28-Dec-2023

ବଲାଙ୍ଗିର/ ସ୍ଥାନୀୟ ସଦାଇପାଲି ଗ୍ରାମ ସ୍ଥିତ ଭାଗବତ ଘର ଠାରେ ରାମଜୀ ଯୁବକ ସଂଘ ଆନୁକୁଲ୍ୟରେ ସଂଘର ସମ୍ପାଦକ ଡ. ନାରାୟଣ ପ୍ରସାଦ ମିଶ୍ର ଙ୍କ ଆହ୍ୱାନ କ୍ରମେ ମହିଳା ସ୍ୱୟଂ ସହାୟକ ଦଳର ସଭ୍ୟା ମାନଙ୍କର ଏକ ତାଲିମ ଶିବିର ଅୟୋଜିତ ହୋଇଯାଇଛି । ୮ ଟି ସ୍ୱୟଂ ସହାୟକ ଦଳର ୫୫ ଜଣ ସଦସ୍ୟା ଙ୍କୁ ନେଇ ହୋଇଥିବା ତାଲିମ ଶିବିରରେ ଅତିଥି ଭାବରେ ଯୋଗଦାନ କରି ରାମଜୀ ଯୁବକ ସଂଘର ବରିଷ୍ଠ ସଭ୍ୟ ରମେଶ ଚନ୍ଦ୍ର ନାଏକ ଶୁଭାରମ୍ଭ କରିଥିଲେ ଏବଂ ଅନ୍ୟତମ ବରିଷ୍ଠ ସଦସ୍ୟ ବିରନ୍‌ଚି ସାଏ କାର୍ଯ୍ୟକ୍ରମରେ ସଭାପତିତ୍ୱ କରିଥିଲେ । ତାଲିମ ଶିବିର ରେ ସାଧନ କର୍ମି ଭାବରେ ଯୋଗଦାନ କରି ରାମଜୀ ଯୁବକ ସଂଘ ର ପ୍ରକଲ୍ପ ସଂଯୋଜକ ଅଶୋକ କୁମାର ମେହେର ଅଂଶ ଗ୍ରହଣକାରୀ ମହିଳା ମାନଙ୍କୁ ସ୍ୱୟଂ ସହାୟକ ଗୋଷ୍ଠୀ ର ଗଠନ ଏବଂ ଏହାର ପରିଚାଳନା ତଥା ଆବଶ୍ୟକ ନଥିପତ୍ର ପୂରଣ ଉପରେ ତାଲିମ ଦେବା ସହିତ ତାଙ୍କୁ ଆର୍ଥିକ ସାକ୍ଷରତା ଏବଂ ଆର୍ଥିକ ଅର୍ନ୍ତଭୂକ୍ତି ଉପରେ ବ୍ୟାପକ ଭାବରେ ବୁଝାଇଥିଲେ । ବିଭିନ୍ନ ସ୍ୱୟଂ ସହାୟକ ଦଳ ନେତ୍ରୀ ମାନଙ୍କ ମଧ୍ୟରୁ ରୁପକାନ୍ତି ତେଜୀ, ଗିତାଞଳୀ ପଟେଲ, ପଙ୍କଜିନୀ ସାହୁ, ରଶ୍ମିତା ମେଶ୍ୱା ତଥା ପ୍ରମୋଦିନୀ ପଟେଲ ସରକାର ଙ୍କ ବିଭିନ୍ନ କାର୍ଯ୍ୟକ୍ରମରେ ସାମିଲ ହେବା ପାଇଁ ଆହ୍ୱାନ କରିଥିଲେ ।