22-Nov-2024

ଅତାବିରା (ଆକାଶ ମିଶ୍ର): ଅସମ୍ପୂର୍ଣ୍ଣ ତଥା ତ୍ରୁଟିପୂର୍ଣ୍ଣ ୫୩ ନଂ  ଜାତୀୟ ରାଜପଥ ଅତାବିରା ଉଚ୍ଚ ବିଦ୍ୟାଳୟ ସମ୍ମୁଖରେ ସମ୍ବଲପୁର ବରଗଡ଼ ୱେ ରେ ବରଗଡ଼ ଅଭି ମୁଖେ ଯାଉଥିବା ଏକ  ଅଟୋ  ନଂ - ଓଡ଼ି ୧୭ଏସ୍ ୧୫୧୬ କୁ ଏକ ଦୃତଗାମୀ ପୀକ୍ ଅପ୍ ଧକ୍କା ଦେଇ  ଥିଲା ।ଫଳରେ ଅଟୋ ଟି  ଓଲଟି ପଡ଼ି ଚୁରମlର ହେବl ସହ ଅଟୋ  ଚାଳକ   ଅନନ୍ତ ଚୌଧୁରୀ (୩୦) ସମେତ ବସିଥିବା ୭ଜଣ ଆନନ୍ଦ ଚୌଧୁରୀ (୪୦), ଭୋଲା ଚୌଧୁରୀ (୫୦), ମହେନ୍ଦ୍ର ଚୌଧୁରୀ (୫୪), ନାବାଳକ ଦୀପକ (୧୪), ନବକୁମାର ବାରିକ (୩୫), ବଦ୍ରି ଚୌଧୁରୀ (୬୦), ପରମେଶ୍ବର ଚୌଧୁରୀ(୬୪) ଗୁରୁତର ହୋଇଛନ୍ତି । ଏମାନେ ସମସ୍ତେ  ସମ୍ବଲପୁର ରୁ ନିଜ ଏକ ସମ୍ପର୍କୀୟଙ୍କ  ଦଶାହ କାର୍ଯ୍ୟ ସାରି ନିଜ ଘର କାଠଡେରା ଓ ସୁକୁଟା ପାଲି କୁ ଫେରିବା ବାଟରେ  ଏହି ଦୁର୍ଘଟଣାଟି  ଘଟି ଥିଲା । ଏମାନେ ସମସ୍ତେ  ପଡ଼ି ଚିତ୍କାର କରିଥିବା ବେଳେ ଯିବାଆସିବା ଲୋକେ ସଙ୍ଗେ ସଙ୍ଗେ ୧୦୮ ଯୋଗେ ସ୍ଥାନୀୟ

ଡାକ୍ତରଖାନା କୁ ପଠାଇ ପ୍ରାରମ୍ଭିକ ଚିକିତ୍ସା କରି ଡ୍ରାଇଭର ଅନନ୍ତ ସହ ବଦ୍ରି ଓ ପରମେଶ୍ବରଙ୍କ ଅବସ୍ଥା ସଙ୍କଟାପନ୍ନ ଥିବାରୁ ସେମାନଙ୍କୁ ବୁର୍ଲା ବଡ ଡାକ୍ତରଖାନାକୁ ସ୍ଥାନାନ୍ତର କରାଯାଇ ଥିବା ଜଣା ପଡ଼ିଛି।ଏନେଇ ଅତାବିରା ପୋଲିସ ଘଟଣାସ୍ଥଳକୁ ପହଞ୍ଚି ପ୍ରାରମ୍ଭିକ ତଦନ୍ତ ପୂର୍ବକ ଚୂର୍ ମାର୍ ହୋଇଥିବା ଟେମ୍ପୁ କୁ ଜବତ୍ କରିବା ସହ ଟେମ୍ପୁର ପଛ ପଟୁ ଧକ୍କା ମାରିଥିବା ସୁନ୍ଦର ଗଡ଼ ରୁ ରାୟପୁର ଅଭିମୁଖେ ଯାଉଥିବା ପିକଅପ୍ ନଂ ସିଜି ୦୪ଏନ୍ ଏଲ୍ ୮୯୦୨  କୁ ଜବତ କରିବା ସହ ଗାଡ଼ି ଚାଲକ  ପଙ୍କଜ ଚନ୍ଦ୍ରକାର(୪୦)କୁ ନିଶାସକ୍ତ ଅବସ୍ଥାରେ ଗିରଫ କରିଥିବା ଜଣା ପଡିଛି।