25-Jan-2024

ବଲାଙ୍ଗିର(ପ୍ରେରଣା ଖବର )-ଓଡିଶାରେ ସାମ୍ବାଦିକମାନଙ୍କୁ ପେନସନ ପ୍ରଦାନ ଓ ସାମ୍ବାଦିକ ସୁରକ୍ଷା ଆଇନ ପ୍ରଣୟନ କରିବା ଦବି ନେଇ ଓଡିଶା ସାମ୍ବାଦିକ ୟୁନିୟନ (ଓୟୁଜେ) ଅନୁବନ୍ଧିତ ବଲାଙ୍ଗିର ଜିଲ୍ଲା ସାମ୍ବାଦିକ ୟୁନିୟନ ପକ୍ଷରୁ ଦାବି କରାଯାଇଛି । ଏହି ପରିପେକ୍ଷିରେ ବଲାଙ୍ଗିର ଜିଲ୍ଲାପାଳଙ୍କ ଜରିଆରେ ମାନ୍ୟବର ଓଡିଶା ମୂଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ଜିଲ୍ଲା ସଗଠନର ପକ୍ଷରୁ ଜିଲ୍ଲା ସଭାପତି ପ୍ରଦୀପ୍ତ କୁମାର ମିଶ୍ରଙ୍କ ନେତୃତ୍ୱରେ ଏକ ଦାବିପତ୍ର ପ୍ରଦାନ କରାଯାଇଛି । ପୂର୍ବରୁ ହରିୟାଣା, ମଧ୍ୟପ୍ରଦେଶ,ଉତ୍ତରାଖଣ୍ଡ, ତାମିଲନାଡୁ ଆଦି ଅନେକ ରାଜ୍ୟ ସରକାର ସାମ୍ବାଦିକମାନଙ୍କ ପାଇଁ ମାସିକ ପେନସନ ଯୋଜନା ଲାଗୁ କରିସାରିଛନ୍ତି । ସେହିପରି ମହାରଷ୍ଟ୍ର ଓ ଛତିଶଗଡ ଭଳି ରାଜ୍ୟରେ ସାମ୍ବାଦିକ ସୁରକ୍ଷା ଆଇନ ପ୍ରଣୟନ ହୋଇଥିବା ବେଳେ ଅନ୍ୟାନ୍ୟ ରାଜ୍ୟରେ ଏହା ବିଚାରୀଧିନ ରହିଛି । ତେଣୁ ଓଡିଶା ସରକାର ଆସନ୍ତା ବିଧାନସଭା ଅଧିବେଶନରେ ସାମ୍ବାଦିକମାନଙ୍କ ପାଇଁ ପେନସନ ଯୋଜନା ଓ ସୁରକ୍ଷା ଯୋଜନା ଆଇନ ନୀତି ଲାଗୁ କରାଯିବା ପାଇଁ ଦାବି କରିଛି ବଲାଙ୍ଗିର ଜିଲ୍ଲା ସାମ୍ବାଦିକ ୟୁନିୟନ । ଆଜିର ଏହିକାର୍ଯ୍ୟକ୍ରମରେ ଜିଲ୍ଲା ସାଧାରଣ ସମ୍ପାଦକ ଅଭୟ ତ୍ରିପାଠୀ,ରାଜ୍ୟ ସାଂଗଠନ ସମ୍ପାଦକ ରିତୁରାଜ ସିଂହ, ଜିଲ୍ଲା ଉପ-ସଭାପତି ସରତ ଚନ୍ଦ୍ର ମିଶ୍ର, ଜିଲ୍ଲା ସମ୍ପାଦକ ନରେଶ କୁମାର ସାହୁ,ଟିଟିଲାଗଡ ଉପ-ସଭାପତି ସଞ୍ଜୟ ବେହେରା, ସମ୍ପାଦକ ତରୁଣ ବେହେରା, ପାଟଣାଗଡ ଉପ-ସଭାପତି ପ୍ରବୀଣ ପୁରୋହୀତ, ସମ୍ପାଦକ ତାପସ ବେହେରା,କଣ୍ଟାବାଞ୍ଜି ଉପ-ସଭାପତି ପ୍ରଭିଜିତ ସିଂ ସାଲୁଜା, ସମ୍ପାଦକ ସୁରଦାଶ ବାଗ, ଗ୍ରାମାଚଂଳ ସମ୍ପାଦକ ଅନିଲ ତ୍ରୀପାଠୀ, ଘଟେଶ୍ୱର ମିଶ୍ର, ଗୁପ୍ତେଶ୍ୱର ପୃଷ୍ଟି,ସସ୍ମୀତା ସାହୁ.ଦେବାଶିଷ ବହିଦାର, ଶିବ ପ୍ରଶାଦ ପରିଡା, ଧନମତ ପାଣିଗ୍ରାହୀ, ସୁବୋତ ମେହେର, ଦିଲିପ ଭୋଇ ପ୍ରମୁଖ ଉପସ୍ଥିତ ଥିଲେ ।