05-Oct-2020

ନୟାଗଡ ,05/10- ରକ୍ଷଣା ବେକ୍ଷଣ ଅଭାବରୁ ଦୀର୍ଘ ଦିନ  ହେବ ନୟାଗଡ଼ ସହରର ଜଗନ୍ନାଥ ମନ୍ଦିର ର ଦକ୍ଷିଣ ଦ୍ୱାର ସଙ୍କଟାପର୍ଣ୍ଣ ଅବସ୍ଥାରେ ଥିଲା | ପ୍ରଶାସନ ର ଆଖି  ଥାଇ ଅନ୍ଧ ନୀତି ର ପ୍ରଭାବ ଆଜି ଜଗନ୍ନାଥ ଙ୍କୁ ଭୋଗିବାକୁ ପଡିଛି | ଲଗାଣ ବର୍ଷା ଯୋଗୁଁ ଆଜି ସମ୍ପୂର୍ଣ୍ଣ ଭାଙ୍ଗି ଯାଇଛି ମନ୍ଦିରର ଦକ୍ଷିଣ ଦ୍ୱାର | ପୂଜକ ଠୁଁ ନେଇ ଭକ୍ତ ପର୍ଯ୍ୟନ୍ତ ସମସ୍ତେ ଏହି ଖବର ପାଇଲା ପରେ ଅନ୍ତରର କୋହ କୁ ଆଉ ଚାପି ନଥିଲେ | ଭକ୍ତ ମଣ୍ଡଳ ରେ ଏବେ ସମାଲୋଚିତ ହେଉଛି ପ୍ରଶାସନ ଯେ ଯଦି ଜଗନ୍ନାଥ ଙ୍କ ବାସସ୍ଥଳୀ କୁ ଏତେ ଅଣଦେଖା ହେଉଛି ତେବେ ଜଗନ୍ନାଥ ଦେଶ ରେ ସାଧାରଣ ମଣିଷ ଟିଏ କିପରି "ମୋ କୁଡ଼ିଆ" ର  ଉପଭୋଗୀ ହୋଇପାରିବ ¿¿ ବୁଦ୍ଧିଜୀବୀ ମହଲ ରେ ଚର୍ଚ୍ଚା ଜୋର ଧରିଛି କି ଲଗାଣ ବର୍ଷା ରେ ଘର ଭୁସୁଡ଼ିଲେ ରାଜନୈତିକ ଚାପରେ ୱାର୍ଡ ସଭ୍ୟ ଙ୍କ ଠୁଁ ନେଇ ମନ୍ତ୍ରୀ ପର୍ଯ୍ୟନ୍ତ ସମସ୍ତେ ପହଂଚି ନାଁ କମେଇବା ପାଇଁ ଜରି ପାଲ, ଖାଦ୍ୟ ସାମଗ୍ରୀ ପହଞ୍ଚାଇ ଥାନ୍ତି ଏବଂ ବାସଗୃହ ନିର୍ମାଣ ର ପ୍ରତିଶୃତି ଦେଇଥାନ୍ତି ହେଲେ ଜଗନ୍ନାଥ ଙ୍କ ପାଖରେ ପହଁଚିବାକୁ କୌଣସି ରାଜନେତା ଙ୍କର କେବେ ସମୟ ମିଳୁଛି ତାହା ଦେଖାଯିବ | ପୂଜକ ଏବଂ ଭକ୍ତ ମଣ୍ଡଳ ରୁ ଦାବି ହେଉଛି କି ଭୁଶୁଡି ପଡିଥିବା ଦକ୍ଷିଣ ଦ୍ୱାର ଯୁଦ୍ଧ କାଳୀନ ଭିତ୍ତି ରେ ପ୍ରଶାସନ ନିର୍ମାଣ କରିବା ନିତ୍ୟାନ୍ତ ଆବଶ୍ୟକ |