18-Dec-2020

ନୟାଗଡ଼, (ପ୍ରଦୀପ କୁମାର ପଣ୍ଡା) - ନୟାଗଡ଼ ଜିଲ୍ଲା ଗଣିଆ ବ୍ଳକ ର ମଶାରୀ ବଣ୍ଟନ କାର୍ଯ୍ୟକ୍ରମ ର ଉଦଘାଟନୀ ଉତ୍ସବ ଅନୁଷ୍ଠିତ ହୋଇ ଯାଇଛି | ଏହି ଉତ୍ସବ ରେ ମୁଖ୍ୟ ଅତିଥି ଦଶପଲ୍ଲା ନିର୍ବାଚନ ମଣ୍ଡଳୀର ବିଧାୟକ ତଥା ନୟାଗଡ଼ ଜିଲ୍ଲା ବିଜେଡି ସଭାପତି ଶ୍ରୀଯୁକ୍ତ ରମେଶ ଚନ୍ଦ୍ର ବେହେରା ଯୋଗ ଦେଇଥିଲେ | ସମ୍ମାନିତ ଅତିଥି ଭାବେ ଗଣିଆ ବ୍ଳକ ଅଧକ୍ଷ ଶେଷ ଦେବ ସ୍ୱାଇଁ, କନ୍ଧମାଳ ସାଂସଦ ଙ୍କ ନୟାଗଡ଼ ଜିଲ୍ଲା ପ୍ରତିନିଧି ତଥା କିଶୋର ପ୍ରସାଦ ଗ୍ରାମପଞ୍ଚାୟତ ସମିତି ସଭ୍ୟ ସଦାଶିବ ମିଶ୍ର, ଗଣିଆ ଜିଲ୍ଲା ପରିଷଦ ସଭ୍ୟ ମହେଶ୍ୱର ମହାରଣା, ଗଣିଆ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ର ଅଧିକାରୀ ମଧୁସୂଦନ ଦାସ, ଗଣିଆ ବ୍ଳକ ଉନ୍ନୟନ ଅଧିକାରୀ ସିରିଆଲ ଶୁଭ୍ର ପଟେଲ ପ୍ରମୁଖ ଯୋଗ ଦେଇଥିଲେ | ଉକ୍ତ ଉତ୍ସବ ରେ ମାନ୍ୟବର ବିଧାୟକ ପ୍ରଦୀପ ପ୍ରଜ୍ବଳନ ଏବଂ ରିବନ କାଟି ମଶାରୀ ବଣ୍ଟନ କାର୍ଯ୍ୟକ୍ରମ ର ଉଦଘାଟନ କରିଥିଲେ | ମଶାରୀ ର ଉପକାରିତା ବିଷୟରେ ବିଧାୟକ ଉପସ୍ଥିତ ସମସ୍ତ ଜନସାଧାରଣ ଙ୍କୁ ବିସ୍ତୃତ ଭାବେ ବୁଝାଇଥିଲେ | ମ୍ୟାଲେରିଆ, ଟାଇଫଏଡ ଭଳି ଦୁରାରୋଗ୍ୟ ର ବାହକ ଠାରୁ ବଂଚିବା ପାଇଁ ମଶାରୀ ନିତ୍ୟାବଶ୍ୟକ ମାନି ଓଡିଶା ସରକାର ଙ୍କ ଏହି ଅଭିନଵ କାର୍ଯ୍ୟକ୍ରମ କୁ ଉପସ୍ଥିତ ସମସ୍ତ ଅତିଥି ମାନେ ଭୁରି ପ୍ରଶଂସା କରିଥିଲେ | କିନ୍ତୁ ବର୍ତମାନର କୋଭିଡ ଗାଇଡ଼ ଲାଇନ ଅନୁସାରେ ଉକ୍ତ କାର୍ଯ୍ୟକ୍ରମ କରାଯାଇନଥିବା ନେଇ ବୁଦ୍ଧିଜୀବୀ ମହଲରେ ଚର୍ଚ୍ଚା ହେଉଛି | ସଭାରେ ଉପସ୍ଥିତ କେତେକ ବ୍ୟକ୍ତି ମାସ୍କ ପରିଧାନ କରିନଥିବା ବେଳେ ସାମାଜିକ ଦୂରତା କୁ ଭୁଲି ଆୟୋଜକ ଚୌକି ପକାଇଥିବା ହେତୁ ବୁଦ୍ଧିଜୀବୀ ମାନେ ଅସନ୍ତୋଷ ପ୍ରକାଶ କରିଛନ୍ତି |