06-Feb-2024

ଆଗଲପୁର, (ବିନୋଦ କୁମାର ଦୀପ) ବଲାଙ୍ଗିର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ସାଲେଭଟା ଠାରେ ଥିବା ଜେ ଏନ୍ ଏମ ପବ୍ଲିକ ସ୍କୁଲ ର ବାର୍ଷିକ ଉତ୍ସବ ଅନୁଷ୍ଠିତ ହୋଇଯାଇଛି l ଆଜିର ବାର୍ଷିକ ଉତ୍ସବ ରେ ମୁଖ୍ୟ ଅତିଥି ଭାବେ ପୁରନ୍ଦର୍ ଦାସ୍ ଯୋଗ ଦେଇଥିବା ବେଳେ ମୁଖ୍ୟବକ୍ତା ଭାବରେ ରିକିତା ରାଣୀ ପଟ୍ଟନାୟକ ଉପସ୍ଥିତ ଥିଲେ l ପବ୍ଲିକ ସ୍କୁଲ ର ପ୍ରିନ୍ସିପାଲ ଦେବକୀ ମହାନନ୍ଦ, ଏମ ଡି ନିକିତାଶା ମେହେର, ନିର୍ଦ୍ଦେଶକ ସନ୍ଦୀପ ମେହେର ଉପସ୍ଥିତ ରହି କାର୍ଯ୍ୟକ୍ରମ କୁ ଆଗେଇ ନେଇଥିଲେ l ସ୍ଵତନ୍ତ୍ର ଅତିଥି ଭାବରେ ଶ୍ରୀ ପୁଷ୍ପକ କୁମାର୍ ମେହେର,ବୁଦ୍ଧଦେବ ସାହୁ ଓ ସୁକାନ୍ତ ଦାସ ଯୋଗ ଦେଇଥିଲେ l

ପ୍ରଥମେ ସଭାକାର୍ଯ୍ୟ ଆରମ୍ଭ ପୂର୍ବରୁ ପୂଜାର୍ଚ୍ଚନା କରା ଯାଇ ଥିଲା l ଅତିଥି ମାନଙ୍କୁ ଫୁଲତୋଡ଼ା ଓ ଉପଢୌକନ ଦେଇ ସମ୍ମାନିତ କରାଯାଇଥିଲା l ସଭାକାର୍ଯ ସାରିଲା ପରେ ଛାତ୍ରଛାତ୍ରୀ ଙ୍କୁ ପୁରସ୍କାର ବିତରଣ କରାଗଲା l ବିଭିନ୍ନ କ୍ଷେତ୍ରରେ କୃତିତ୍ୱ ହାସଲ କରିଥିବା ଛାତ୍ର ଛାତ୍ରୀ ଙ୍କୁ ମାନପତ୍ର ଦେଇ ସମ୍ମାନିତ କରାଯାଇଥିଲା। ପରେ ପରେ ଛାତ୍ରଛାତ୍ରୀ ମାନଙ୍କ ଦ୍ବାରା ରଙ୍ଗାରଙ୍ଗ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା। ଅତି ଚମତ୍କାର ଭାବରେ ନୃତ୍ୟ ପରିବେଷଣ କରି ଛାତ୍ର ଛାତ୍ରୀ ମାନେ ଅଭିଭାବକ ତଥା ଅତିଥି ମାନଙ୍କୁ ବିମୋହିତ କରିଥିଲେ l