07-Feb-2024

ଆଗଲପୁର, (ବିନୋଦ କୁମାର ଦୀପ) ଆଜି ବଲାଙ୍ଗୀର ଜିଲ୍ଲା ଆଗଲପୁର ବ୍ଲକର ଶିଶୁ ବିକାଶ ପ୍ରକଳ୍ପ ଅଧିକାରୀଙ୍କ କାର୍ଯ୍ୟାଳୟ ଆଗରେ ଅଙ୍ଗନୱାଡି କର୍ମୀ ଓ ସହାୟିକା ମାନେ ଧାରଣାରେ ବସିଛନ୍ତି l ଦୀର୍ଘ ଚାରିମାସ ହେଲାଣି ଶିଶୁ,ଗର୍ଭବତୀ,ଓ କିଶୋରୀ ମାନଙ୍କୁ ଦିଆ ଯାଉଥିବା ରନ୍ଧା ଖାଦ୍ୟ ଓ ଅଣ୍ଡା ର ପାଉଣା ପାଇ ନ ଥିବାରୁ ଧାରଣା ରେ ବସି ଥିବା ଦେଖା ଯାଇଛି l ଅଙ୍ଗନୱାଡ଼ି କର୍ମୀ ଓ ସହାୟିକା ମାନଙ୍କ ଦରମା କମ୍ ଥିବା ସତ୍ବେ କେମିତି ଚାରି ଚାରି ମାସର ଟଙ୍କା ସୁଝିବେ ସେ ଚିନ୍ତାରେ ଭାଙ୍ଗି ପଡିଛନ୍ତି  l ବିଭିନ୍ନ ଯୋଜନା ରେ ସାମିଲ କରି ଅତ୍ୟଧିକ କାର୍ଯ୍ୟ ବୋଝଦେଇ କାମ କରାଉଥିବା ସତ୍ତ୍ବେ ଉଚିତ୍ ସମୟରେ ରନ୍ଧା ଖାଦ୍ୟ ପାଇଁ ଦିଆ ଯାଉଥିବା ଅର୍ଥ ପାଇ ପାରୁ ନାହାଁନ୍ତି l ସେଥିପାଇଁ କ୍ଷୋଭର ସହିତ ଅତିଶୀଘ୍ର ପାଉଣା ଦେବାକୁ ପ୍ରଶାସନ କୁ ଦାବି ଜଣାଇଛନ୍ତି l ଏ ବିଷୟରେ ଶିଶୁ ବିକାଶ ପ୍ରକଲ୍ପ ଅଧିକାରୀଙ୍କ ମଧ୍ୟ ଲିଖିତ ଆକାରରେ ଅଭିଯୋଗ୍ କରିଛନ୍ତି l ପାଉଣା ନ ମିଳିବା ପର୍ଯ୍ୟନ୍ତ ଏମିତି ଧାରଣାରେ ବସିଥିବୁ ବୋଲି ପ୍ରତିକ୍ରିୟା ଦେଇଛନ୍ତି l ଜଣେ ଅଳ୍ପ ବେତନକାରୀ କେମିତି ଏତେ ପରିମାଣର ଅର୍ଥ ବହନ କରିବ ତାହା ଏବେ ପ୍ରଶ୍ନବାଚୀ ସୃଷ୍ଟି କରିଛି l ତେଣୁ ଯଥା ଶୀଘ୍ର ଏ ଦିଗରେ ସରକାର୍ ଦୃଷ୍ଟି ଦେବାକୁ ଦାବୀ ହେଉଛି l