15-Jan-2024

ନାକଟିଦେଉଳ(କନ୍ଦର୍ପ ବେହେରା ): ନାକଟିଦେଉଳ ବ୍ଲକ ଗୋଧିଢିପ ମହାଲକ୍ଷ୍ମୀ ଯୁବକ ସଂଘ ଆନୁକୂଲ୍ୟରେ ୧୬ତମ ସୁପର ସିକ୍ସ କ୍ରିକେଟ ଟୁର୍ଣ୍ନାମେଣ୍ଟ ଅନୁଷ୍ଠିତ ହୋଇଯାଇଛି l ଏଥିରେ ସମୁଦାୟ ୯ଟି ଦଳ ଭାଗ ନେଇଥିବା ବେଳେ ଫାଇନାଲ ମ୍ୟାଚ ଉପରମୁଣ୍ଡା ଓ ଚନ୍ଦ୍ରପୁର ମଧ୍ୟରେ ଅନୁଷ୍ଠିତ ହୋଇଥିଲା l ଚନ୍ଦ୍ରପୁର ଦଳ ନିର୍ଦ୍ଧାରିତ ୬ଓଭର ରେ ୫୯ରନ କରିଥିବା ବେଳେ ଉପରମୁଣ୍ଡା ଦଳ ୪ଓଭର ୨ବଲ ରେ ୬୦ରନ କରି ଚମ୍ପିୟାନ ହୋଇଥିଲେ l ଉପରମୁଣ୍ଡା ଦଳର ଅମୀୟ କୁମାର ପ୍ରଧାନ ମେନ ଅଫ ଦିମେଚ ହୋଇଥିବା ବେଳେ ଚନ୍ଦ୍ରପୁର ଦଳର ଅଶୋକ କୁମାର ବିଶି ମେନ ଅଫ ଦି ସିରିଜ ହୋଇଥିଲେ l ଏହି ଅବସରରେ ହଳଧର ସାହୁଙ୍କ ସଭାପତିତ୍ୱରେ ଆୟୋଜିତ ପୁରସ୍କାର ବିତରଣ ସମାରୋହରେ ମୁଖ୍ୟ ଅତିଥିଭାବେ ବିକାଶ ଫାଉଣ୍ଡେସନର ଅଧ୍ୟକ୍ଷା ମୃଦୁଳା ଠାକୁର, ସମ୍ମାନୀତ ଅତିଥିଭାବେ ସରାପାଲି ଗ୍ରାମପଂଚାୟତ ସରପଞ୍ଚ ଶିବାନୀ ବାରିକ,ବରିଷ୍ଠ ବିଜେପି ନେତା ଦେବେନ୍ଦ୍ର ମହାପାତ୍ର, ଓବିସି ମୋର୍ଚ୍ଚା ରାଜ୍ୟ ସମ୍ପାଦିକା ସସ୍ମିତା ଦେହୁରୀ,ପୂର୍ବତନ ଜିଲ୍ଲା ପରିଷଦ ସଭ୍ୟ ପ୍ରମୋଦ ସାହୁ ପ୍ରମୁଖ ଯୋଗଦେଇ ବିଜେତା ଓ ଉପବିଜେତା ଦଳକୁ ପୁରସ୍କୃତ କରିଥିଲେ l ଯୁବକସଂଘ ପକ୍ଷରୁ ଅସହାୟ ବୃଦ୍ଧ ବୃଦ୍ଧାଙ୍କୁ କମ୍ବଳ ପ୍ରଦାନ କରାଯାଇଥିଲା l ନେତ୍ରାନନ୍ଦ ରାଉଳ ଅତିଥି ପରିଚୟ ପ୍ରଦାନ କରିଥିବାବେଳେ ତପନ କୁମାର ସାହୁ ଧନ୍ୟବାଦ ଦେଇଥିଲେ l ଅଜିତ କୁମାର ସାହୁ ଓ ଶୈଳେନ୍ଦ୍ର ପ୍ରଧାନ ଖେଳ ପରିଚାଳନା କରିଥିଲେ l