31-Dec-2020

 ସମ୍ବଲପୁର (ଦେବାଶିଷ ବେହେରାଙ୍କ ରିପୋର୍ଟ)  ଓଡିଶାର ରକ୍ତତିର୍ଥ କୁହାଯାଉଥିବା ସମ୍ବଲପୁର କୁଦୋପାଲିରେ 1857 ମସିହା ଡିସେମ୍ବର 30 ତାରିଖ ରେ ପୁଷପୁନୀ ଅବସରରେ ଶହୀଦ ହୋଇଥିବା 58 ଜଣ ସଂଗ୍ରାମୀ ମାନଙ୍କୁ ପଶ୍ଚିମାଞ୍ଚଳ ଏକତା ମଂଚ ପକ୍ଷରୁ ଶ୍ରଦ୍ଧାଞ୍ଜଳୀ ଅର୍ପଣ କରାଯାଇଛି । ଏହି ଦିନ ଇଂରେଜ ମାନଙ୍କ ଆକ୍ରମଣ ରେ ସୁରେନ୍ଦ୍ର ସାଏ ଙ୍କ ଭାଇ ଛବିଳ ସାଏ ଙ୍କ ସମେତ 53 ଜଣ ଶହୀଦ ହୋଇଥିଲେ ।

ଘଟଣାରେ ଧରାପଡି 4ଜଣ ଫାଶୀ ପାଇଥିବା ବେଳେ ଜଣେ ଇଂରେଜ ସୈନ୍ୟ କୁ ମଧ୍ୟ ଫାଶୀ ଦିଆଯାଇଥିଲା । କୁଦୋପାଲି ଘାଟୀ ଘଟଣା ରେ ରକ୍ତ ରଂଜିତ ହୋଇଯାଇଥିଲା। ସଂଗ୍ରାମୀ ମାନଙ୍କ ବଳିଦାନରେ ଦେଶ ସ୍ଵାଧୀନ ହୋଇଛି । ତେବେ ସମ୍ବଲପୁର ମହାନଗର ଭିତରେ ରହିଥିବା ସତ୍ତ୍ୱେ ସଂଗ୍ରାମୀ ମାନଙ୍କୁ ଶ୍ରଦ୍ଧାଞ୍ଜଳୀ ଦେବାପାଇଁ ପ୍ରଶାସନ କିମ୍ବା ମହାନଗର ନିଗମ ପକ୍ଷରୁ କୌଣସି ବ୍ୟବସ୍ଥା ନ କରିବା ଦୁର୍ଭାଗ୍ୟ ର ବିଷୟ । ସରକାର ମହାପୁରୁଷ ମାନଙ୍କ ସ୍ମୃତି ର ସୁରକ୍ଷା ପାଇଁ ଘୋଷଣା କରିଛନ୍ତି । ମାତ୍ର ସମ୍ବଲପୁର ରେ ମହାନ୍ ସଂଗ୍ରାମୀ ମାନଙ୍କ ବଳିଦାନ କୁ ମନେ ପକାଇବା ପାଇଁ ପ୍ରଶାସନ ର ଆନ୍ତରିକତା ନ ରହିବା ଘଟଣାକୁ ପଶ୍ଚିମାଞ୍ଚଳ ଏକତା ମଂଚ ପକ୍ଷରୁ ତିବ୍ର ନିନ୍ଦା କରାଯାଇଛି । ସମ୍ବଲପୁର ମହାନଗର ର ଏକ ପ୍ରମୁଖ ଛକ ଭାବରେ ସିନ୍ଦୁରପଙ୍କ ଛକକୁ ଶହୀଦ ଛବିଳ ସାଏ ଙ୍କ ନାମରେ ନାମିତ କରିବାକୁ ପଶ୍ଚିମାଞ୍ଚଳ ଏକତା ମଂଚ ପକ୍ଷରୁ ଦାବୀ କରାଯାଇଛି । ଏହାସହ କୁଦୋପାଲି ଘାଟିରେ ସ୍ମୃତି ର ସୁରକ୍ଷା ପାଇଁ ପଦକ୍ଷେପ ନେବାକୁ ମଂଚ ପକ୍ଷରୁ ଦାବି କରାଯାଇଛି । ପଶ୍ଚିମାଞ୍ଚଳ ଏକତା ମଂଚ ଆବାହକ ଭବାନୀଶ ଭୋଇ ଙ୍କ ସଭାପତି ତ୍ବରେ ଅନୁଷ୍ଠିତ କାର୍ଯ୍ୟକ୍ରମ ରେ ସମ୍ବଲପୁର ଜିଲ୍ଲା ଓକିଲ ସଂଘ ସଭାପତି ଡ.ପ୍ରମୋଦ ରଥ, କଲ୍ପନା ମିଶ୍ର ,ପଙ୍କଜିନୀ ମେହେର ,ଦେବାଶିଷ ବେହେରା ,ଅଭିଷେକ ମହାରଣା ,କାନ୍ତିମେହେର୍ ,ଶଙ୍କର ମେହେର ,ଆଭାସ୍ ପଣ୍ଡା ,ରାହୁଲ୍ ଗୁପ୍ତା ,ଚୂଡାମଣି ମହାପାତ୍ର ,ପ୍ରଫୁଲ୍ଲ ଭୋଇ ,ତରଣୀ ସେଠ୍ ପ୍ରମୁଖଙ୍କ ସହ କୁଦୋପାଲି ଗ୍ରାମ ବାସୀ ସାମିଲ ହୋଇଥିଲେ