04-Sep-2024

ବରଗଡ଼:(ନିରଞ୍ଜନ ତ୍ରିପାଠୀ)-ବରଗଡ଼ ଜିଲ୍ଲା ବିଜେପୁର ବ୍ଲକ ଅନ୍ତର୍ଗତ ଖରମୁଣ୍ଡା ଯୁବ କ୍ରୀଡା ସଂସଦ ଆନୁକୁଲ୍ୟରେ ୧୩ତମ ଗ୍ରାମାଞ୍ଚଳିକ ଫୁଟବଲ ଟୁର୍ଣ୍ଣାମେଣ୍ଟ-୨୦୨୪ ଆରମ୍ଭ ହୋଇଥିବା ବେଳେ ଦ୍ୱିତୀୟ ଦିବସରେ ସମଲେଇପଦର ଭାର୍ସେସ୍ ଧୁମାପାଲି ଓ ଲୁହୁରାଚଟି ଭାର୍ସେସ୍ ରକ୍'ସା ମଧ୍ୟରେ ଅନୁଷ୍ଠିତ ହୋଇଥିବା ରୋଚକ ଫୁଟବଲ ଖେଳରେ ଲୁହୁରାଚଟି ସେମିଫାଇନାଲକୁ ଉନ୍ନୀତ ହୋଇଛି। ଆଜିକାର ଖେଳ ପରିଚାଳନା କରିଥିଲେ ତରଣୀ ଲୁହା,ଅଜୟ ପଧାନ, ସ୍ୱାଧୀନ ମଲ୍ଲିକ ଏବଂ ଧରମ ବୁଡେକ। ଆଜିର ଦିବସରେ ଖରମୁଣ୍ଡା ଯୁବ କ୍ରୀଡା ସାଂସଦଙ୍କ ନିମନ୍ତ୍ରଣ କ୍ରମେ ମୁଖ୍ୟ ଅତିଥି ଭାବେ ଖରମୁଣ୍ଡା ଗ୍ରାମପଞ୍ଚାୟତର ସମିତି ସଭ୍ୟ ସଞ୍ଜିବ ଗଡତିଆ ଯୋଗଦାନ ପୂର୍ବକ ଖେଳ ପ୍ରେମୀ, ଆୟୋଜନ ତଥା ଅନୁଷ୍ଠିତ ଫୁଟବଲ ଟୁର୍ଣ୍ଣାମେଣ୍ଟରେ ଯୋଗଦେଇ ଥିବା ଫୁଟବଲ ଖେଳାଳୀ ଦଳକୁ ଉତ୍ସାହିତ କରିଥିଲେ। ବିଭିନ୍ନ ଗ୍ରାମରୁ ଶତାଧିକ ଦର୍ଶକଙ୍କ ଭିଡ଼ ଦେଖିବାକୁ ମିଳିଥିଲା।