06-Aug-2024

ବରଗଡ଼/ଅମ୍ବାଭୋନା(ନିରଞ୍ଜନ ତ୍ରିପାଠୀ)-ରାଜ୍ୟ ସରକାରଙ୍କ ନୁତନ ଶିକ୍ଷାନୀତି ଅନୁସାରେ ନିର୍ଦ୍ଧାରିତ ସର୍ବନିମ୍ନ ବିଦ୍ୟାର୍ଥିଙ୍କ ସଂଖ୍ୟାଠାରୁ କମ ସଂଖ୍ୟକ ବିଦ୍ୟାର୍ଥୀ ଥିବା ବିଦ୍ୟାଳୟଗୁଡ଼ିକୁ ବନ୍ଦ କରାଯାଇଛି । ଏହି କ୍ରମରେ ବରଗଡ ଜିଲ୍ଲା ଅମ୍ବାଭୋନା ବ୍ଲକ ଉପାନ୍ତ ତଥା ବିଛିନ୍ନାଞ୍ଚଳ ମଧ୍ୟରେ ଅବସ୍ଥିତ ବୁଗବୁଗୀ ପ୍ରାଥମିକ ବିଦ୍ୟାଳୟକୁ ବନ୍ଦ କରାଯାଇଛି। ୧୯୫୮ମସିହାରୁ ସ୍ଥାପିତ ଏହି ବିଦ୍ୟାଳୟରେ ବର୍ତ୍ତମାନ ସ୍ଥିତିରେ ଏହି ସ୍କୁଲର ପ୍ରଥମରୁ ପଞ୍ଚମ ଶ୍ରେଣୀ ଯାଏ ପାଖାପାଖି ୨୪ଜଣ ଛାତ୍ରଛାତ୍ରୀଙ୍କ ମଧ୍ଯରୁ ୧୨ ଜଣ ବୁଗବୁଗୀ ଗ୍ରାମରୁ ୨ କିଲୋମିଟର ଦୁର ବୁଢିପାଲି ପ୍ରାଥମିକ ବିଦ୍ୟାଳୟକୁ ଯାଉଥିବା ବେଳେ ଓ ଅନ୍ୟ ଛାତ୍ର ଛାତ୍ରୀ ୨ କିଲୋମିଟର ଦୁର ତଥା ନିଘଞ୍ଚ ଜଙ୍ଗଲି

ରାସ୍ତା ଦେଇ ବାଞ୍ଜିପାଲି ବିଦ୍ୟାଳୟରେ ପାଠ ପଢ଼ୁଛନ୍ତି। କିଛି ଛାତ୍ରଛାତ୍ରୀ ପାଠ ପଢ଼ାରେ ଡେ଼ାରି ବାନ୍ଧି ଗାଈ, ଛେଲି, ମେଣ୍ଢା ଚରାଉଥିବା ଗ୍ରାମବାସୀ ଅଭିଯୋଗ କରିଛନ୍ତି।ରାଜ୍ଯ ସରକାର ସଭିଁଏ ପଢନ୍ତୁ ସଭିଁଏ ବଢନ୍ତୁ ବୋଲି ନାରା ଦେଉଥିବା ବେଳେ ଭିତ୍ତିଭୂମି ଥାଇ ଶିକ୍ଷାନୀତି ଯୋଗୁଁ ଶିକ୍ଷା ଭଳି ମୌଳିକ ଅଧିକାରରୁ ଜାଣିଶୁଣି ବଞ୍ଚିତ କରାଯାଉଥିବା ଗ୍ରାମବାସୀ  ଅଭିଯୋଗ କରିଆସୁଥିଲେ ମଧ୍ୟ କେହି ଶୁଣୁ ନାହାନ୍ତି। ଏ ସଂକ୍ରାନ୍ତରେ ଆଜି ମଙ୍ଗଳବାର ପାଖାପାଖି ୧୧ଟା ସମୟରେ ଅମ୍ବାଭୋନା ବିଡିଓ ଶଙ୍କର ବାଗ, ବିଇଓ ଭାବନା ସାହୁ, ଏବିଇଓ ଲାଲମୋହନ ସିଂ ବୁଗବୁଗୀ ଗ୍ରାମକୁ ପହଞ୍ଚି ପରିଦର୍ଶନ କରିଥିଲେ ଏବଂ ଏ ବିଷୟରେ ଗ୍ରାମବାସୀଙ୍କ ସହ ଆଲୋଚନା କରିଥିଲେ। ଏଥିପ୍ରତି  ଶିକ୍ଷାବିଭାଗ ଦୃଷ୍ଟି ଦେଲେ ସ୍କୁଲ ମାନଙ୍କରେ ଏପ୍ରକାର ଯେଉଁ ପରିସ୍ଥିତି ହେଉଛି, ତାହା ଯେମିତି ନ ହେବ ଓ ଆଗକୁ ଛାତ୍ର ଛାତ୍ରୀଙ୍କ ଯେମିତି ଅସୁବିଧା ନହେବ ସେ ନେଇ ଶିକ୍ଷାବିଭାଗ ଦୃଷ୍ଟି ଦେବା କଥା ବୋଲି ସାଧାରଣରେ ଚର୍ଚ୍ଚା ହେଉଛି ।