19-Aug-2024

ଆଗଲପୁର, (ବିନୋଦ ଦୀପ) ଓଡ଼ିଶା ରାଜ୍ୟ କୃଷି ବିଭାଗ ଓ ଆନ୍ତର୍ଜାତୀୟ ଧାନ ଗବେଷଣା କେନ୍ଦ୍ର ର ମିଳିତ ସହଯୋଗ ରେ ଏକ ଉନ୍ନତ ମାନର ଧାନ ଚାଷ କରିବା ପାଇଁ ଆଗଲପୁର ବ୍ଲକ୍ କୃଷି ବିଭାଗ ଅଣ୍ଟା ଭିଦିଛି। ଏଥିପାଇଁ ବ୍ଲକ୍ ର ସାଲେଭଟା ଠାରେ ଜୈବିକ ପଦ୍ଧତି ରେ ଧାନ ଚାଷ ପାଇଁ ତାର ପ୍ରସ୍ତୁତି ଆରମ୍ଭ କରି ଦେଇଛି। ଏହି ଚାଷ ପାଇଁ ଉନ୍ନତ ମାନର ଧାନ ବିହନ ଆଣି ତାକୁ ତଳି ପକାଇ ଧାନ ଜଗା ଯନ୍ତ୍ର ମାଧ୍ୟମରେ ପ୍ରଥମ କରି କାର୍ଯ୍ୟକ୍ଷମ କରା ଯାଇଛି। ଷୋହଳ ପ୍ରକାର ର ଉନ୍ନତ ମାନର ଧାନ ବିହନ ଆଣି ପରୀକ୍ଷା ମୂଳକ ଭାବରେ ଆରମ୍ଭ କରା ଯାଇଛି ବୋଲି କୃଷି ଅଧିକାରୀ ଶ୍ରୀ ଆଶିଷ ପାଣିଗ୍ରାହୀ ସୂଚନା ଦେଇଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ଏହି ସବୁ ଧାନ ର ଚାଉଳ ରେ ବିଭିନ୍ନ ପ୍ରକାରର ଶକ୍ତି ନିରୋଧକ ଉପାଦାନ ସବୁ ରହିଅଛି। ଏହା ଶରୀର ର ଅନେକ କ୍ଷେତ୍ରରେ ସହାୟକ ହେବ ବୋଲି ମଧ୍ୟ ସୂଚନା ଦେଇଛନ୍ତି। ଏହି ସବୁ ଧାନ ଚାଷ କରିବା ଦ୍ୱାରା ଅଧିକ ଅମଳ ହେବା ସହିତ ଚାଷୀ ଲାଭବାନ ମଧ୍ୟ ହୋଇ ପାରିବ। ଡ୍ରୋନ୍ ମାଧ୍ୟମ ରେ ଆକାଶ ମାର୍ଗ ରୁ ସାର ଓ କୀଟନାଶକ ଔଷଧ ବିଁଛନ କରାଯିବ ବୋଲି ମଧ୍ୟ ତାଙ୍କ ପ୍ରତିକ୍ରିୟା ରେ କହିଛନ୍ତି। ବିଶେଷ କରି ତେଲେଙ୍ଗାନା ସୋନା, ଡି ଆର୍ ଆର୍ -48, ଡି ଆର୍ ଆର୍ 58, ଡି ଆର୍ ଆର୍ 56 , ସ୍ଵର୍ଣ୍ଣ ଶକ୍ତି, ରାଜେନ୍ଦ୍ର ସ୍ୱର୍ଣାଶକ୍ତି, ବି ଆର୍ ଆର୍ ଆଇ 100 ପ୍ରଭୃତି ଷୋହଳ ପ୍ରକାର ର ଉନ୍ନତ ମାନର ବିହନ ଆଣି ପରୀକ୍ଷା ମୂଳକ ଭାବରେ ଚାଷ କାମ ଚାଲିଥିବା କହିଛନ୍ତି l