01-Jan-2024

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ନୂତନ ବର୍ଷ ୨୦୨୪ କୁ ସ୍ୱାଗତ କରିବା ପାଇଁ ବିଭିନ୍ନ ସ୍ଥାନରେ ଭୋଜିଭାତ, ନୃତ୍ୟ ଗୀତ ସହ ସହର ଗୁଡିକରେ ବଡ଼ ବଡ଼ ହୋଟେଲ ଗୁଡିକରେ ନାଚ, ଗୀତ ମଧ୍ୟରେ ଖୁବ ଧୂମଧାମରେ ପାଳନ କରୁଥିବା ଦେଖାଯାଇଛି l  ତେବେ କଣ୍ଟାମାଳ ବ୍ଲକ ନିକଟରେ ଥିବା ଶ୍ରୀରାମ ମନ୍ଦିରରେ ଶ୍ରୀରାମ ଭକ୍ତ ମାନଙ୍କ ଦ୍ୱାରା 108ହନୁମାନ ଚାଳିଶା ପାଠ କରି ଏକ ଆଧ୍ୟାତ୍ମିକ ତଥା

ଅଭିନଵ ଢଙ୍ଗରେ ନୂତନ ବର୍ଷକୁ ପାଳନ କରିଛନ୍ତି l   ଶ୍ରୀରାମ ଭକ୍ତ ଦାମୋଦର ସ୍ୱାଇଁ ଙ୍କ ତତ୍ୱାବଧାନରେ ସୋମବାର ସକାଳ ଆଠ ଘଣ୍ଟା ସମୟରେ ଶହେ ଆଠ ହନୁମାନ ଚାଳିଶା ଆରମ୍ଭ ହୋଇଥିଲା l ମନ୍ଦିର ପୂଜକ ଆନନ୍ଦ ଚନ୍ଦ୍ର ପାଢ଼ୀ ପୂଜା ଦାଇତ୍ୱ ତୁଲାଇଥିବା ବେଳେ ପଣ୍ଡିତ ସନତ କୁମାର ମିଶ୍ର ଶହେ ଆଠ ଆଳତି କରିଥିଲେ l  ସେହିପରି ସଭାପତି ସନ୍ତୋଷ କୁମାର ବିଶି ପ୍ରଭୁ ଶ୍ରୀରାମଙ୍କ ଅନ୍ନ ପ୍ରସାଦ ଦାୟିତ୍ୱ ତୁଲାଇଥିଲେ l  ଏଥିରେ ହରିବନ୍ଧୁ ପୁରୋହିତ, ଜୟ କୁମାର ମହାରଣା, ପ୍ରଦୀପ ଭୋଇ ସମେତ ଅନ୍ୟ ମହିଳା ଓ ପୁରୁଷ ଭକ୍ତମାନେ ଉପସ୍ଥିତ ରହି ହନୁମାନ ଚାଳିଶା ପାଠ କରିଥିଲେ  l  ନୂତନ ବର୍ଷରେ ସମଗ୍ର ମନ୍ଦିର ଏକ ଆଧ୍ୟାତ୍ମିକ ପରିବେଶ ସୃଷ୍ଟି ହୋଇଥିଲା l ନୂଆ ବର୍ଷ ଉପଲକ୍ଷେ ଆଜି ସକାଳୁ କଣ୍ଟାମାଳ ବ୍ଲକର ହାଟପଦା ବାବା କପିଳେଶ୍ୱର ମନ୍ଦିର, କଣ୍ଟାମାଳ ଜଗନ୍ନାଥ ମନ୍ଦିର, ବନ୍ଧପାଲି ହନୁମାନ ମନ୍ଦିର, ଶ୍ରୀରାମ ମନ୍ଦିର ସମେତ ବିଭିନ୍ନ ଦେବାଳୟ ଗୁଡିକରେ ଭକ୍ତମାନଙ୍କ ସମାଗମ ଦେଖିବାକୁ ମିଳିଥିଲା  l