05-Oct-2020

ନୟାଗଡ ତା ୫ - ୧0- ଅନେକ ଦିନର ଅପେକ୍ଷା ପରେ ଆଜି ନୟାଗଡ ବାସୀ ପାଇଲେ ଖୁସି ଖବର | ନୟାଗଡ ସହର ର ଅନେକ ରାସ୍ତା ଆଲୋକୀକରଣ ଅଭାବରୁ ଚୋରି, ଡକାୟତି, ଦୁର୍ଘଟଣା ଆଦି ବିପୁଳ ପରିମାଣ ରେ ବଢ଼ିଯାଇଥିଲା | ଫଳରେ ଜନସାଧାରଣ ସେହି ରାସ୍ତା ଦେଇ ଯିବାକୁ ରାତି ରେ ଇଚ୍ଛା କରୁନଥିଲେ | ପ୍ରଶାସନ ପାଖରେ ଅନେକ ଥର ଦାବି ରଖିବା ପରେ ବିଳମ୍ବରେ ହେଲେବି କାର୍ଯ୍ୟକାରୀ ହୋଇଥିବା ଖବର ଜନତା ଙ୍କ ମନରେ ଖୁସିର ବାତାବରଣ ନିଶ୍ଚିତ ଖେଳିବ ବୋଲି ଆଶା ବ୍ୟକ୍ତ ହେଉଛି | ଆଜି ନୟାଗଡ ପୌରାଞ୍ଚଳ ରେ ପ୍ରାୟ ସାଢେ ଏଗାର କିଲୋମିଟର ରାସ୍ତା ର ଆଲୋକୀକରଣ ଶୁଭାରମ୍ଭ ହୋଇଛି | ପୌର ନିର୍ବାହୀ ଅଧିକାରୀ ସନ୍ତୋଷ କୁମାର ଜେନା ଆଜି କୋଭିଡ କଟକଣା କୁ ମାନି ସିନ୍ଦୁରିଆ ଠାରୁ ଷ୍ଟେସନ ପର୍ଯ୍ୟନ୍ତ ଆଲୋକୀକରଣ କାର୍ଯ୍ୟ ଆରମ୍ଭ କରିବାକୁ ଶୁଭ ଦେଇଛନ୍ତି | ସୂଚନା ମୁତାବକ ଷ୍ଟେସନ ଠାରୁ ଖଣ୍ଡପଡା ରୋଡ, ଜଗନ୍ନାଥ ମନ୍ଦିର ଠାରୁ ପି ଟି ଏସ, ଜଗନ୍ନାଥ ମନ୍ଦିର ରୁ ଝୁମ୍ପୁରି, ମାର୍ଥା କଲୋନୀ ଠାରୁ ଲେଙ୍କୁଡିପଡା ଏବଂ ହାଉସିଂବୋର୍ଡ଼ କଲୋନୀ ଆଲୋକୀକରଣ ହେବ ବୋଲି କାର୍ଯ୍ୟ ନିର୍ବାହୀ ଅଧିକାରୀ କହିଛନ୍ତି | ଏହି ସାଢେ ଏଗାର କିଲୋମିଟର ରାସ୍ତା ରେ ପୋଲ ପୋତାଯାଇ ଗ୍ରୀନ ଫିଲ ଏଲଇଡି ଲାଇଟ ଲଗାଇ ନୟାଗଡ ସହରର ଆଲୋକୀକରଣ କାର୍ଯ୍ୟ ଯୁଦ୍ଧ କାଳୀନ ଭିତ୍ତି ରେ ସମ୍ପୂର୍ଣ ହେବ ବୋଲି ଅଧିକାରୀ ସୂଚନା ଦେଇଛନ୍ତି |