03-Jun-2024

ସୋନପୁର/ଡୁଙ୍ଗୁରିପାଲି (ଅରବିନ୍ଦ ମିଶ୍ରଙ୍କ ରିପୋର୍ଟ): ସୋନପୁର ଶିକ୍ଷା ଜିଲ୍ଲା ଅଧୀନରେ କାର୍ଯ୍ୟରତ ୫ଜଣ ଶିକ୍ଷକ ଓ କର୍ମଚାରୀ ଆଜି ସେମାନଙ୍କର ସରକାରୀ ଚାକିରୀ ରୁ ଅବସର ନେଇଛନ୍ତି l ସୋନପୁର ଜିଲ୍ଲା ଶିକ୍ଷା ଅଧିକାରୀ ଙ୍କ ତରଫରୁ ସର୍ବମୋଟ ୫ଜଣ ଙ୍କ ମଧ୍ୟରୁ ୩ଜଣ ଙ୍କୁ ଆଜି ଅବସର ଦିନ ହିଁ ଫାଇନାଲ ପେନସନ ଓ ବାକି ଦୁଇ ଜଣ ଙ୍କୁ ପ୍ରୋଭିଜନାଲ ପେନସନ ପ୍ରଦାନ କରାଯାଇଅଛି l ଯେଉଁ ତିନି ଜଣଙ୍କୁ ଫାଇନାଲ ପେନସନ ପ୍ରଦାନ କରାଗଲା ସେମାନେ ହେଲେ ପଂଚାୟତ ଉଚ୍ଚ ବିଦ୍ୟାଳୟ ବଡ଼କରଲେ ର ସହକାରୀ ଶିକ୍ଷକ ପ୍ରମୋଦ କୁମାର ପଧାନ, ଆଦିବାସୀ ପଂଚାୟତ ଉଚ୍ଚ ବିଦ୍ୟାଳୟ ସହଲା ର କ୍ରୀଡା ଶିକ୍ଷକ ଜିତେନ୍ଦ୍ରିୟ ବୁଡ଼େକ ଓ କମସରା ଉଚ୍ଚ ବିଦ୍ୟାଳୟ କମସରା ର ପିଅନ ପଞ୍ଚାନନ ସାମନ୍ତରାୟ l ସେହିପରି ଯେଉଁ ଦୁଇ ଜଣଙ୍କୁ ପ୍ରୋଭିଜନାଲ ପେନସନ ପ୍ରଦାନ କରାଯାଇଅଛି ସେମାନେ ହେଲେ ସରକାରୀ ବାଳକ ଉଚ୍ଚ ବିଦ୍ୟାଳୟ ତରଭା ର ପ୍ରଧାନ ଶିକ୍ଷକ ଅଶୋକ କୁମାର ରଥ (OES -II) ଏବଂ ଗୋପାଳଜୀ ଉଚ୍ଚ ବିଦ୍ୟାଳୟ ସିଲାଟି ର ଖେଳ ଶିକ୍ଷକ ଶେଷଦେବ ହୋତା l ଏହି ଉପଲକ୍ଷେ ଆୟୋଜିତ ଅବସରକାଳୀନ ସମ୍ବର୍ଦ୍ଧନା ସଭାରେ ସୋନପୁର ଜିଲ୍ଲା ଶିକ୍ଷା ଅଧିକାରୀ ଲକ୍ଷ୍ମଣ ଭୋଇ ସମସ୍ତ ପ୍ରାପ୍ୟ ସମ୍ବନ୍ଧୀୟ କାଗଜ ପତ୍ର ସମସ୍ତ ୫ଜଣ ଶିକ୍ଷକ ଓ କର୍ମଚାରୀଙ୍କୁ ହସ୍ତାନ୍ତର କରିଥିଲେ l ଏହି ସମ୍ବର୍ଦ୍ଧନା ସଭାରେ ଅତିରିକ୍ତ ଜିଲ୍ଲା ଶିକ୍ଷା ଅଧିକାରୀ ଶ୍ରୀମତୀ ମଞ୍ଜୁଲତା ଭୋଇଙ୍କ ସମେତ ଜିଲ୍ଲା ଶିକ୍ଷା ଅଧିକାରୀ ଙ୍କ କାର୍ଯ୍ୟାଳୟ ର ସମସ୍ତ କର୍ମଚାରୀ ଉପସ୍ଥିତ ଥିଲେ l ଉପରୋକ୍ତ କର୍ମଚାରୀ ମାନଙ୍କୁ ସଠିକ ସମୟରେ ସେମାନଙ୍କ ପ୍ରାପ୍ୟ ପ୍ରଦାନ କରାଯାଇଥିବାରୁ ସୋନପୁର ଜିଲ୍ଲା ଶିକ୍ଷା କାର୍ଯ୍ୟାଳୟ ତରଫରୁ Controller of Accounts ଶ୍ରୀ ଅଶୋକ କୁମାର ମହାନ୍ତି ଓ Assistant Controller of Accounts ଶ୍ରୀ ପଦାରବିନ୍ଦ ମହାପାତ୍ର ଙ୍କୁ ସାଧୁବାଦ ଜଣାଯାଇଛି l ସୋନପୁର ଶିକ୍ଷା କାର୍ଯ୍ୟାଳୟ ର ଏହି କାର୍ଯ୍ୟକୁ ଜିଲ୍ଲା ର ବୁଦ୍ଧିଜୀବୀ ମହଳରେ ଉଚ୍ଚ ପ୍ରଶଂସା କରାଯାଉଛି l