31-May-2024

ଡୁଙ୍ଗୁରିପାଲି(ଅରବିନ୍ଦ ମଶ୍ର)- ଚଳିତ ବିଧାନ ସଭା ଓ ଲୋକସଭା ନିର୍ବାଚନରେ ବିଭିନ୍ନ ଦଳର ନେତାମାନେ ବିଭିନ୍ନ ପ୍ରତିଶୃତି ଦେଇ ନିର୍ବାଚନ ମଇଦାନରେ ଠିଆ ହୋଇଥିଲେ । ସୋନପୁର ବିଧାନ ସଭା ନିର୍ବାଚନ ମଣ୍ଡଳୀରେ “ଚାଷୀ ସରକାର ଆମର ଦରକାର” “ଜୟ କୋଶଲ” ନାରାଦେଇ ସ୍ୱାଧିନ ପ୍ରାର୍ଥୀ ଭାବରେ ସୋନାଲି ବିଶି ପ୍ରତିଦ୍ୱନ୍ଦିତା କରିଥିଲେ । ନୁଆ ହୋଇ ନିର୍ବାଚନରେ ଠିଆ ହେବା, ୨୫ ବର୍ଷର ସରକାର ଓ ମନ୍ତ୍ରୀଙ୍କୁ ଧୁରେଇ ଦେବା, ଅହରହ ଦିନ ରାତି ଚାଷୀଙ୍କ ପାଇଁ ଲଢେଇ ନାରା ଦେଇଥିବା ଆଜି ସୋନାଲି ବିଶି ଏହି ବ୍ଲକର ବିଭିନ୍ନ ମଣ୍ଡି ପରିଦର୍ଶନ କରିଛନ୍ତି ।  ଭୋଟ ପରେ ଅନ୍ୟ ନେତାମାନଙ୍କର ଦେଖା ଥିବା ବେଳେ ଚାଷୀଙ୍କ ଧାନ ବିକ୍ରୟ ସମୟରେ ସୋନାଳି ବିସି ଉପସ୍ଥିତ ରହିବା ଚାଷୀଙ୍କ ଦୃଦୟ ଜିଣିଛନ୍ତି । ବଡକର୍ଲେ, ସମଲେଇଚୁଆ ପ୍ରଭୃତି ମଣ୍ଡି ଗୁଡିରେ  ପହଞ୍ଚି ଧାନ କିଣାର ପ୍ରକିୟା, ଚାଷୀଙ୍କ ସହିତ ଆଲୋଚନା, ପେକ୍ସ କର୍ମଚାରୀଙ୍କୁ ଉଡେଇ ତୁଡେଇ ପ୍ରଶ୍ନ କରିବା, କଟନୀଛଟନୀ ଉପରେ ଆଲୋନା କରିଥିଲେ । ତାଙ୍କ ଉପସ୍ଥିତି ଚାଷୀଙ୍କ ମନରେ ନୂତନ ବଳ ଦେଇଛି । ଆଗାମୀ ଦିନରେ ପ୍ରତ୍ୟେକ ଧାନମଣ୍ଡି, ଏସଏଚଜି କିଣୁଥିବା ଧାନ ମଣ୍ଡିକୁ ସେ ବୁଲି ଦେଖିବେ । ଚାଷୀଙ୍କ ପ୍ରତି ଅନ୍ୟାୟ ହେଲେ ସେ ରାଜରାସ୍ତାକୁ ଉହ୍ଲାବେ ବୋଲି ଚେତାବନୀ ଦେଇଛନ୍ତି ।