06-Feb-2024

ଆଗଲପୁର, (ପ୍ରେରଣା ଖବର) ଆଗଲପୁର ବ୍ଲକ ଆଗଲପୁର ହାଇସ୍କୁଲ ପଡିଆରେ ସର୍ବ ଭାରତୀୟ ଫୁଟବଲ ଟୁର୍ନାମେଣ୍ଟ ଅନୁଷ୍ଠିତ ହୋଇଯାଇଛି l ଆଗଲପୁର ଏଥଲେଟିକ ଆନୁକୁଲ୍ୟରେ ଉକ୍ତ ଟୁର୍ନାମେଣ୍ଟ ଅନୁଷ୍ଠିତ ହୋଇଯାଇଛି l ଏଥିରେ ମୋଟ ୮ ଟି ଦଳ ଅଂଶଗ୍ରହଣ କରିଛନ୍ତି l ଏହି ଦଳ ଗୁଡିକ ହେଲେ ପଦମପୁର, ସୁନ୍ଦରଗଡ଼ ,  ଭିଲାଇ , କୁଚିଣ୍ଡା , ସମ୍ବଲପୁର , ବିଶାଖାପାଟଣା , ବି. ଏମ୍ ପୁର ଓ ବୁର୍ଲ୍ଲl l ପ୍ରଥମ ଦିନ ତଥା ଆଜି ର ମ୍ୟାଚ ରେ ପାଦମ୍ ପୁର ଓ ସୁନ୍ଦରଗଡ଼ ମଧ୍ୟରେ ହୋଇଥିଲା l ଏଥିରେ ସୁନ୍ଦରଗଡ଼ ଦଳ ପଦମପୁର ଦଳକୁ 2-0 ଗୋଲ ଦେଇ ବିଜୟୀ ହୋଇଥିବା ଏଥଲେଟିକ ପକ୍ଷରୁ ପ୍ରକାଶ l ଆଜି  ତଥା ପ୍ରଥମ ଦିନର ମୁଖ୍ୟ ଅତିଥି ଭାବେ ବଲାଙ୍ଗୀର ଜିଲ୍ଲା ଫୁଟବଲ ସଂଘର ସଭାପତି ଶ୍ରୀକର ମିଶ୍ର ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ଯୁବ ନେତା ଆକାଶ ମିଶ୍ର , ବଲାଙ୍ଗୀର ଜିଲ୍ଲା ଫୁଟବଲ ସଂଘର ଚେୟାରମେନ ପ୍ରଭାତ ମିଶ୍ର ,  ଆଗଲପୁର ଥାନା ଅଧିକାରୀ ବାସୁଦେବ ଭୋଇ , +2 କଲେଜ ର ବରିଷ୍ଟ କିରାଣୀ କିଶୋର ଚନ୍ଦ୍ର ତ୍ରିପାଠୀ ଏବଂ ଆଗଲପୁର ଏଥଲେଟିକ ଏସୋସିଏସନ ର ସଭାପତି ଭିକାରୀଚରଣ ବାଗ ମଂଚାସୀନ ଅତିଥି ଭାବେ ଯୋଗ ଦେଇଥିଲେ l ଏଥିରେ ଖେଳ ପରିଚାଳକ ଭାବେ ପ୍ରଶାନ୍ତ ବେହେରା,  ଅଶ୍ଵିନୀ ବରିହା , ସଞ୍ଜୀବ ମହାରଣା , ନବୀନ ବେହେରା ପରିଚାଳନା କରିଥିଲେ l ଆଗଲପୁର ଏଥଲେଟିକ ଏସୋସିଏସନ ର ସମ୍ପାଦକ ବ୍ୟୋମକେସ ପାଠୀ ଓ ଆୟୋଜକ ସୁଧାଂଶୁ ସେଠ୍ ସହିତ କମିଟି ଓ ଗ୍ରାମବାସୀ ,ଅଞ୍ଚଳବାସୀ ଙ୍କ ସହଯୋଗ ରହିଛି ଆଜିର ମେଚ ରେ ପ୍ରାୟ 5 ହଜାର ଦର୍ଶକ ଦେଖିବାକୁ ଆସିଥିଲେ l