08-Aug-2024

ତୁଷୁରା (ପଞ୍ଚାନନ ନାଏକ) ତୁଷୁରା ପୋଲିସ ପେଟ୍ରୋଲିଂ କରୁଥିବା ବେଳେ  ବିପୁଳ ପରିମାଣ ରେ ଗଞେଇ ଜବତ କରିବା ସହ  ଗୋଟିଏ  ଅଟୋ ରିକ୍ସା,  ୩ ଟି ବାଇକ ସହ ୪ ଜଣ ଅଭିଯୁକ୍ତଙ୍କୁ ବୁଧବାର ଗିରଫ କର ବଲାଙ୍ଗୀର କୋର୍ଟଚାଲାଣ କରିଛି । ଗିରଫ ଅଭିଯୁକ୍ତ ମାନେ ହେଲେ ତୁଷୁରା ଥାନା ଅନ୍ତର୍ଗତ ବିରାମୁଣ୍ଡା ଗାଁ ଜନକପୁରର ରାଜେଦ୍ର ବାଗ, ଘଣ୍ଟାପଡା ଥାନା ଅନ୍ତର୍ଗତ ଉଡେନର ବ୍ୟୈକୁଣ୍ଠ ନାଗ, ରିଙ୍ଗାପଡାର ସିଦ୍ଧାନ୍ତ ରଣା ଓ କନ୍ଧମାଳ ଜିଲ୍ଲା ବାଲିଗୁଡା ଥାନା ଅନ୍ତର୍ଗତ ଅନ୍ଚଲର ରାଜକୁମାର ଗନ୍ତିଆ। ସୂଚନା ଅନୁସାରେ ତୁଷୁରା ପୁଲିସ ଗଞେଇ ଚାଲାଣ ହେଉଥିଵା ଖବର ପାଇ ଗୁଡଭେଲା,ବିରାମୁଣ୍ଡା ରାସ୍ତା ରେ ପାଟ୍ରୋଲିଂ କରୁଥିବା ବେଳେ  ଏକ ଯାତ୍ରୀ ବାହି ଅଟୋ ରିକ୍ସା ଗୁଡଭେଲା ପଟକୁ ଯାଉଥିଲା।  ପୁଲିସ ସନ୍ଦେହ କରି ଉକ୍ତ ଅଟୋ ରିକ୍ସ କୁ ଯାଞ୍ଚ କରିଥିଲା ।  ଯାଞ୍ଚ ବେଳେ ଉକ୍ତ ଅଟୋ ରେ ବିପୁଳ ପରିମାଣରେ ପୁଲିସ ଗଞେଇ ଥିବା ଦେଖିବାକୁ ପାଇଥିଲା। ଠିକ ଏହି ସମୟରେ ୩ ଟି ବାଇକ ଦୃତ ଗତି ରେ ଆସି ଖସିଯିବାକୁ ଚେଷ୍ଟା କରୁଥିଲା। କିନ୍ତୁ ପୁଲିସ ସମସ୍ତ ଙ୍କୁ ଧରିବା ରେ ସଫଲ ହୋଇଥିଲା। ଉକ୍ତ ତିନୋଟି ବାଇକରେ ଗଞେଇ ଭର୍ତ୍ତି ହୋଇ ରହିଥିଲା।  ସମସ୍ତଙ୍କୁ ଗିରଫ କରିବା ସହ ୪ ଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି।ମୋଟ ୪୦ କେଜି ଗଞ୍ଜେଇ ଜବତ କରାଯାଇଥିବା ତୁଷୁରା ଥାନାଧିକାରୀ ଶଶୀଭୂଷଣ ମିଶ୍ର ପ୍ରକାଶ କରିଥିଲେ । ଏସଆଇ ଭାନୁପ୍ରୀୟା ମହାନ୍ତି, ଗଙ୍ଗାଧର ମଲ୍ଲିକ, ଉପେନ୍ଦ୍ର ବିଶ୍ଵାଲ, ବଲରାମ କାଲାଗୁରା,ପଞ୍ଚାନନ ମଲ୍ଲିକ ଆଦି ପେଟ୍ରୋଲିଂରେ ସାମିଲ ଥିଲେ।