02-Jul-2024

ସୁବର୍ଣ୍ଣପୁର (ମନୋରଞ୍ଜନ ତ୍ରିପାଠୀ ) ସୁବର୍ଣ୍ଣପୁର  ଡି ଏଫ୍ ଓ  ମଦନ ଲାଲ ଶର୍ମା ଙ୍କ ନିର୍ଦେଶ ରେ ଉଲୁଣ୍ଡା ବନବିଭାଗ ପକ୍ଷରୁ ପାଟ୍ରୋଲିଙ୍ଗ କରୁଥିବା ସମୟରେ ଚନ୍ଦଳି ଜଙ୍ଗଲ ଠାରେ କିଛି ଶିକାରୀ ଙ୍କୁ ଠାବ କରିଥିଲେ l ଏହି ଶିକାର  ବେଳେ ୪ ଶିକାରୀଙ୍କୁ ସ୍ପଟ ରେ ଗିରଫ କରି ବନବିଭାଗ  ସେମାନଙ୍କଠାରୁ ଗୋଟିଏ ବନ୍ଧୁକ ଓ ଗୋଟିଏ ଶିଆଳ (ସାଲୁଆ ପତନି)କୁ ଉଦ୍ଧାର କରିଛି l ଏହି ଚାରି ଯୁବକ ଉଲୁଣ୍ଡା ବ୍ଲକ ଖେମାଲୋଏ ଅଞ୍ଚଳର ହୋଇଥିବା ବେଳେ ଏହି ଜଙ୍ଗଲରେ ବିଭିନ୍ନ ସମୟରେ ସେମାନେ ହରିଣ, ବାରହା,କୁଟ୍ରା ଇତ୍ୟାଦି ବନ୍ୟଜନ୍ତୁ ଆଦି ଶିକାର କରନ୍ତି ବୋଲି ସୂଚନା ଦେଇଛନ୍ତି ଉଲୁଣ୍ଡା ରେଞ୍ଜର ସଞ୍ଜିବ ରାଉତ। ଆଜି ଏହି ଚାରି ଶିକାରୀଙ୍କୁ କୋର୍ଟ ଚାଲାଣ କରାଯିବ ବୋଲି ବନ ବିଭାଗ ପକ୍ଷରୁ ସୂଚନା ଦିଆଯାଇଛି। ପ୍ରକାଶ ଥାଉ କି ଯେ ଶ୍ରୀ ରାଉତ ଏ ବନାଞ୍ଚଳ ରେ ଯୋଗ ଦେବା ପରେ ବିଗତ ବର୍ଷ ମାନଙ୍କରେ ହାତୀ ଦୌରାତ୍ମ୍ୟ ରେ  କ୍ଷୟ କ୍ଷତି ହେଉଥିବା ହଜାର ହଜାର ହେକ୍ଟର ଧାନ ଓ ବିଭିନ୍ନ ଶସ୍ୟ ଚାଷ କୁ ସମ୍ପୂର୍ଣ ରୂପେ ବଞ୍ଚାଇ ଚାଷୀ ଙ୍କ ବିଭିନ୍ନ ଚାଷ ଉତ୍ପାଦନ କୁ ବଢ଼ାଇ ପାରିଛନ୍ତି l ଓ ଏ  ଉଦ୍ୟମ ରେ  ଖୁବ୍ ସଫଳ ହୋଇଥିବା ଜଣା ଯାଇଛି l ଯା ଫଳରେ କି ଶ୍ରୀ ରାଉତ ଜଣେ ଦକ୍ଷ ପ୍ରଶାସକ ଭାବେ ଏ ଅଞ୍ଚଳ ରେ ଜିଲ୍ଲା ରେ ବେଶ ପରିଚିତ ଅଟନ୍ତି l ଏବଂ ପୂର୍ବରୁ ବିଭିନ୍ନ ଜିଲ୍ଲା ରେ ସେ କାର୍ଯ୍ୟରତ ସମୟରେ ଅନେକ ଦୁଃ ସାହସିକ କାର୍ଯ୍ଯ ହାତ କୁ ନେଇ ହାତୀ ଆକ୍ରମଣ ରୁ ଜଣେ ବୃଦ୍ଧ ଙ୍କୁ ଉଦ୍ଧାର କରି ନିଜର ହାତ ର ବୃଦ୍ଧାଙ୍ଗଳି ଟିଏ ହରାଇ ଥିବା ଜଣା ପଡିଛି l ଯେଉଁଥିପାଇଁ କି ସେ ସୁବର୍ଣ୍ଣପୁର  ଜିଲ୍ଲା ପ୍ରଶାସନ ପକ୍ଷରୁ ଏବର୍ଷ ଏକ ରାଜ୍ୟ ସ୍ତରୀୟ ସାମ୍ୱାଦିକ ସମ୍ମିଳନୀରେ ସମ୍ବର୍ଧିତ ହୋଇଥିବା ଜଣା ଯାଇଛି l