22-Apr-2024

ନର୍ଲା(ପ୍ରେରଣା ଖବର): କଳାହାଣ୍ଡି ଜିଲ୍ଲା ନର୍ଲା ନିର୍ବାଚନ ମଣ୍ଡଳୀ ଏକ ଗୁରୁତ୍ୱପୂର୍ଣ୍ଣ ଆସନ କହିଲେ ଅତୁକ୍ତି ହେବନାହିଁ । ଏହି ଆସନ ରୁ ୨୦୦୯ ନିର୍ବାଚନ ରେ କଂଗ୍ରେସ ପ୍ରାର୍ଥୀ ଭୂପିନ୍ଦର ସିଂ ବିଧାୟକ ଭାବରେ ନିର୍ବାଚିତ ହୋଇ ବିଧାନସଭାର ବିରୋଧୀ ଦଳ ନେତା ଭାବରେ ଆସନ ଅଳଙ୍କୃତ ହୋଇଥିଲେ । ୨୦୧୯ ନିର୍ବାଚନ ରେ ପୁଣି ନର୍ଲା ଆସନ ଟି ବିଜେଡି ହାତକୁ ଚାଲିଯାଇଥିଲା ବର୍ତ୍ତମାନ ୨୦୧୯ ରୁ କଂଗ୍ରେସ ଛାଡ଼ି ବିଜେଡି କୁ ଆସିଥିବା ବିଧାୟକ ଭୂପିନ୍ଦର ସିଂ ବର୍ତ୍ତମାନ ବିଜେଡି ବିଧାୟକ ଭାବରେ ଅବସ୍ଥିତ ଅଟନ୍ତି ।ଏହି ଆସନ ପାଇଁ ବିଧାୟକ ଭୂପିନ୍ଦର ସିଂ ଟିକେଟରୁ ବାଦ୍ ପଡ଼ିଥିବା ବେଳେ ଏହି ଆସନ ପାଇଁ ସର୍ବପ୍ରଥମେ ବିଧାୟକ ପ୍ରାର୍ଥୀ ଭାବରେ ବିଜେପି ତାର ପ୍ରାର୍ଥୀ ଘୋଷଣା କରି ଗତ ନିର୍ବାଚନରେ ଅଳ୍ପ ଭୋଟ ବ୍ୟବଧାନରେ ହାରିଥିବା ଅନିରୁଦ୍ଧ ପଧାନଙ୍କୁ ଦଳ ରିପିଟ କରିଛି। ଅପର ପକ୍ଷରେ କଂଗ୍ରେସରୁ କଳାହାଣ୍ଡିର ଟାଣୁଆ ନେତା ତଥା ପୂର୍ବତନ କେନ୍ଦ୍ର ମନ୍ତ୍ରୀ ଓ ଓଡ଼ିଶା ପ୍ରଚାର କମିଟି ଅଧକ୍ଷ ଭେଟେରାନ ଭକ୍ତ ଚରଣ ଦାସ ଙ୍କୁ ଏହି ଆସନ ପାଇଁ କଂଗ୍ରେସ ପ୍ରାର୍ଥୀ କରିଛି । ସେହିପରି ବିଜେଡି ମଧ୍ୟ ଏହି ଆସନରୁ ତାର ପ୍ରାର୍ଥୀ ଭାବରେ ନର୍ଲା ପଞ୍ଚାୟତ ସମିତି ଅଧ୍ୟକ୍ଷା ମନୋରମା ମହାନ୍ତିଙ୍କୁ ମହିଳା କାର୍ଡ ଖେଳି ମଇଦାନକୁ ଓହ୍ଲାଇଛି । ନିର୍ବାଚନକୁ ଆଉ ମାତ୍ର କେଇଟା ଦିନ ଥିବାରୁ ରାଜନୈତିକ ମାହୋଲ ନର୍ଲା ରେ ବେଶ ସରଗରମ ହୋଇ ଉଠିଛି । ଏପରି ଘଡିସନ୍ଧି ମୁହୂର୍ତ୍ତରେ କିଛିଦିନ ପୂର୍ବରୁ ବିଜେଡିର ନର୍ଲା ନିର୍ବାଚନ ମଣ୍ଡଳୀର ସଭାପତି ତଥା ରାଜ୍ୟ ସମ୍ପାଦକ ଚିତ୍ତରଞ୍ଜନ ମଣ୍ଡଳ (ବାବୁଲି ମଣ୍ଡଳ) ଦଳର ଏକ ଛାତ୍ରବାଦ୍ ଶାସନ ଓ ମେରିରାୟ ନୀତି ଯୋଗୁଁ ଅସନ୍ତୋଷ ପ୍ରକାଶ କରି ଦଳରୁ ଇସ୍ତଫା ପ୍ରଦାନ କରିଥିବା ପ୍ରକାଶ କରିଥିଲେ । ସେ କେବଳ ସଂଗଠକ ନ ଥିଲେ ସେ ଜଣେ ଜିଲ୍ଲାର ଅଗ୍ରଣୀ ସମାଜସେବୀ ଭାବରେ ବେଶ୍ ପରିଚିତ ଅଟନ୍ତି ଏବଂ ସେ ଦିବାରାତ୍ରି ଲୋକଙ୍କ ସେବାରେ ନିଜକୁ ଉତ୍ସର୍ଗିତ କରି  ଜନମାନସର ଆସ୍ତା ଭାଜନ ହୋଇପାରିଥିଲେ ।  ତେଣୁ ତାଙ୍କ ଇସ୍ତଫା ଏକ ପ୍ରକାର ବିଜେଡିରେ କମ୍ପନ ସୃଷ୍ଟି କରିଛି ।  ତେଣୁ ଶ୍ରୀ ମଣ୍ଡଳଙ୍କୁ ସମର୍ଥନ କରି ନର୍ଲା ନିର୍ବାଚନ ମଣ୍ଡଳୀର ନର୍ଲା, ରାମପୁର , କର୍ଲାମୁଣ୍ଡା, କେସିଙ୍ଗା ଭଳି ଚାରିଗୋଟି ବ୍ଲକର ୬୬ ପଞ୍ଚାୟତରୁ ହଜାର ହଜାର ସଂଖ୍ୟାରେ ନେତା ଓ କର୍ମୀ ଆଜି ବିଜେଡିର ପୁଞ୍ଜିଭୂତ ଅସନ୍ତୋଷ ପ୍ରତିଫଳନ ସ୍ୱରୂପ ନର୍ଲା ରେକପୂର୍ ଛକ ଠାରୁ ବିଶାଳ ରୋଡ ଶୋ ଜରିଆରେ ଚିତ୍ତରଂଜନ ମଣ୍ଡଳଙ୍କ ନେତୃତ୍ୱରେ ମହା ପଟୁଆରରେ ଆସି ନର୍ଲା ବଜାର ଛକ ଧାନ ମଣ୍ଡି ପଡିଆରେ ବିରାଟ ଜନ ସମାବେଶରେ ଜାତୀୟସ୍ତରର ଭେଟେରାନ୍ ନେତା ଭକ୍ତ ଦାସ ଙ୍କ ଉପସ୍ଥିତିରେ ଜିଲ୍ଲାର ବରିଷ୍ଠ କର୍ମକର୍ତ୍ତାଙ୍କ ସହ ବିଧିବଦ୍ଧ ଭାବରେ କଂଗ୍ରେସରେ ଯୋଗଦାନ କରିଛନ୍ତି ଏବଂ ବିପୁଳ ଭୋଟରେ କଂଗ୍ରେସ ପ୍ରାର୍ଥୀ ଶ୍ରୀ ଭକ୍ତ ଦାସ ଙ୍କୁ ବିଜୟୀ କରିବା ପାଇଁ ଦୃଢ଼ ସଂକଳ୍ପ ନେଇଛନ୍ତି