01-Feb-2024

ରେଢ଼ାଖୋଲ (ଅନିଲ ପୃଷ୍ଟି ) ସମ୍ବଲପୁର ଜିଲ୍ଲା ଚାରମାଳ ଥାନା ଅନ୍ତର୍ଗତ ବରିହାସାହିରେ ଫୋଟକୁ ସୋସିଆଲ ମିଡିଆରେ ପୋଷ୍ଟକୁ ବିରୋଧ ପରେ ବନ୍ଧୁକ ମୁନରେ ଜୀବନରେ ମାରିଦେବାକୁ ଧମକ ଚମକ ଦେବା ଅଭିଯୋଗରେ ବୁଧବାର ଜଣେ ଯୁବକଙ୍କୁ ଗିରଫ କରିଛି ଚାରମାଳ ପୋଲିସ । ଗିରଫ ଅଭିଯୁକ୍ତ ଜଣକ ହେଲେ ବରିହା ସାହିର ତପନ ମିର୍ଦ୍ଧା । ପୋଲିସ ସୂତ୍ରରୁ ପ୍ରକାଶ ଯେ ଚାରମାଳ ଥାନା ଅନ୍ତର୍ଗତ ବାରିହାସହିର ତପନ ମିର୍ଦ୍ଧା ଗତକାଲି ମଦ୍ୟପାନ କରି ନିଶସକ୍ତ ଅବସ୍ଥାରେ ରଶିବେଡା ଗ୍ରାମର ରାସ୍ତା କଡ଼ରେ ଶୋଇଥିଲେ । ସେ ଶୋଇଥିବା ଅବସ୍ଥାରେ ଦୁଃଶାସନ ମିର୍ଦ୍ଧା ନାମକ ଜଣେ ଯୁବକ ତାର ଫଟୋ ଉଠାଇ ସୋସିଆଲ ମିଡ଼ିଆ ଫେସ୍ ବୁକ୍ ଓ ଇଷ୍ଟାଗ୍ରାମରେ  ପୋଷ୍ଟକରି ଭାଇରାଲ କରିଥିଲେ । ଏହା ଜାଣି ତପନ ମିର୍ଦ୍ଧା ଫଟୋକୁ ଡିଲିଟ କରିବା ପାଇଁ କହିବାରୁ ଦୁହିଁଙ୍କ ମଧ୍ଯରେ ଝଗଡ଼ା ହୋଇଥଲା । ଏଥିରେ ଉକ୍ଷିପ୍ତ ହୋଇ ତପନ ମିର୍ଦ୍ଧା ଗତକାଲି ସନ୍ଧ୍ୟା ୫:୩୦ ମିନିଟ ସମୟରେ ଦୁଃଶାସନ ମିର୍ଦ୍ଧାଙ୍କ ଘରକୁ ଯାଇ ତାଙ୍କୁ ଏକ ବନ୍ଧୁକ ମୁନରେ ଜୀବନରେ ମାରିଦେବାକୁ ଧମକ ଚମକ ଦେଇଥିଲା । ଏହାକୁ ନେଇ ଦୁଃଶାସନ ମିର୍ଦ୍ଧାଙ୍କ ସ୍ତ୍ରୀ ବନିତା ମିର୍ଦ୍ଧା ଚାରମାଳ ଥାନାରେ ଅଭିଯୋଗ ପରେ ପୋଲିସ କେସ ୧୫/୨୩ ରେ ମାମଲା  ରୁଜୁକରି ଘଟଣାର ତଦନ୍ତ ପରେ ଅଭିଯୁକ୍ତ ତପନ ମିର୍ଦ୍ଧାଙ୍କୁ ଗିରଫ କରି ଆଜି କୋର୍ଟ ଚାଲାଣ କରାଯାଇଥିବା ଚାରମାଳ ଥାନା ଅଧିକାରୀ ସୂଚନା ଦେଇଛନ୍ତି ।