁମା ଗଣପତି ଆଦର୍ଶ ଶିକ୍ଷାନିକେତନରେ ଅବସରକାଳୀନ ଏକ ସମ୍ବର୍ଦ୍ଧିନା ସଭା ବିଦ୍ୟାଳୟର ପ୍ରଧାନ ଶିକ୍ଷକ ଶାନ୍ତନୁ କୁମାର ମହାକୁରଙ୍କ ସଭାପତିତ୍ବରେ ଅନୁଷ୍ଠିତ ହୋଇ ଯାଇଛି। ଜଟେସିଂହା ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ତ୍ରିପୁରାରୀ ରଥ ଚାକିରି ରୁ ଅବସର ନେବା ପରେ ଗଣପତି ଆଦର୍ଶ ଶିକ୍ଷା ନିକେତନ ରେ ଏକ ଉଛ୍ଵସିତ ସମ୍ବର୍ଦ୍ଧନା ବିଦ୍ୟାଳୟର ପରିଚାଳନା ସମିତି, ଛାତ୍ରଛାତ୍ରୀ ଓ ସମସ୍ତ କର୍ମଚାରୀ ଙ୍କ ଉପସ୍ଥିତି ରେ ଜ୍ଞାପନ କରାଯାଇଛି। ବିଦ୍ୟାଳୟ ପରିଚାଳନା ସମିତି ର ସଭାପତି ନାରାୟଣ ଲୁହା, ସଂପାଦକ ବିବସ୍ବତି ପଣ୍ଡା ପ୍ରମୁଖ ଅତିଥି ଭାବେ ଶ୍ରୀ ରଥଙ୍କ ଶିକ୍ଷକତା ଜୀବନର ଆଦର୍ଶବୋଧକୁ ଉପସ୍ଥାପିତ କରିଥିଲେ ଓ ଏହି ଆଦର୍ଶରେ ଅନୁପ୍ରାଣିତ ହେବାପାଇଁ ଛାତ୍ରଛାତ୍ରୀ ମାନଙ୍କୁ ପରାମର୍ଶ ଦେଇଥିଲେ। ବ୍ୟୋମକେଶ ପଣ୍ଡା ସଭା ସଂଯୋଜନା କରିଥିଲାବେଳେ ଦାଶରଥି ସାହୁ ଧନ୍ୟବାଦ ଅର୍ପଣ କରିଥିଲେ।