18-Aug-2024

ବଲାଙ୍ଗୀର (ପ୍ରେରଣା ଖବର): ଆଜି ବଲାଙ୍ଗୀର ଜେ ଏସ୍ ଏମ୍ କମର୍ସ ଡିଗ୍ରୀ କଲେଜର ଚତୁର୍ଥ କନ୍ଭୋକେସନ ଦିବସ ଉତ୍ସାହ ଉଦ୍ଦୀପନାର ସହ ପାଳିତ ହୋଇଅଛି। ଏହି ଅବସରରେ ମୁଖ୍ୟ ଅତିଥି ଭାବେ ବଲାଙ୍ଗୀର ଲୋକସଭା ସାଂସଦ ଶ୍ରୀମତୀ ସଙ୍ଗୀତା କୁମାରୀ ସିଂହଦେଓ ଯୋଗ ଦେଇ ଛାତ୍ରଛାତ୍ରୀମାନଙ୍କୁ ତାଙ୍କରି ଭବିଷ୍ୟତ ନିମନ୍ତେ ଅତ୍ୟନ୍ତ ଉତ୍ସାହପ୍ରଦ ଭାଷଣ ଦେଇ

ସମସ୍ତଙ୍କୁ ପ୍ରଭାବିତ କରିଥିଲେ। ତାଙ୍କର ପ୍ରେରଣାଦାୟକ ଶବ୍ଦଗୁଡ଼ିକ ସମସ୍ତ ସ୍ନାତକମାନଙ୍କୁ ତାଙ୍କର ଆଗାମୀ ଜୀବନ ଯାତ୍ରା ନିମନ୍ତେ ପ୍ରେରିତ କରିଥିଲା। ସମ୍ମାନୀୟ ଅତିଥି ଭାବେ ଡ.ସୁରେଶ କୁମାର ଏକନାଥ(ଅଧ୍ୟକ୍ଷ ଏସ୍‌ଆଇଏଚଏମ୍ ବଲାଙ୍ଗିର) ଓ ମୁଖ୍ୟ ବକ୍ତା ଭାବେ ଡ. ପ୍ରତାପ କୁମାର ଦାଶ(ସଂଯୁକ୍ତ ପ୍ରଫେସର ରାଜେନ୍ଦ୍ର ବିଶ୍ୱବିଦ୍ୟାଳୟ) ଉପସ୍ଥିତ ରହି ସ୍ନାତକ ଛାତ୍ରଛାତ୍ରୀ ମାନଙ୍କୁ ଅମୂଲ୍ୟ ଦିଗଦର୍ଶନା ପ୍ରଦାନ କରିଥିଲେ। ଅନ୍ୟାନ୍ୟ  ଅତିଥିମାନଙ୍କ ମଧ୍ୟରେ କଲେଜର ମୁଖ୍ୟ ମୁଖ୍ୟ ଉପଦେଷ୍ଟା ମନୋରଞ୍ଜନ ସାହୁ, ନିର୍ଦ୍ଦେଶକ ପୀତାବାସ ପଣ୍ଡା, ଚେୟାରମେନ୍ ସିଏ ଶ୍ରୀକାନ୍ତ ଶର୍ମା, ଓ ଅଧ୍ୟକ୍ଷ ଡ. ଦିବ୍ୟକିଶୋର ପ୍ରଧାନ ମଞ୍ଚାସୀନ ଥିଲେ ।
ଚଳିତ ବର୍ଷରେ ପାସ କରିଥିବା ୩୭ ଜଣ ଛାତ୍ରଛାତ୍ରୀଙ୍କୁ ସ୍ନାତକ ପ୍ରମାଣପତ୍ର ପ୍ରଦାନ କରିବା ସହିତ ସମ୍ମାନିତ କରାଯାଇଥିଲା ।  ଛାତ୍ର ପି ସାଓ୍ୱନ ସାମ କଲେଜ ଟପ୍ପର ତଥା ରାଜେନ୍ଦ୍ର ବିଶ୍ୱବିଦ୍ୱାଳୟସ୍ତରେ ଷଷ୍ଠ ସ୍ଥାନ ରଖିଥିବାରୁ ସମ୍ମାନିତ କରାଯାଇଥିଲା। ସିଏ ଇଣ୍ଟର ଓ ସିଏମେ ଫାଉଣ୍ଡଡେସନ ପାଠରେ ଉତ୍ତୀର୍ଣ୍ଣ ହୋଇଥିବା କୃତୀ ଛାତ୍ରଛାତ୍ରୀ

ମାନଙ୍କୁ ମଧ୍ୟ ସମ୍ମାନିତ କରାଯାଇ ଥିଲା l  ମହାବିଦ୍ୟାଳୟର ଛାତ୍ର  ଅଭିଷେକ ଅଗ୍ରୱାଲ ସି.ଏ ପାସ କରିଥିବାରୁ ତାଙ୍କୁ ମଧ୍ୟ ସମ୍ମାନିତ କରାଯାଇଥିଲା । କିଛି ଛାତ୍ରଛାତ୍ରୀ ଏହି କଲେଜରେ ଅଧ୍ୟୟନ ସମୟର ଅଭିଜ୍ଞତା ଗୁଡିକୁ ପ୍ରକାଶ କରିବା ସହିତ ଶିକ୍ଷକ ଶିକ୍ଷୟତ୍ରୀ ତଥା କଲେଜର ପ୍ରଶଂସା କରିଥିଲେ ।
ଏହି କାର୍ଯ୍ୟକ୍ରମରେ  କଲେଜର ଶିକ୍ଷକ ଶିକ୍ଷୟତ୍ରୀ, ସମସ୍ତ କର୍ମକର୍ତ୍ତା ଓ ଛାତ୍ରଛାତ୍ରୀ ସହଯୋଗ କରିଥିଲେ l