21-Mar-2024

ବଲାଙ୍ଗିର ( ପ୍ରେରଣା ଖବର ) :  ଆମର ଦୈନନ୍ଦିନ ଜୀବନ, ପରିବାର, ସମାଜ, ଦେଶ ଓ ଗ୍ରହ ପାଇଁ ଜଙ୍ଗଲର ଗୁରୁତ୍ବପୂର୍ଣ୍ଣ ଭୂମିକା ରହିଛି। ବାୟୁକୁ ଶୁଦ୍ଧ କରିବାଠାରୁ ଆରମ୍ଭ କରି ଅଗଣିତ ପ୍ରାଣୀ ତଥା ଉଦ୍ଭିଦ ପ୍ରଜାତିଙ୍କୁ ବାସସ୍ଥାନ ଯୋଗାଇ ଜଙ୍ଗଲ ସାରା ପୃଥ‌ିବୀର ରକ୍ଷକ ସାଜିଛି। ଖାଦ୍ୟ, ବସ୍ତ୍ର, ବାସଗୃହ ଔଷଧ, ପୋଷାକ, ଘରକରଣା ଇତ୍ୟାଦି ଦ୍ରବ୍ୟ ପ୍ରସ୍ତୁ ପ୍ରସ୍ତୁତି  ପାଇଁ ସବୁ କାର୍ଯ୍ୟରେ ପ୍ରତ ପ୍ରତ୍ୟକ୍ଷ ଭାବେ ହେଉ ଅବା ପରୋକ୍ଷରେ ଜଙ୍ଗଲର ଆବଶ୍ୟକତା ପଡୁଛି। ମଣିଷର ସୁବିଧାବାଦୀ କାର୍ଯ୍ୟକଳାପରେ ଆଜି ଜଙ୍ଗଲ ସମ୍ପଦ କ୍ଷତିଗ୍ରସ୍ତ ହେଉଛି। ଏହାର କୁପ୍ରଭାବ ସାରା ଜୀବଜଗତ ଉପରେ ପଡ଼ୁଥିବାରୁ ଆମକୁ ସଚେତନ, ସଜାଗ ଓ ସତର୍କ ରହିବାକୁ ବିଶ୍ବ ବନ ଦିବସ ଆହ୍ୱାନ ଦେଉଛି। ମାର୍ଚ୍ଚ ୨୧କୁ ସାରା ବିଶ୍ବ ବନ ଦିବସ ଭାବେ ପାଳନ କରୁଥିବାବେଳେ ଏହାଦ୍ବାରା ବିଶ୍ବବାସୀ ଜଙ୍ଗଲର ମହତ୍ତ୍ବ ବିଶେଷକରି ଜଳବାୟୁ ପରିବର୍ତ୍ତନ, ପୃଥ‌ିବୀରେ ଜୀବନଚକ୍ରକୁ ସନ୍ତୁଳିତ କରିବାରେ ଜଙ୍ଗଲ କିପରି ସାହାଯ୍ୟ କରେ ବିଷୟରେ ଅବଗତ ହେବେ ।

ଚଳିତ ବର୍ଷ ବିଶ୍ବ ବନ ଦିବସର ଥିମ୍ ରହିଛି ‘ଜଙ୍ଗଲ ଏବଂ  ଅଭିନବତା : ଏକ ଉନ୍ନ‌ତ ବିଶ୍ବ ପାଇଁ ନୂତନ ସମାଧାନ’। ଜଙ୍ଗଲ ସୁରକ୍ଷା ଏବଂ ଜଙ୍ଗଲ ସଂରକ୍ଷଣ ତଥା କିଭଳି ଭାବରେ ଜଙ୍ଗଲ ସମ୍ପଦକୁ ନ୍ୟାୟୋଚିତ ଭାବରେ ନିରନ୍ତର ଉପଯୋଗ କରାଯାଇ ପାରିବ ସେନେଇ ଥିବା ବାଧାବିଘ୍ନ ସମ୍ପର୍କରେ ଲୋକଙ୍କୁ ସଚେତନ କରିବା ମଧ୍ୟ ବିଶ୍ବ ବନ ଦିବସର ଅନ୍ୟତମ ଉଦ୍ଦେଶ୍ୟ ବୋଲି ବଲାଙ୍ଗିର ଜିଲ୍ଲା ସଇଁନ୍ତଲା ବ୍ଲକ ଅନ୍ତର୍ଗତ ଡେଙ୍ଗ ସ୍ଥିତ ସରକାରୀ ଉନ୍ନୀତ ଉଚ୍ଚ ବିଦ୍ୟାଳୟର ଅମରାବତୀ ଇକୋକ୍ଲବ ଓ ଜୁନିୟର ରେଡକ୍ରସ ଆନୁକୂଲ୍ୟରେ ବିଶ୍ବ ବନ ଦିବସ ପାଳିତ ଅବସରରେ ମୁଖ୍ୟ ଅତିଥି ଭାବରେ ବରିଷ୍ଠ ସାମଜସେବୀ ତଥା ପ୍ରକୃତିପ୍ରେମୀ ବିପିନ ରଣା , ସମ୍ମାନିତ ଅତିଥି ଭାବରେ ଦିଲିପ ରଣା, ଜନକ ବାରିକ, ପଦ୍ମନ ରଣା ମତବ୍ୟକ୍ତ କରିଥିଲେ । ବିଦ୍ୟାଳୟର ପ୍ରଧାନଶିକ୍ଷକ ଚାଣ୍ଡାଳ ମିଶ୍ରଙ୍କର ପ୍ରତ୍ୟକ୍ଷ ତତ୍ତ୍ୱାବଧାନରେ ଅନୁଷ୍ଠିତ କାର୍ଯ୍ୟମକୁ ପ୍ରକୃତିବନ୍ଧୁ ଶିକ୍ଷକ ତଥା ଜୁନିୟର ରେଡ଼କ୍ରସ  କାଉନସେଲର ରାମନାରାୟଣ ଦାଶ ସଂଯୋଜନା କରିଥିଲେ ।   କାର୍ଯ୍ୟମରେ ଶିକ୍ଷକ ସୁଦର୍ଶନ ଦାଶ  କୃପାସିନ୍ଧୁ ମିଶ୍ର, ହିମାଂଶୁ ଶେଖର ବିଶ୍ୱାଳ, ଲିଙ୍ଗରାଜ ନନ୍ଦ, ଶିକ୍ଷୟିତ୍ରୀ ଗାୟତ୍ରୀ ବାରିକ, ଶିବାନୀ ମଲ୍ଲିକ, ଦ୍ରୋପଦୀ ଭୋଇ, ଜୁନିଅର ଆସିଷ୍ଟାଣ୍ଟ ଅବିନାଶ ଭୋଇ , ଛାତ୍ରଛାତ୍ରୀ ତଥା ଗ୍ରାମବାସୀ ଉପସ୍ଥିତ ରହି ସହଯୋଗ କରିଥିଲେ । କାର୍ଯ୍ୟକ୍ରମକୁ  ଶିକ୍ଷୟିତ୍ରୀ ରେଣୁକା ସାହୁ   ପରିଚାଳନା କରିଥିଲା ବେଳେ ଶିକ୍ଷକ  ସମୀର ସେଠୀ, ଧନ୍ୟବାଦ ଅର୍ପଣ କରିଥିଲେ ।