24-Nov-2024

କନ୍ଧମାଳ(କ୍ଷୀରୋଦ କୁମାର ସାହାଣୀଙ୍କ ରିପୋର୍ଟ ) ରାଜ୍ୟ ସଂଘର ନିଷ୍ପତ୍ତି ପ୍ରକାରେ ସ୍ଥାୟୀ ନିଯୁକ୍ତି ଓ ବେତନ ବୃଦ୍ଧି ପାଇଁ କଳା ଓ କ୍ରୀଡା ଶିକ୍ଷକ ସଂଘ ରାଜ୍ୟର ସମସ୍ତ ନୀର୍ବାଚନ ମଣ୍ଡଳୀର  ମାନ୍ୟବର ବିଧାୟକ ମାନଙ୍କ ଜରିଆରେ ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଦାବିପତ୍ର ପ୍ରଦାନ କରାଯାଉଛି।ଏହି କ୍ରମରେ କନ୍ଧମାଳ ଜିଲ୍ଲା ବାଲିଗୁଡା ନିର୍ବାଚନ ମଣ୍ଡଳୀର ବିଧାୟକ  ଶ୍ରୀ ଚକ୍ରମଣି କହଁରଙ୍କୁ କ.ନୂଆଗାଁ ସ୍ଥିତ ନିଜସ୍ବ ବାସଭବନ କାର୍ଯ୍ୟାଳୟରେ ଭେଟି ଜିଲ୍ଲାର କଳା ଓ କ୍ରୀଡା ଶିକ୍ଷକ ସଂଘ ପକ୍ଷରୁ ଦାବି ପତ୍ର ପ୍ରଦାନ କରିଛନ୍ତି। ଉକ୍ତ ଦାବି ପତ୍ରରେ ଓସେପା ତରଫରୁ ଗତ ୨୦୧୩ ମସିହାରୁ ରାଜ୍ୟରେ ୪୭୮୧ ଜଣ ଶିକ୍ଷକ ଶିକ୍ଷୟିତ୍ରୀ ସ୍ବଳ୍ପ ଦରମା ମାତ୍ର ଦଶ ହଜାର ଟଙ୍କା ଭିତରେ ସୂଚାରୁରୂପେ ଉଚ୍ଚ ପ୍ରାଥମିକ ବିଦ୍ୟାଳୟ ମାନଙ୍କରେ କାର୍ଯ୍ୟ କରୁଥିଲେ ମଧ୍ୟ ସରକାରଙ୍କ ଉଦାସୀନତା ବଡ଼ ଆଶ୍ଚର୍ଯ୍ୟ ଓ ପରିତାପର ବିଷୟ ହୋଇ ପଡିଛି।ଅନ୍ୟ ରାଜ୍ୟ ଗୁଡିକରେ ପ୍ରାୟ ମାସିକ ୫୦ ରୁ ୬୦ ହଜାର ଟଙ୍କା ପର୍ଯ୍ୟନ୍ତ ବେତନ ପାଇବା ବେଳେ ମାତ୍ର ୧୦ ହଜାର ଟଙ୍କାରେ କଳା ଓ କ୍ରୀଡା ପ୍ରଶିକ୍ଷକ ମାନଙ୍କୁ ପାରିଶ୍ରମିକ ପ୍ରଦାନ କରାଯାଉଛି ।ବର୍ତ୍ତମାନ ଦୁନିଆରେ ବଜାର ଦର ହୁ ହୁ ହୋଇ ଦିନକୁ ଦିନ ବଢୁଥିବା ସମୟରେ ରାଜ୍ୟ ସରକାର ଙ୍କର ସ୍ୱଳ୍ପ ପାରିଶ୍ରମିକରେ  କଳା ଓ କ୍ରୀଡା ଶିକ୍ଷକ ଓ ପରିବାର ଚଳିବା ସମ୍ପୂର୍ଣ୍ଣ ଅସମ୍ଭବ ହୋଇପଡୁଛି । ପୁନଶ୍ଚ ଅସ୍ଥାୟୀ ଚାକିରୀର ଅନିଶ୍ଚିତ ଭବିଷ୍ୟତକୁ ନେଇ କଳା ଓ କ୍ରୀଡା ଶିକ୍ଷକ ମାନେ ଆଶା ଓ ଆଶଙ୍କାରେ ପଡ଼ିରହିଥିବା ବେଳେ ରାଜ୍ୟ ସରକାର  କଳା ଓ କ୍ରୀଡା ପ୍ରଶିକ୍ଷକ ମାନଙ୍କ  ଦୁଖଃ କଷ୍ଟ କୁ ହୃଦୟଙ୍ଗମ କରି  ସେମାନଙ୍କୁ ସ୍ଥାୟୀ ନିଯୁକ୍ତିର ବ୍ୟବସ୍ଥା କରାଗଲେ କାର୍ଯ୍ୟରତ ସମସ୍ତ ଶିକ୍ଷକ ଶିକ୍ଷୟତ୍ରୀ ମାନଙ୍କ ଆର୍ଥିକ ଦୁରବସ୍ଥା ଦୂର ହେବା ସହିତ  କଳା ଓ କ୍ରୀଡାର ସମ୍ମାନ ବଢିବା ସହିତ ସରକାରଙ୍କ ର ମହାନ ଉଦ୍ଦେଶ୍ୟ ପୂରଣ ହୋଇପାରିବ।ଓଡିଶା କଳା,ସଂସ୍କୃତି ଓ କ୍ରୀଡା ନୌପୂଣ୍ୟତାର ରାଜ୍ୟକୁ କଳା ଓ କ୍ରୀଡା ଶିକ୍ଷକ ମାନେ ବିଦ୍ୟାଳୟ ସ୍ତରରେ ଛାତ୍ରଛାତ୍ରୀଙ୍କ ମଧ୍ୟରେ ଆଗ୍ରହ ସୃଷ୍ଟି ହୋଇପାରିଥିବା ସହ ବିଦ୍ୟାଳୟ ଗୁଡିକରେ ଛାତ୍ର ଛାତ୍ରୀମାନଙ୍କର ଉପସ୍ଥାନ ବୃଦ୍ଧି ଘଟିଛି । ରାଜ୍ୟ ସରକାର ଅନୁଗ୍ରହ ପୂର୍ବକ କଳା ଓ କ୍ରୀଡା ଶିକ୍ଷକଙ୍କ ଦାବି ପୂରଣ କରିବା ପାଇଁ ରାଜ୍ୟ ସଂଘର ନିଷ୍ପତ୍ତିକୁ ସମର୍ଥନ କରିବା ପାଇଁ ଜିଲ୍ଲା

କଳା ଓ କ୍ରୀଡା ସଂଘର ସଭାପତି ଦିବାକର ବେହେରାଙ୍କ ନେତୃତ୍ୱରେ ଉପ ସଭାପତି ବିପ୍ଳବ କୁମାର ସାହୁ,ସଦସ୍ୟ ବାସୁଦେବ ସାହାଣୀ,ନୀଳ ମାଧବ ପ୍ରଧାନ,ମଦନ ମୋହନ ପଣ୍ଡା, ବିକ୍ରମ କେଶରୀ ବେହେରା,ମଧୁସ୍ମିତା ବିଶି ମାଝି, ମକର ଜେନା, ଗଙ୍ଗା ଧର ସ୍ବାଇଁ ପ୍ରମୁଖ ଉପସ୍ଥିତ ରହି ବିଧାୟକଙ୍କୁ ଦାବି ପତ୍ର ପ୍ରଦାନ କରିଥିବା ଜଣାପଡିଛି ।