27-Jun-2024

କୋକସରା  (ତ୍ରିନାଥ ବେଶ୍ରା )
ରାଜ୍ୟସ୍ତରୀୟ ସଂଗଠନର ପ୍ରୋତ୍ସାହନ କ୍ରମେ ଓଡ଼ିଶା ର 17 ଗୋଟି ଜିଲ୍ଲାରେ ମହିଳା ସ୍ଵତନ୍ତ୍ର ଗ୍ରାମସଭା ଆୟୋଜନ କରିବା ଏକ ଅପୂର୍ବ ପଦକ୍ଷେପ l ଓଡ଼ିଶା ଶ୍ରମଜିବି ମଞ୍ଚ ଓ ମହିଳା ଶ୍ରମଜିବି ମଞ୍ଚ ଓଡିଶା ଆନୁକୁଲ୍ୟରେ ନାଗରିକ ବିକାଶ ସଂଗଠନ କଳାହାଣ୍ଡି ଜିଲ୍ଲା ର କୋକସରା, ଲାଞ୍ଜିଗଡ, ଜୁନାଗଡ଼, ନର୍ଲା, ଜୟପାଟଣା ଏପରି 11 ଗୋଟି ବ୍ଲକରେ ମହିଳା ସ୍ଵତନ୍ତ୍ର ଗ୍ରାମସଭା ଆୟୋଜନ କରାଯାଇଥିଲା।ସମଗ୍ର ରାଜ୍ୟରେ ସରକାରଙ୍କ ପଲ୍ଲିସଭା, ଗ୍ରାମସଭାର ବିଲୋପ, ଗ୍ରାମସଭା ଗୁଡିକରେ ଲୋକ ମାନଙ୍କର ତଥା ମହିଳା ମାନଙ୍କର ଭାଗିଦାରିତା ରହୁ ନ ଥିବା ଦେଖି ସଂଗଠନ  ଗ୍ରାମବାସୀ,ଅଙ୍ଗନବାଡ଼ି, ମିଶନଶକ୍ତି, ସ୍ୱୟଂ ସହାୟିକା ଗୋଷ୍ଠୀ ମହିଳାମାନଙ୍କୁ ନେଇ ପ୍ରଥମ ପର୍ଯ୍ୟାୟରେ କଳାହାଣ୍ଡି ଜିଲ୍ଲାର 22 ଗୋଟି ପଞ୍ଚାୟତରେ ଏକ ସ୍ୱତନ୍ତ୍ର ମହିଳା ଗ୍ରାମସଭା ଅନୁଷ୍ଠିତ ହୋଇଯାଇଛି । ଏହି ମହିଳା ସ୍ଵତନ୍ତ୍ର ଗ୍ରାମସଭାର ମୁଖ୍ୟ ଆଲୋଚ୍ୟ ବିଷୟ ଗୁଡିକ ହେଉଛି ଗାଁରେ ବିଶୁଦ୍ଧ ପାନୀୟ ଜଳର ବ୍ୟବସ୍ଥା, ବିଦ୍ୟାଳୟ ଏବଂ ଅଙ୍ଗନବାଡି କେନ୍ଦ୍ର ଗୁଡ଼ିକରେ ବିଶୁଦ୍ଧ ପାନୀୟ ଜଳର ବ୍ୟବସ୍ଥା ସହିତ ପାଇଖାନା ମରାମତି କିମ୍ବା ନିର୍ମାଣ, ଗାଁରେ ଲୋକ ମାନଙ୍କର ପାଇଖାନା ନିର୍ମାଣ ତଥା ମରାମତି ଏବଂ ସ୍ଥାନୀୟ ସମସ୍ୟା ଗୁଡିକ ଉପରେ ଆଲୋଚନା କରାଯାଇଥିଲା।ପଞ୍ଚାୟତର କୋଣ ଅନୁକୋଣରୁ ଆସି ନିଜ ନିଜ ଗ୍ରାମର ସମସ୍ୟା ଉପରେ ସଂଗଠନର କର୍ମକର୍ତ୍ତାଙ୍କ ପାଖରେ ଆପତ୍ତି ଅଭିଯୋଗ କରିଥିଲେ ।ସଂଗଠନ ସମସ୍ତ ଲାଇନ୍ ଡିପାର୍ଟମେଣ୍ଟ ସହିତ ଯୋଗାଯୋଗ କରି କାର୍ଯ୍ୟରତ ଥିବାରୁ ପ୍ରଶାସନିକ ଅଧିକାରୀ ମାନଙ୍କ ଦ୍ୱାରା ପରୋକ୍ଷରେ କାର୍ଯ୍ୟ ସମ୍ପାଦନ କରିବା ନିମନ୍ତେ ଉଦ୍ୟମ କରିଆସୁଅଛି ।ଯଦ୍ୱାରା ଲୋକମାନଙ୍କ ଅନେକ  ସମସ୍ୟା କାର୍ଯ୍ୟକାରୀ ହୋଇ ଆସୁଥିବା ବେଳେ କେତେକ ସମସ୍ୟା ଠିକ ଭାବ ରେ କାର୍ଯ୍ୟକାରି ହେଇପାରୁ ନାହିଁ ।  ଆସନ୍ତା ଦିନରେ ସଂଗଠନର କାର୍ଯ୍ୟକ୍ରମକୁ ପ୍ରଶାସନ କ୍ଷେତ୍ରରେ ଖୁବଶୀଘ୍ର ତ୍ୱରାନ୍ୱିତ ହେବ ବୋଲି ସଂଗଠନର କର୍ମକର୍ତ୍ତା ମାନେ ଦାବି କରିଛନ୍ତି । ଉକ୍ତ ଗ୍ରାମସଭାକୁ ସଂଗଠନ କର୍ମକର୍ତ୍ତା ମାନେ ଯଥା ଜିଲ୍ଲା କୁ ଲିଡ କରୁଥିବା କଲ୍ୟାଣୀ ଦାସ, ବ୍ଲକ ଗୁଡ଼ିକୁ ଲିଡ କରୁଥିବା ବ୍ଲକ୍ ସଂଯୋଜକ ଉପେନ୍ଦ୍ର ସୁନାନୀ, ଜଗନ୍ନାଥ ଶଗଡ଼ିଆ, ମଧୁସୂଦନ ନାଏକ, ବାବୁଲାଲ ତାଣ୍ଡି ସମେତ ଉର୍ମି ଲିଡର ବୀଣାପାଣି ସୁନାନୀ, ପ୍ରେମଶିଳା ପାଣିଗ୍ରାହୀ, ତରୁଣୀ ମାଝୀ ଏବଂ ଜନସାଥୀ ତ୍ରିନାଥ ବେଶ୍ରା, ପର୍ଶୁରାମ ଠାକୁର, ନବୀନ ସୁନାନୀ, ମୁକ୍ତା ଠାକୁର, ଗୋକୁଳ ଛତ୍ରିଆ, ସୁଦର୍ଶନ ନାଏକ, ଟଙ୍କେଶ୍ଵର କୁମାର, ଜ୍ୟୋତି ସେନାପତି, ସନ୍ତୋଷ ବାରିକ, ଅନିଲ ନାଗ ତତ୍ ସହିତ ବ୍ଲକ୍ ସଭାନେତ୍ରୀ ଓ ସଂଗଠନ ମହିଳାମାନେ, ୱାର୍ଡ ମେମ୍ବର, ସରପଞ୍ଚ, ସମିତି ସଭ୍ଯ ସଭ୍ଯା, CRP, ଅଙ୍ଗନବାଡି କର୍ମୀ, ଆଶା କର୍ମୀ, MBK ଦିଦି ଏବଂ SHG ଗ୍ରୁପର ମହିଳାମାନେ ଉପସ୍ଥିତ ରହି ଗ୍ରାମସଭା କୁ ସାଫଲ୍ୟ ମଣ୍ଡିତ କରିଥିଲେ।