09-Apr-2024

ବଲାଙ୍ଗୀର: ଇତି ମଧ୍ୟରେ ପ୍ରାଦେଶିକ ପଣ୍ଡରା ମହାସଂଘ ଓଡ଼ିଶାର ପଞ୍ଚମ କାର୍ଯ୍ୟକାରିଣୀ ବୈଠକ ସ୍ଥାନୀୟ ଯାଦବ ଭବନ ଠାରେ ଅନୁଷ୍ଠିତ ହୋଇଯାଇଅଛି।ସଭା ପ୍ରାରମ୍ଭରେ ମାଁ ସମଲେଶ୍ଵରୀ, ମାଁ ପାଟନେଶ୍ୱରିଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଦେଇ ପୂଜାର୍ଚ୍ଚନା କରାଯାଇଥିଲା।ରସରାଜ୍ ସା ଙ୍କ ସଭାପତିତ୍ବ ରେ ବୈଠକ ଆରମ୍ଭ ହୋଇଥିବା ବେଳେ ମହାସଂଘର ସମ୍ପାଦକ ବୁଦ୍ଧଦେବ ବିଶି, ଉପସଭାପତି ସୁରେନ୍ଦ୍ର ଖମାରୀ, ଉପେନ୍ଦ୍ର ଭୋଇ,କୋଷାଧ୍ୟକ୍ଷ ପଞ୍ଚାନନ ଦଳପତି ଏବଂ ପ୍ରଗତିଶୀଳ ପଣ୍ଡରା ଯୁବାମଞ୍ଚର ସଭାପତି ରଘୁରାଜ ସିଂ ସେନାପତି ମଞ୍ଚାସିନ ଥିଲେ।ବିଭିନ୍ନ ମହାକେନ୍ଦ୍ର

ର ସଭାପତି ଦୟା ସାଗର ସାହା,ରଞ୍ଜନ ମହଲା,ମହନ୍ ଦ୍ଵାରି ପ୍ରମୁଖ ସମାଜର ଉନ୍ନତି ବିଷୟରେ ବକ୍ତବ୍ୟ ପ୍ରଦାନ କରିଥିଲେ। ସମାଜର ସଂସ୍କାର, ସମାନ୍ତରାଳ ଏବଂ ଏକକ ଚଳଣି,ଜନ୍ମ ରୁ ମୃତ୍ୟୁ ପର୍ଯ୍ୟନ୍ତ ଚିଠା ପ୍ରସ୍ତୁତି ଇତ୍ୟାଦି ସାମୁହିକ ସାମାଜିକ ପ୍ରଥା ତଥା କାର୍ଯ୍ୟପନ୍ଥା ଉପରେ ବିଶଦ ଆଲୋଚନା ହୋଇ ସର୍ବସମ୍ମତି କ୍ରମେ ଗୃହୀତ ହୋଇଥିଲା। ପଣ୍ଡରା ସମାଜ ର ଆଇନ୍ ମାର୍ଗଦର୍ଶକ ଭବାନୀ ଶଙ୍କର ଭୋଇ ଉପସ୍ଥିତ ରହି ସମାଜ ର ନୀତି ନିୟମ ବିଷୟରେ ଅବଗତ କରାଇଥିଲେ।ସମାଜର ଅନ୍ୟାନ୍ୟ ସଦସ୍ୟ ମାନେ ଉପସ୍ଥିତ ଥିଲେ ରହି ନିଜସ୍ଵ ମତାମତ ଦେଇଥିବା ବେଳେ ଜ୍ଞାନେନ୍ଦ୍ର ସଭାକୁ ସଂଯୋଜନା କରିଥିଲେ।