03-Feb-2024

ବୋଡ଼େନ  (ଡୋଲେସ୍ବର ଵାଗ): ନୂଆପଡ଼ା ଜିଲ୍ଲା ବୋଡ଼େନ ବ୍ଲକର ବିନପୁର ଖେଳ ପଡ଼ିଆରେ ୫- ଟି ତଥା ଆମ ଓଡ଼ିଶା ନବୀନ ଓଡ଼ିଶାର ଅଧ୍ୟକ୍ଷ ଭି କେ ପାଣ୍ଡିଆନ ବି ଜେ ଡି କର୍ମୀଙ୍କୁ ନେଇ ଏକ ମହା ସଭା କରିଥିଲେ କହିଲେ ।କାର୍ଯ୍ୟକ୍ରମରେ ୨୦ ହଜାରରୁ ଉର୍ଦ୍ଧ୍ବ ଜନତା ଯୋଗଦାନ କରିଥିଲେ । ଜିଲ୍ଲା ବି ଜେଡି ସାଧାରଣ ସମ୍ପାଦକ ତଥା ଖରୀଆର ବିଧାନସଭା ଆସନର ବିଧାୟକ ପ୍ରାର୍ଥୀ ଲମ୍ବୋଦର ନିଆଲଙ୍କ ସାଂଗଠନିକ ବଳ ଯୋଗୁଁ ଆଜି ବିରାଟ ସଭା ଆୟୋଜିତ ହୋଇ ପାରିଛି ।ନୂଆପଡ଼ା ଜିଲ୍ଲା ପର୍ଯ୍ୟବେକ୍ଷକ ଓଡ଼ିଶା ସରକାରଙ୍କ ପୂର୍ବତନ  ମନ୍ତ୍ରୀ ତଥା ବର୍ତ୍ତମାନର ଅତାବିରା ବିଧାୟିକା ସ୍ନେହାଙ୍ଗିନୀ ଛୁରିଆ,ପୂର୍ବତନ ମନ୍ତ୍ରୀ ପୁଷ୍ପେନ୍ଦ୍ର ସିଂ ଦେଓ କଳାହାଣ୍ଡି ଜିଲ୍ଲା ସଭାପତି,ନୂଆପଡ଼ା ଜିଲ୍ଲା ସଭାପତି ମନୋଜ କୁମାର ମିଶ୍ର,ଜିଲ୍ଲାପରିଷଦ ଅଧ୍ୟକ୍ଷା ଡଲି ମାଝୀ ,ଜିଲ୍ଲା ପରିଷଦ ସ୍ମୃତି ସିଂ ମାଝୀ, ଜିଲ୍ଲାପରିଷଦ ପୁଷ୍ପାଞ୍ଜଳି ଗୁଆଳ, ପଶ୍ଚିମ ଓଡ଼ିଶା ବିକାଶ ପରିଷଦ ସଦସ୍ୟା ମନ୍ଦାକିନୀ ବଘେଲ ,ଅବସର ପ୍ରାପ୍ତ ଜିଲ୍ଲା ଖାଉଟି ଯୋଗାଣ ଅଧିକାରୀ ବିକ୍ରମ ମାଝୀ,ବ୍ଲକ ସଭାପତି ଲୋକନାଥ ଛତ୍ରିଆ ସମେତ ଦଳର ବିଭିନ୍ନ ଦାୟିତ୍ୱରେ ଥିବା କାର୍ଯ୍ୟକର୍ତ୍ତା ଯୋଗଦାନ କରିଥିଲେ ।

ଅଧ୍ୟକ୍ଷ ପାଣ୍ଡିଆନ ମୁଖ୍ୟମନ୍ତ୍ରୀ କରିଥିବା ଲୋକ ହିତକାରୀ ଅନେକ ଯୋଜନା ଉପରେ ଆଲୋକପାତ କରାଇ ସର୍ବସାଧାରଣ ପାଇଥିବା ଲାଭ କେତେ ପରିମାଣରେ ଠିକ୍ ତାହା ପଚାରି ବୁଝିଥିଲେ । ରାସ୍ତା,ଶିକ୍ଷା,ସ୍ବାସ୍ଥ୍ୟ,ଗମନାଗମନ ପାଇଁ ଲକ୍ଷ୍ମୀ ବସ,ସ୍କୁଲ ପିଲାଙ୍କ ପାଇଁ ମୁକ୍ତ ଶିକ୍ଷାଦାନ,ସ୍ବାସ୍ଥ୍ୟ କାର୍ଡ,ପେନସନ,ବିଭିନ୍ନ ମନ୍ଦିର ପ୍ରତି ଅନୁଦାନ, ପତାଲଗଙ୍ଗାର ଉନ୍ନତିକରଣ,ଜଳସେଚନ ପାଇଁ ତିଖାଲି ଓ ଉଠା ଜଳସେଚନ ପ୍ରକଳ୍ପ, ଶ୍ରୀଜଗନ୍ନାଥ ଲୋକାର୍ପଣ,ଭତ୍ତା ବୃଦ୍ଧି,ମହିଳା ସଶକ୍ତିକରଣ, ଶୁନ ସୁଧ ହରରେ ଋଣ ପ୍ରଦାନ,ଦରମା ବୃଦ୍ଧି ଇତ୍ୟାଦି ବିଷୟରେ ବିସ୍ତୃତ ଭାବରେ ଆଲୋଚନା କରି ପ୍ରିୟ ମୁଖ୍ୟମନ୍ତ୍ରୀଙ୍କ ଗୁଣ ଗାନ କରିବା ସହିତ ପୁନର୍ବାର ସରକାର ଗଠନରେ ସହଯୋଗ କରିବାକୁ ଅନୁରୋଧ କରିଥିଲେ  ।