22-Nov-2024

(ନିରଞ୍ଜନ ତ୍ରିପାଠୀ)-ବ୍ଲକ ସ୍ତରୀୟ ଜୁନିୟର ରେଡକ୍ରସ ଶିକ୍ଷା ତାଲିମ ଶିବିର ଯମୁନା କନ୍ଧୁଣୀ ବାଳିକା ଉଚ୍ଚବିଦ୍ୟାଳୟ, ପାଇକମାଲ ଠାରେ ଅନୁଷ୍ଠିତ ହୋଇ ଯାଇଛି l ଏହି ଶିବିର ରେ ବ୍ଲକର ବିଭିନ୍ନ ବିଦ୍ୟାଳୟରୁ ୫୫ ଜଣ ପ୍ରତିଯୋଗୀ ଅଂଶ ଗ୍ରହଣ କରିଥିଲେ l ଉଦ୍ଦଘାଟନୀ ଉତ୍ସବରେ  ମୁଖ୍ୟଅତିଥି   ବିଇଓ, ପାଇକମାଳ, ମୁଖ୍ୟବକ୍ତା ଚୂଳସୁନ୍ଦର ମେହେରଙ୍କ ସହିତ ବିଦ୍ୟାଳୟର ପ୍ରଧାନ ଶିକ୍ଷକ ସୁଶାନ୍ତ ପଣ୍ଡା, ବ୍ଲକ ଜେ. ଆର. ସି. ସଂପାଦକ ସୁଦର୍ଶନ ମହାକୁଡ, ସଂଯୋଜକ ଲୋକନାଥ ସାହୁ ମଞ୍ଚାସିନ ଥିଲେ l ମୁଖ୍ୟ ବକ୍ତା ଜେ. ଆର. ସି. ଗଠନର ଶ୍ରଷ୍ଠl ହେନେରୀ ଡୁନାନ ଏବଂ କ୍ଲାରା ବିରାଟାନ ଙ୍କ ସ୍ମୃତି ଚାରଣ କରିଥିଲେ l

ମୁଖ୍ୟ ଅତିଥି ବିଇଓ ସ୍ବାସ୍ଥ୍ୟ, ସେବା, ବନ୍ଧୁତା ଜେ.ଆର.ସି.ର ମୁଖ୍ୟ ଲକ୍ଷ୍ୟ ବୋଲି ଆଲୋକପାତ କରିଥଲେ l ପ୍ରଧାନ ଶିକ୍ଷକ ଶ୍ରୀଯୁକ୍ତ ପଣ୍ଡା ଧନ୍ୟବାଦ ଅର୍ପଣ କରିଥିଲେ l ଉଦ୍ଦଯାପନୀ ଉତ୍ସବରେ ମୁଖ୍ୟଅତିଥି ଭାବେ ପାଇକମାଲ ସ୍ବାସ୍ଥ୍ୟ ଅଧିକାରୀ ଅଙ୍କିତ ସାଗର ଯୋଗ ଦେଇ ସ୍ୱାସ୍ଥ୍ୟ ସେବା ଉପରେ ଛାତ୍ର, ଛାତ୍ରୀଙ୍କୁ ସଚେତନତାର ବାର୍ତ୍ତା ଦେବା ସଙ୍ଗେ ସଙ୍ଗେ ଜେ.ଆର.ସି.ପତାକା ଅବତରଣ କରିଥିଲେ l ବିଭିନ୍ନ ପ୍ରତିଯୋଗୀତାର ବିଜୟ ଛାତ୍ର, ଛାତ୍ରୀଙ୍କୁ ଟ୍ରଫି ସହିତ ମାନପତ୍ର ପ୍ରଦାନ କରାଯାଇଥିଲା l ଏହି ବିଜୟୀ ଛାତ୍ର, ଛାତ୍ରୀ ଜିଲ୍ଲା ସ୍ତରୀୟ ପ୍ରତିଯଗିତାରେ ଯୋଗ ଦେବେ l ଶିକ୍ଷକ ସେବକ ସେଠ ସଭା ପରିଚାଳନା କରିଥିଲେ l