18-Jan-2024

କଣ୍ଟାମାଳ,( ଜୟ କୁମାର ମହାରଣା)
ବୌଦ୍ଧ ଜିଲ୍ଲା ବୁଢ଼ାଖୋଲ ଓ ମାତାକୁପା ଜଙ୍ଗଲରେ ମାଓବାଦୀ- ଯବାନ ଗୁଳି ବିନିମୟ ରେ ମାଓ ଶିବିର ଧ୍ବଂସ ଓ ବିପୁଳ ମାଓ ସାମଗ୍ରୀ ଜବତ  l  ବୌଦ୍ଧ ଜିଲ୍ଲା କଣ୍ଟାମାଳ ଥାନା ଅନ୍ତର୍ଗତ ମାତାକୁପା ଘାଟି ସୀମାରେ ଥିବା ବୁଢ଼ାଖୋଲ ଜଙ୍ଗଲରେ ବୁଧବାର ମାଓବାଦୀ ଓ ଯବାନଙ୍କ ମଧ୍ୟରେ ଗୁଳି ବିନିମୟ ହୋଇଥିଲା  l ବୁଢ଼ାଖୋଲ ଓ ମାତାକୁପା ଜଙ୍ଗଲରେ କିଛି ମାଓବାଦୀ ଲୁଚି ରହିଥିବାସୂଚନା ପାଇ ଏସଓଜି ଯବାନ କୁମ୍ବିଙ୍ଗ ସର୍ଚ୍ଚ ଅପରେସନ ଆରମ୍ଭ କରିଥିଲେ l  କୁମ୍ବିଙ୍ଗ ସମୟରେ ହଠାତ ମାଓବାଦୀମାନଙ୍କ ପକ୍ଷରୁ ଗୁଳି ଚାଳନା ହୋଇଥିଲା । ପରେ ଏସ୍‌ଓଜିଙ୍କ ପକ୍ଷରୁ ପାଲଟା ଗୁୁଳିଚାଳନା କରାଯାଇଥିଲା  l ପ୍ରଥମେ ମାଓବାଦୀମାନଙ୍କୁ ଆତ୍ମସମର୍ପଣ ପାଇଁ କୁହାଯାଇଥିଲା  l   ଏଥିରେ ମାଓବାଦୀମାନେ ଆତ୍ମସମର୍ପଣ ବଦଳରେ ଗୁଳି ବର୍ଷଣ କରିଥିଲେ l  ଜବାବରେ ଏସଓଜି ଯବାନ କୁମ୍ବିଙ୍ଗ ଅପରେସନ କୁ ଜୋରଦାର କରିଥିଲେ l  ଏଥିରେ ମାଓବାଦୀମାନେ ଛତ୍ରଭଙ୍ଗ ଦେଇ ଜଙ୍ଗଲ ଭିତରକୁ ଚାଲିଯାଇଥିଲେ l  କୁମ୍ବିଙ୍ଗ ଅପରେସନ ସମୟରେ ମାଓ କ୍ୟାମ୍ପ ଠାବ କରିଥିଲେ ଏସଓଜି ଯବାନ l  କ୍ୟାମ୍ପରୁ ବିପୁଳ ପରିମାଣର ଆଇଇଡି ଲ୍ୟାଣ୍ଡ ମାଇନ, ବିଦ୍ୟୁତ ତାର, ଜିଲୋଟିନ ଆଦି ବିସ୍ଫୋରକ ସାମଗ୍ରୀ ଜବତ କରାଯାଇଛି l  ବୁଢ଼ାଖୋଲ ଓ ମାତାକୁପା ଜଙ୍ଗଲରେ ପ୍ରାୟ 25 ରୁ 30 ରୁ ମାଓବାଦୀ ଥିବା ସୂଚନା ମିଳିଛି । ଗତ କାଲିର ଗୁଳି ବର୍ଷଣ ପରେ ଆଜି ସକାଳ ଠାରୁ ଗୁଳି ବିନିମୟ ବନ୍ଦ ରହିଛି  l ସର୍ଚ୍ଚ ଅପରେସନ କୁ ଜୋରଦାର ପାଇଁ ବର୍ତମାନ ସୁଦ୍ଧା ପ୍ରାୟ 15ରୁ 16ଟି ଏସଓଜି ଟିମ ଜଙ୍ଗଲ ଭିତରେ କନ୍ଧମାଳ ଓ ବୌଦ୍ଧ ଉଭୟ ପଟୁ କୁମ୍ବିଙ୍ଗ ସର୍ଚ୍ଚ ଅପରେସନ ଜାରି ରଖିଥିବା ଜଣାଯାଇଛି lପ୍ରକାଶଥାଉକି ଏହା ପୂର୍ବରୁ ଦୁଇ ଦୁଇଟି ମାଓ ଶିବିର ଧ୍ବଂସ କରାଯାଇଥିବା ବେଳେ ଏହା ତୃତୀୟ ମାଓ ଶିବିର ବୋଲି ସୂଚନା ରହିଛି l  ଗତ ଡିସେମ୍ବର ମାସରେ  ଜିଲ୍ଲାର ମନମୁଣ୍ଡା ଥାନା ଶଗଡା ଫାଣ୍ଡି ଅନ୍ତର୍ଗତ ନଳିକୁପା ଜଙ୍ଗଲ ଅଂଚଳରେ ଯବାନ ଓ ମାଓବାଦୀ ମୁହାଁମୁହିଁ ହୋଇଥିବା ବେଳେ ଦୁଇଦିନ ଧରି ଉଭୟଙ୍କ ମଧ୍ୟରେ ପ୍ରବଳ ଗୁଳି ବିନିମୟ ହୋଇଥିଲା l  ଏଥିରେ ଯବାନମାନେ ମାଓ ଶିବିରକୁ ଧ୍ବଂସ କରି ବିପୁଳ ପରିମାଣର ମାଓ ସାମଗ୍ରୀ ଜବତ କରିଥିଲେ  l ଶେଷରେ ଛତ୍ରଭଙ୍ଗ ଦେଇଥିଲେ ମାଓବାଦୀ l  ସେହିପରି ପୂର୍ବରୁ ଗୁନ୍ଦୁଲିଆ ଓ ଶଗଡା ପଂଚାୟତରେ ମଧ୍ୟ ସୁରକ୍ଷାକର୍ମୀ ଓ ମାଓବାଦୀ ଙ୍କ ମଧ୍ୟରେ ଗୁଳି ବିନିମୟ ହେବା ସହିତ ପୋଲିସ ଦ୍ୱାରା ବିପୁଳ ପରିମାଣର ମାଓ ସାମଗ୍ରୀ ଜବତ କରାଯାଇଥିଲା l  ଜିଲ୍ଲାରେ ଏବେ କେକେବିଏନ ମାଓ ଡିଭିଜନ ସକ୍ରିୟ ଥିବା ବିଗତ ଦିନର ଘଟଣାରୁ ସ୍ପଷ୍ଟ ହୋଇଛି l