14-Oct-2024

ବଲାଙ୍ଗିର(ପ୍ରେରଣା ଖବର): ସ୍ଥାନୀୟ ଟିକ୍ରାପଡା ଗାନ୍ଧୀପାଠାଗାର ନବରାତ୍ର ଦୁର୍ଗାପୂଜାରେ ମହିଳା ମାନଙ୍କ ସିନ୍ଦୁର ଖେଳ ସହ ବିଜୟା ଦଶମୀ ପାଳନ କରିଥିଲେ l ସମସ୍ତ ଯଜ୍ଞକର୍ତ୍ତା ତଥା ମହିଳା ମାନେ ସମବେତ ହୋଇ ମା ଦୁର୍ଗଙ୍କୁ ସିନ୍ଦୁର ପିନ୍ଧାଇ ମା ଙ୍କ ଆଶୀର୍ବାଦ ଭିକ୍ଷା କରିଥିଲେ ଏବଂ  ସଧବା ରହିବାର ପ୍ରାର୍ଥନା କରିବା ସହ ସମସ୍ତ ମହିଳା ସିନ୍ଦୁର ପରସ୍ପର ଙ୍କୁ ଲଗାଇ ବାଦ୍ୟ ଗୀତ ରେ ଝୁମି ଉଠିଥିଲେ l ଶଙ୍ଖ, ବାଦ୍ୟ, ଘଣ୍ଟ ସହ ଏକ ଆଧ୍ୟାତ୍ମିକ ପରିବେଶରେ ପୂଜା ମଣ୍ଡପ ଝଲକି ଉଠିଥିଲା l ଆନନ୍ଦ ଓ ଦୁଃଖ ଭରା ପରିବେଶରେ ମା ଙ୍କୁ ମେଲାଣି ଦେବାକୁ ପୂଜା ର କର୍ମ କର୍ତ୍ତା, ପୂଜକ, ପୂଜା କର୍ତ୍ତା ତଥା ପଡ଼ାବାସୀ ମା ଙ୍କ ଆରାଧନା କରିଥିଲେ l ସମସ୍ତ ସହରବାସୀ, ପଡ଼ାବାସୀ, ପାଠାଗାର ସଭ୍ୟ ସଭ୍ୟା, ଯଜ୍ଞକର୍ତ୍ତା ଓ ପରିବାର ମା ଦୁର୍ଗା ଙ୍କ ନବରାତ୍ର ପୂଜା ରେ ସହଯୋଗ କରିଥିବାରୁ ପୂଜା କମିଟି ତଥା ଗାନ୍ଧି ପାଠାଗାର ସଭାପତି ପ୍ରକାଶ  ନେପାକ, ସମ୍ପାଦକ ପ୍ରଦୀପ ସାହୁ ଓ କୋଷାଧକ୍ଷ ଜିତେନ୍ଦ୍ର ନାଗ ତଥା କମିଟି ସମସ୍ତଙ୍କୁ କୃତଜ୍ଞତା ଜଣାଇଛନ୍ତି l