07-Aug-2024

ବରଗଡ଼/ବିଜେପୁର:(ନିରଞ୍ଜନ ତ୍ରିପାଠୀ)- ବରଗଡ ଜିଲ୍ଲା ସମାଜସେବୀ ସଂଘର ସକ୍ରିୟ ସଦସ୍ୟ ଶଙ୍କର ଦୋରାଙ୍କ ସୂଚନା ଅନୁସାରେ ଜଣେ ଅସହାୟ ବୁଢ଼ୀ ମାଁ ଖଲିଆପାଲି ପଞ୍ଚାୟତ ରେ ଅତି ଦୁଃଖଦ ପରିସ୍ଥିତିରେ ବସବାସ କରୁଛନ୍ତି |ଶାନ୍ତି ଠାକୁର ନାମକ ବୁଢୀମାଁ ହେଉଛନ୍ତି ବିହାର ରାଜ୍ୟର।ସେ ଦୀର୍ଘ ୫୦ ବର୍ଷ ହେଲା ଖଲିଆପାଲିରେ ବସବାସ କରୁଥିଲେ ।ବର୍ତ୍ତମାନ ତାଙ୍କର ବୟସ ୭୫ ବର୍ଷରୁ ଉର୍ଦ୍ଧ ।ସେ ନିଜେ ନିଜର ଯତ୍ନ ନେବା ଅସମ୍ଭବ। ତେଣୁ ଗ୍ରାମବାସୀ ବରଗଡ଼ ଜିଲ୍ଲା ସମାଜସେବୀ ସଂଘକୁ କୈାଣସି ବୃଦ୍ଧାଶ୍ରମରେ ଆଶ୍ରୟ ଦେବାକୁ ଅନୁରାଧ କରିଥିଲେ |ଜିଲ୍ଲା ସମାଜସେବୀ ସଂଘର ସଭାପତି ବଳିଷ୍ଠ ଦୁର୍ଗା, ବିଜେପୁର ସ୍ଥିତ ପାର୍ବତୀ ଗିରି ଆଶ୍ରମର ପରିଚାଳକ ଜଳନ୍ଧର ପଟେଲଙ୍କୁ ଯୋଗାଯୋଗ କରି ଜିଲ୍ଲା ସମାଜସେବୀ ସଂଘର ସକ୍ରିୟ ସଦସ୍ୟ ପ୍ରମୋଦ, ଶଙ୍କର ଏବଂ ନାରାୟଣ ଆଶ୍ରମକୁ ଯାଇ ବୁଢୀମାଁ ଙ୍କୁ ଥଇଥାନ କରିଛନ୍ତି।