16-Sep-2024

ବଲାଙ୍ଗୀର (ପ୍ରେରଣା ଖବର): ବଲାଙ୍ଗୀର ଜିଲ୍ଲାରେ ଦାଦନ ଶ୍ରମିକ ଚାଲାଣ ବନ୍ଦ ହେବାର ନାଁ ନେଉ ନାହିଁ l ସରକାରଙ୍କ ଏକାଧିକ ଯୋଜନା ଏହି ମାନଙ୍କୁ ବାହାର ରାଜ୍ୟକୁ ଯିବା ବନ୍ଦ ର ଧାରାକୁ କରିପାରୁ ନାହିଁ l ଏହି କ୍ରମରେ କାଲି ରବିବାର ରାତି ୧୧ଟା ସମୟରେ ବେଲପଡ଼ା ପୋଲିସ ଦ୍ବାରା ୨୦ ଜଣ ଶ୍ରମିକ ଉଦ୍ଧାର ହୋଇଛନ୍ତି I ବେଲପଡ଼ା ଥାନା ଡୁଙ୍ଗୁରିଗୁଡ଼ା ଛକରୁ ଏମାନେ ଉଦ୍ଧାର ହୋଇଥିବା ପୋଲିସ ସୂଚନା ଦେଇଛି I ଉଦ୍ଧାର ଶ୍ରମିକଙ୍କ ମଧ୍ୟରେ ୭ ପୁରୁଷ, ୭ ମହିଳା ଓ ୬ ଜଣ ଶିଶୁ ଆଛନ୍ତି l ଏହି ଶ୍ରମିକମାନେ ବେଲପଡ଼ା ଅଞ୍ଚଳରୁ ବେଙ୍ଗାଲୁରୁ କୁ ଚାଲାଣ ହେଉଥିଲେ I ଦାଦନ ଶ୍ରମିକ ଚାଲାଣ ଅଭିଯୋଗରେ ଭରୁଆମୁଣ୍ଡା ଗାଁ ର ସର୍ଦ୍ଦାର ରତ୍ନା ବାଗ ଗିରଫ ହୋଇଛି I ପରେ ଉଦ୍ଧାର  ଶ୍ରମିକ ମାନଙ୍କୁ  ନିଜ ନିଜ ଘରେ ଛାଡ଼ିଲା ବେଲପଡ଼ା ପୋଲିସ I ଉଦ୍ଧାର ଶ୍ରମିକଙ୍କ ମଧ୍ୟରେ ୫ ଜଣ ଛତିଶଗଡ଼ ଅଞ୍ଚଳର ହୋଇଥିବା ସୂଚନା ମିଳିଛି I