06-Aug-2024

ସିନାପାଲି (ଚିନ୍ତାମଣି ନେତାମ ) ନୂଆପଡା ଜିଲ୍ଲା ସିନାପାଲି ବ୍ଲକ ର ସହ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀଯୁକ୍ତ ପ୍ରଭାକର ମହାହୁତି ଙ୍କ  ଅବସରକାଳୀନ ବିଦାୟ ସମ୍ବର୍ଦ୍ଧନା ସିନାପାଲି ଗୋଷ୍ଠୀ ଶିକ୍ଷା ଅଧିକାରୀଙ୍କ କାର୍ଯାଳୟ ରେ ଅନୁଷ୍ଠିତ ହୋଇଯାଇଛି । ଏହି ଅବସରରେ ଅନୁଷ୍ଠିତ ହୋଇଥିବା ସଭାରେ ବି ଇ ଓ ଶ୍ରୀଯୁକ୍ତ ଯତୀନ୍ଦ୍ର କୁମାର ସେଠ ସଭାପତିତ୍ୱ କରିଥିବା ବେଳେ ମୁଖ୍ୟ ଅତିଥି ଭାବରେ ବି ଆର ସି ସି ଶ୍ରୀଯୁକ୍ତ ପ୍ରଦୀପ କୁମାର ପଣ୍ଡା  ମୁଖ୍ୟ ବକ୍ତା ଭାବେ ସିନାପାଲି ବ୍ଲକ ପ୍ରାଥମିକ ଶିକ୍ଷକ ସଂଘ ସଭାପତି ଶ୍ରୀଯୁକ୍ତ ପ୍ରସନ୍ନ କୁମାର ମାଝୀ ଏବଂ ବିଶିଷ୍ଟ ଅତିଥି ଭାବେ ଅବସର ପ୍ରାପ୍ତ  ଏ ବି ଇ ଓ ଶ୍ରୀଯୁକ୍ତ ପ୍ରଭାକର ମହାହୁତି ଓ ସମ୍ମାନିତ ଅତିଥି ଭାବେ ସେକ୍ସନ ଅଫିସର  କମଳ ମାଝୀ  ଯୋଗଦେଇ ଥିଲେ। ସି ଆର ସି ସି ଶ୍ରୀଯୁକ୍ତ ରାକେଶ କୁମାର ମିଶ୍ର ଅତିଥି ଅଧିକାରୀଙ୍କୁ ମଞ୍ଚ କୁ ସ୍ବାଗତ କରିବା ସହ ସଭାକାର୍ଯ୍ୟ ପରିଚାଳନା କରିଥିଲେ।ଉପସ୍ଥିତ ସି ଆର ସି ସି ମାନେ ଏବଂ ଗୋଷ୍ଠୀ ଶିକ୍ଷା କାର୍ଯ୍ୟାଳୟ ର ଅଧିକାରୀ ଓ ଅତିଥି ଗଣ ବିଦାୟୀ ଶିକ୍ଷା ଅଧିକାରୀ ଶ୍ରୀଯୁକ୍ତ ମହାହୁତିଙ୍କ ର ଦୀର୍ଘ  ୩୨ ବର୍ଷ ର ସଫଳ ଶିକ୍ଷକତା ଜୀବନ ପ୍ରାୟ ଏକ ବର୍ଷ ଶିକ୍ଷା ଅଧିକାରୀ ଭାବରେ ପ୍ରଶାସନିକ ଦକ୍ଷତା ର ଭୁୟସୀ ପ୍ରଶଂସା କରିଥିଲେ। ତାଙ୍କର ସରଳ ଜୀବନ ଯାପନ, ଛାତ୍ର ବତ୍ସଳତା, ସହ କର୍ମୀଙ୍କ ସହ ସୁ ସମ୍ପର୍କ ଓ ବନ୍ଧୁତା ପଣ ଯୋଗୁଁ ସବୁଦିନ ପାଇଁ ସିନାପାଲି ର ଶିକ୍ଷକ ଓ ସି ଆର ସି ସି ଙ୍କ ମନରେ ରହିବେ ବୋଲି ଅତିଥି ଗଣ ମନ୍ତବ୍ୟ ଦେଇଥିଲେ । ଗୋଷ୍ଠୀ ଶିକ୍ଷା କାର୍ଯ୍ୟାଳୟ ତରଫରୁ ତାଙ୍କୁ ମାନ ପତ୍ର, ଉପ ଢୌକନ ଓ ଉପହାର ଦେଇ ସମ୍ବର୍ଦ୍ଧିତ କରାଯାଇଥିଲା ।ସଭା ଶେଷରେ ଶ୍ରୀ ସନ୍ତୋଷ ବନ୍ଧିଛୋର ଅତିଥିଗଣ ଙ୍କୁ ଧନ୍ୟବାଦ ଅର୍ପଣ କରିଥିଲେ। ସଭାରେ  ସି ଆର ସି ସି   ଶ୍ରୀଯୁକ୍ତ ଦିବ୍ୟରଞ୍ଜନ ପାଢ଼ୀ, କ୍ଷୀରସିନ୍ଧୁ ମେହେର, ଈଶ୍ୱର  ବଘେଲ, ମହେଶ୍ୱର ଗୁଆଳ, ସୁଶୀଲ କୁମାର ଯୋଶୀ,ସମସ୍ତ ସି ଆର ସି ସି ଓ ବି ଇ ଓ ଅଫିସର ସମସ୍ତ କର୍ମକର୍ତା ଉପସ୍ଥିତ ଥିଲେ । ସେହିପରି ନୀଳଜି ଉଚ୍ଚ ପ୍ରାଥମିକ ବିଦ୍ୟାଳୟ ଠାରେ ପ୍ରଧାନ ଶିକ୍ଷକ ଶ୍ରୀଯୁକ୍ତ ସତ୍ୟବ୍ରତ ଗହୀର, ସହ ଶିକ୍ଷକ ଶ୍ରୀଯୁକ୍ତ ଧୀରେନ୍ଦ୍ର କୁମାର ସା  ଓ ବିଦ୍ୟାଳୟ ତରଫରୁ ଅବସର ପ୍ରାପ୍ତ  ଏ ବି ଇ ଓ ଶ୍ରୀଯୁକ୍ତ ମହାହୁତି ଙ୍କୁ ସମ୍ବର୍ଦ୍ଧିତ କରାଯାଇଥିଲା ।