28-Aug-2024

ବରଗଡ଼/ବିଜେପୁର(ନିରଞ୍ଜନ ତ୍ରିପାଠୀ)- ବରଗଡ଼ ଜିଲ୍ଲା ବିଜେପୁର ସହରରେ ପ୍ରତିବର୍ଷ ଭଳି ଚଳିତ ବର୍ଷ ମଧ୍ୟ ଅନୁଷ୍ଠିତ ହେବାକୁ ଥିବା ଅନନ୍ତ ପୂଜା ବହୁ ଆଡମ୍ବର ସହ ପାଳନ କରାଯିବା ପାଇଁ ସମସ୍ତ କମିଟି ପକ୍ଷରୁ ନିଷ୍ପତ୍ତି ନିଆଯାଇ ଥିବାବେଳେ  ବଜରଙ୍ଗ ଛକ  ଭୋଏ ପଡା ଅନନ୍ତ ପୂଜା କମିଟି ପକ୍ଷରୁ କଂସ ଭୂମିକାରେ ଅଭିନୟ କରିଆସୁଥିବା ଅକ୍ଷୟ କୁମାର ଭୋଇଙ୍କୁ ଚଳିତ ବର୍ଷ କଂସ ଦରବାରରେ ତାଙ୍କ ହୁକୁମ ର ଯାଦୁ ପ୍ରଦର୍ଶିତ କରିବାପାଇଁ କମିଟି କଂସଙ୍କୁ ଉପତୈକନ ସହ ବରଣ କରିଛନ୍ତି। ଆସନ୍ତା ସେପ୍ଟେମ୍ବର ୧୬.୦୯.୨୦୨୪

ତାରିଖ ଠାରୁ ୧୯.୦୯.୨୦୨୪ ତାରିଖ ପର୍ଯ୍ୟନ୍ତ ଦିର୍ଘ ୪ ଦିନ ଧରି ଅନୁଷ୍ଠିତ ପଶ୍ଚିମ ଓଡିଶାର ସୁପ୍ରସିଦ୍ଧ ଅନନ୍ତ ପୂଜା ଅନୁଷ୍ଠିତ ସମୟରେ କଂସ ମହାରାଜ ତାଙ୍କ କଳା ଯାଦୁ ପ୍ରଦର୍ଶିତ କରିବା କାର୍ଯ୍ୟକ୍ରମ ସ୍ଥିରିକୃତ ହୋଇଛି।ଏହି ଐତିହାସିକ କିମ୍ବଦନ୍ତୀ ପୂର୍ଣ୍ଣ ଅନନ୍ତ ପୂଜା ବିଜେପୁର ଠାରେ କେଉଁ ଆବାହମାନ କାଳରୁ ଅନୁଷ୍ଠିତ ହୋଇ ଆସୁଛି। ଚଳିତ ବର୍ଷ ଖୁବ୍ ଶାନ୍ତି ଶୃଙ୍ଖଳା ସହ କିଭଳି ଭାବେ ଅନନ୍ତ ପୂଜା ପାଳନ କରାଯିବ ସେ ନେଇ ସମସ୍ତ କମିଟି ବେଶ ସଚେତନ ହୋଇଥିବା ଜଣାଯାଏ।