01-Jan-2024

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ ): ତା ୧.୦୧.୨୦୨୪ ଠାରୁ ୭.୦୧.୨୦୨୪ ପର୍ଯ୍ୟନ୍ତ ସପ୍ତାହବ୍ୟାପି ସଡକ ସୁରକ୍ଷା ସଚେତନତା କାର୍ଯ୍ୟକ୍ରମ ୨୦୨୪ ର ପ୍ରଥମ ତଥା ଉଦଘାଟନୀ ଦିବସର ବିଭିନ୍ନ କାର୍ଯ୍ୟକ୍ରମ ଆଞ୍ଚଳିକ ପରିବହନ ଅଧିକାରୀ ସୁବର୍ଣପୁରଙ୍କ କାର୍ଯ୍ୟାଳୟ ଠାରେ ସକାଳ ୮ ଘଣ୍ଟା ସମୟରେ ଜିଲ୍ଲପାଳ ସୁବର୍ଣ୍ଣପୁର ବିମଳେନ୍ଦୁ ରାୟ ଓ ଅତିରିକ୍ତ ଆରକ୍ଷୀ ଅଧିକ୍ଷକ ହେମନ୍ତ କୁମାର ପାଢ଼ୀ ଯୋଗଦାନ କରି ସଡକ ସୁରକ୍ଷା ଉପରେ ଅନେକ ମୂଲ୍ୟବାନ ପରାମର୍ଶ ପ୍ରଦାନ କରିବା ସହିତ ଆୟୋଜିତ ଶୋଭାଯାତ୍ରା ଓ ସସଚେତନତା ରଥକୁ ସବୁଜ ପତାକା ଦେଖାଇ ଶୁଭାରମ୍ଭ କରିଛନ୍ତି l ଏତଦ ବ୍ୟତୀତ କାର୍ଯ୍ୟାଳୟ ଠାରେ ନବନିର୍ମିତ ଆଧୁନିକ ଏଲ ଏଲ ପରୀକ୍ଷା କେନ୍ଦ୍ର ତଥା ସର୍ବସାଧାରଣ ସୁବିଧା କେନ୍ଦ୍ରକୁ ମଧ୍ୟ ଜିଲ୍ଲାପାଳ ଶ୍ରୀ ରାୟ ଉଦଘାଟନ କରିଛନ୍ତି l ଅନୁଷ୍ଠିତ ଶୋଭାଯାତ୍ରାରେ ଛାତ୍ରଛାତ୍ରୀ ମାନେ ସଚେତନତା ବାର୍ତା ପ୍ଲା କାର୍ଡ ପ୍ରଦର୍ଶନ କରି ସହର ପରିକ୍ରମା କରିଥିଲେ, ସେହିପରି ସଚେତନତା ରଥ ଆଜି ସୋନପୁର ସହର ତଥା ବ୍ଲକ ଅଂଚଳ ପରିକ୍ରମା କରି ଜନସାଧାରଣଙ୍କୁ ସଚେତନତା କରାଇବ l 

କାର୍ଯ୍ୟକ୍ରମ ଅବସରରେରେ ଜିଲ୍ଲା ସୂଚନା ଓ ଲୋକ ସମ୍ପର୍କ ଅଧିକାରୀ ଅଶ୍ୱିନୀ କୁମାର ଭୋଇ,ସାମ୍ବାଦିକ  ସ୍ୱାଧୀନ କୁମାର ମେହେର ,

 ମୃତ୍ୟୁଞ୍ଜୟ ଶତପଥୀ, ସଞ୍ଜୟ ସାହୁ, ପିତାମ୍ବର ମହାପାତ୍ର, ରଞ୍ଜନ ବାରିକ ଓ ବସ ମାଲିକ ସଂଘ ସଭାପତି ପୁରୁଷୋତ୍ତମ ପାଣିଗ୍ରାହୀ, ରେଆର ସମ୍ପାଦକ ଅନଙ୍ଗ ନେଗୀ, ନେହେରୁ ଯୁବକ ସଂଘ ସଭାପତି କୃପାସିନ୍ଧୁ ଭୋଇ ଓ ସଦସ୍ୟ, ବୁଢାରଜା ୟୁଥ ଏସୋସିଏସନ ର ସଦସ୍ୟ ସଦସ୍ୟା, କାର୍ଯ୍ୟାଳୟର ଚିତ୍ତରଞ୍ଜନ ଭୋଇ ତଥା ସମସ୍ତ କର୍ମଚାରୀ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରିଥିଲେ l