12-May-2024

କଳାହାଣ୍ଡି ,କୋକସରା (ତ୍ରିନାଥ ବେଶ୍ରା )
କଳାହାଣ୍ଡି ଜିଲ୍ଲା କୋକସରା ବ୍ଲକସ୍ଥିତ ଖୁଣ୍ଟିଆ ଗାଆଁରେ ନାଗରିକ ବିକାଶ ସଂଗଠନ ପକ୍ଷରୁ ଜନ ଇସ୍ତାହାର କୁ ନେଇ ଏକ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଥିଲା। 
ରାଜ୍ୟସ୍ତରୀୟ ଲୋକ ସଂଗଠନ ସମୁହ ଓଡ଼ିଶା ଶ୍ରମଜିବି ମଞ୍ଚ ଓ ମହିଳା ଶ୍ରମଜିବି ମଞ୍ଚ ଓଡିଶାର  ସଦସ୍ୟ ସଂଗଠନ ଭାବେ ସ୍ଥାନୀୟ ଲୋକ ସଂଗଠନ ନାଗରିକ ବିକାଶ ସଂଗଠନ, କଳାହାଣ୍ଡିର ସମସ୍ତ ଆଦିବାସୀ, ଦଳିତ ଓ ପଛୁଆବର୍ଗ ର ବାସିନ୍ଦା ଗଣ ଆସନ୍ତା ତା13/05/2023 ରିଖ ଦିନ ହେବାକୁ ଥିବା ସାଧାରଣ ନିର୍ବାଚନ କୁ ଆଖି ଆଗରେ ରଖି "ଜନ ଇସ୍ତାହାର" ପ୍ରସ୍ତୁତ କରାଯାଇଛି ଏଥିରେ  17 ଗୋଟି ଜିଲ୍ଲାରେ ଥିବା 20 ଗୋଟି ଲୋକ ସଂଗଠନ ଓଡିଶାର 102 ଟି ବ୍ଲକ୍ ଏବଂ 1100 ରୁ ଅଧିକ ଗ୍ରାମ ପଞ୍ଚାୟତ ମାଧ୍ୟମରେ ସମ୍ପ୍ରଦାୟ ମାନଙ୍କ ଜୀବନଧାରଣ ମାନରେ ଉନ୍ନତି ଆଣିବା ଲାଗି 11000 ରୁ ଅଧିକ ଗ୍ରାମରେ ପହଂଚି ସ୍ଥାନୀୟ ଲୋକମାନଙ୍କ ସମସ୍ୟା ଏବଂ ଆବଶ୍ୟକତାକୁ ଭିତ୍ତିକରି ଜନ ଇସ୍ତାହାର ପ୍ରସ୍ତୁତ କରାଯାଇଛି ୲ ନିମ୍ନଲିଖିତ ବିଷୟ ବସ୍ତୁ ଗୁଡ଼ିକ ଏହି ଇସ୍ତାହାରରେ ସ୍ଥାନ ପାଇଛି ଯଥା MGNREGA, କୃଷି, ଖାଦ୍ୟ ନିରାପତ୍ତା, ଜଳ, ଶିକ୍ଷା, ସ୍ୱାସ୍ଥ୍ୟ, ଜନଜାତି, ଜଙ୍ଗଲ, ଜମି, ମହିଳା, ଦଳିତ, ସମାଜିକ ସୁରକ୍ଷା, ପଞ୍ଚାୟତିରାଜ,ଅଙ୍ଗନବାଡି, ଯୁବଗୋଷ୍ଠୀ, ଶିଶୁ, ଏବଂ ମାନବ ଅଧିକାର ଏହିପରି 18 ଗୋଟି ବିଷୟବସ୍ତୁ ରୁ 241 ଗୋଟି ଦାବୀ ସମୁହ ଉଲ୍ଲିଖିତ ଅଛି।ଚଳିତ 2024 ସାଧାରଣ ନିର୍ବାଚନରେ କଳାହାଣ୍ଡି ଲୋକସଭା ଓ 5 ଗୋଟି ବିଧାନସଭା ନିର୍ବାଚନମଣ୍ଡଳୀ ପାଇଁ ପ୍ରତିଦ୍ୱନ୍ଦ୍ବିତା କରୁଥିବା ବିଜେପି, କଂଗ୍ରେସ, ବିଜେଡି, ବହୁଜନ ସମାଜ ପାର୍ଟି, ଏବଂ ଅନ୍ୟାନ୍ୟ ସ୍ଵାଧୀନ ଦଳ ଗୁଡ଼ିକର ଆଶାୟୀ ପ୍ରାର୍ଥୀ ପ୍ରାର୍ଥୀନୀମାନଙ୍କୁ ଆମର ଏହି ଜନ ଇସ୍ତାହାର ପୁସ୍ତକଟି ପ୍ରଦାନ କରିବା ସହିତ ସମ୍ମତି ପତ୍ରରେ ସ୍ଵାକ୍ଷର କରାଯାଇଥିଲା।ଯେପରି ସେମାନେ ନିର୍ବାଚନରେ ବିଜୟ ହାସଲ କଲାପରେ ଏହାକୁ କାର୍ଯ୍ୟକାରୀ କରିବାକୁ ସହମତି ପ୍ରକାଶ କରିବେ।  ତତସହିତ ବିଭିନ୍ନ ମିଡିଆ ବନ୍ଧୁ ମାନଙ୍କୁ ମଧ୍ଯ ଜନ ଇସ୍ତାହାର ପ୍ରଦାନ କରାଯାଇଥିଲା। ଉକ୍ତ ସାମ୍ବାଦିକ ସମ୍ମିଳନୀ ରେ ନାଗରିକ ବିକାଶ  ସଂଗଠନର କର୍ମକର୍ତ୍ତା ମାନେ ଯେପରି ବ୍ଲକ୍ ସଂଯୋଜକ ତଥା ଜିଲ୍ଲା କାର୍ଯ୍ୟକାରିଣୀ କମିଟିର ସଦସ୍ୟ ଉପେନ୍ଦ୍ର ସୁନାନୀ, ଧର୍ମଗଡ଼ ବ୍ଲକ ସଂଯୋଜକ ଜଗନ୍ନାଥ ଶଗଡ଼ିଆ, ଜନସାଥୀ  ତ୍ରିନାଥ ବେଶ୍ରା , ମୁକ୍ତା ଠାକୁର ଏବଂ ଉର୍ମି ଲିଡର ବୀଣାପାଣି  ଉପସ୍ଥିତ ରହିଥିଲେ ।