07-Feb-2024

ବଲାଙ୍ଗିର (ପ୍ରେରଣା ଖବର ): ଭାଷା ମଣିଷର ପରିଚୟ।ତେଣୁ ପ୍ରତିଟି ଭାଷାକୁ ନେଇ ଆମେ ନିଜକୁ  ସମର୍ପିତ କରିବା ଦରକାର।ଶାସ୍ତ୍ରୀୟ  ଓଡିଆ ଭାଷା ଆଜି ଅସ୍ମିତାର ଅନ୍ବେଷଣ କରୁଛି।ତେଣୁ  ଜୀବନବାଦୀ ହେବାକୁ ଆଜି  ପ୍ରତିଟି ମଣିଷ ନିଜର ମାତୃଭାଷା ର ଅସ୍ମିତାକୁ ବଞ୍ଚାଇବାକୁ ଉଦ୍ୟମ କରିବା ଦରକାର ।ବୈଶ୍ବିକ ଭାଷିକ ସଂକଟର ସମୟରେ  ଓଡିଆ ହେଉ କି ଯେ କୌଣସି ଭାଷା, ତାର ବ୍ୟବହାର ଉପରେ ନିର୍ଭର

କରେ ତାର ଅସ୍ତିତ୍ବ ରହିବ କି ନାହିଁ ବୋଲି ମତ ଦେଇଛନ୍ତି କବି ଅଧ୍ୟାପକ ସନ୍ଦୀପ କୁମାର କୁଅଁର।  ବିଶ୍ବ ଓଡିଆ ଭାଷା ସମ୍ମିଳନୀ ଓ ଶ୍ରୀ ଜଗନ୍ନାଥ ମନ୍ଦିର ପରିକ୍ରମା ପ୍ରକଳ୍ପ ଉଦ୍‌ଘାଟନ ଅବସରରେ ସୁଦାମ ଚରଣ ଡିଗ୍ରୀ ମହାବିଦ୍ୟାଳୟରେ  ନୂଆଁ ଓ  ଓଡ଼ିଆ ସାହିତ୍ୟ ପ୍ରତିଯୋଗିତା ର ଉଦଯାପନୀ ସମାରୋହରେ  ମୁଖ୍ଯ ଅତିଥି ଭାବରେ ଯୋଗ ଦେଇ ସେ ଏହି ମନ୍ତବ୍ଯ ପ୍ରଦାନ କରିଛନ୍ତି। ମହାବିଦ୍ୟାଳୟର 

ଅଧ୍ୟକ୍ଷ ରାଜେନ୍ଦ୍ର କୁମାର ମିଶ୍ର ଙ୍କ  ସଭାପତିତ୍ବରେ ଅନୁଷ୍ଠିତ ଏହି ଉଦଯାପନୀ ସମାରୋହର ପ୍ରାରମ୍ଭରେ  ଜଗନ୍ନାଥଙ୍କ ଫଟୋରେ ମାଲ୍ୟାର୍ପଣ ଓ ଦୀପ ପ୍ରଜ୍ବଳନ କରାଯାଇଥିବା ବେଳେ ଇତିହାସ ଅଧ୍ୟାପକ  ପ୍ରଦୀପ୍ତ ବଲ୍ଲଭ  ପାଣିଗ୍ରାହୀ ସଭା ପରିଚାଳନା କରିଥିଲେ। କାର୍ଯ୍ୟକ୍ରମ ର ପୁରସ୍କାର ବିତରଣ  ପରିଚାଳନା  କରିଥିଲେ କାର୍ଯ୍ୟକ୍ରମ ର ନୋଡାଲ ଅଧିକାରୀ

ଯୁଧିଷ୍ଠିର ପ୍ରଧାନ ।ଏହି ଅବସରରେ ହୋଇଥିବା ଓଡିଆ ଖାଦ୍ୟ ପ୍ରତିଯୋଗିତା କୁ ମୁଖ୍ଯ ଅତିଥି  ବୁଲି ଦେଖିଥିଲେ  । ପୁରସ୍କାର  ବିତରଣ ରେ ସହଯୋଗ କରିଥିଲେ  ଶିକ୍ଷା ଅଧ୍ୟାପକ  ଚନ୍ଦ୍ରଭାନୁ ମିର୍ଧା,ଇତିହାସ ଅଧ୍ୟାପିକା  ଶାଶ୍ବତୀ ଦେହୁରୀ , ରାଜନୀତି ବିଜ୍ଞାନ ଅଧ୍ୟାପିକା ବର୍ଷା ପଟେଲ , ସହକାରୀ ଗ୍ରନ୍ଥାଗାରିକ ପ୍ରୀତମ କୁମାର ପଣ୍ଡା , କ୍ରୀଡା ଅଧ୍ୟାପକ  ରଘୁନାଥ ଭୋଇ, ରମାଇ ସିଂ, ନିମାଇଁ ରଣା, ପ୍ରମୁଖ।  ଶେଷରେ ଧନ୍ୟବାଦ ଅର୍ପଣ କରିଥିଲେ ଇଂରାଜୀ ଅଧ୍ୟାପିକା ଜସ୍ମିନ କୁମାରୀ ନନ୍ଦ।  ପରେ ପରେ ଜଗନ୍ନାଥ ସଂସ୍କୃତିର  ସଂପର୍କରେ ଏକ ବୃତ୍ତଚିତ୍ର  ଛାତ୍ରଛାତ୍ରୀଙ୍କୁ ପ୍ରଦର୍ଶନ କରାଯାଇଥିଲା