28-Dec-2023

ବଲାଙ୍ଗୀର(ଚିତ୍ରସେନ ବେହେରା ):ବଲାଙ୍ଗୀର ସଦର ବ୍ଲକ ଅନ୍ତର୍ଗତ ବିଡିଘାଟଗ୍ରାମ ପଞ୍ଚାୟତର ଚାଣ୍ଟିମୁଣ୍ଡା ଗ୍ରାମରେ ଦ୍ୱିଦିବସୀୟ ଫୁଟବଲ ପ୍ରତିଯୋଗିତା ଆରମ୍ଭ ହୋଇଯାଇଛି।ଗ୍ରାମାଞ୍ଚଳର ଖେଳାଳି ମାନଙ୍କୁ ଉତ୍ସାହିତ କରିବା ପାଇଁ ତଥା ପାଣ୍ଡିଆ ପରିବାରର ଦିବଂଗତ ବିଳାସିନୀଙ୍କ ସ୍ମୃତି ଉଦ୍ଦେଶ୍ୟରେ ନାମିତ ମେମୋରିଆଲକୁ ଆୟୋଜକ ନାତି ଦେବାଶିଷ ପାଣ୍ଡିଆ ଆରମ୍ଭ କରିଛନ୍ତି।ମୁଖ୍ୟ ଅତିଥି ଭାବରେ

ଦେବାଶିଷଙ୍କ ଅଜା ସନାତନ ନାଥ ଯୋଗଦେଇ ପ୍ରତିଯୋଗିତା କୁ ଶୁଭାରମ୍ଭ କରିଥିଲେ। ଅନ୍ୟ ଅତିଥି ମାନଙ୍କ ମଧ୍ୟରେ ଉମାପତି ନାଥ, ରଘୁପତି ନାଥ, ଶିବାଶିଷ ପୁରୋହିତ, ପ୍ରେମାଶିସ ପାଣ୍ଡିଆ ପ୍ରମୁଖ ଯୋଗ ଦେଇଥିଲେ। ପ୍ରଥମ ଦିନରେ

ଚାଣ୍ଟିମୁଣ୍ଡା ଏବଂ ଦୁଆନପାଲି ଗ୍ରାମ ମଧ୍ୟରେ ପ୍ରଥମ ସେମି ଫାଇନାଲ ଅନୁଷ୍ଠିତ ହୋଇଯାଇଛି।ଏହି ପ୍ରତିଯୋଗିତାରେ ଦୁଆନପାଳି ଚାଣ୍ଟିମୁଣ୍ଡା କୁ ୩ ଗୋଲରେ ପରାସ୍ତ କରି ଫାଇନାଲକୁ ଉତ୍ତୀର୍ଣ୍ଣ ହୋଇଛି। ଆସନ୍ତାକାଲି ଫାଇନାଲ ମ୍ୟାଚ ଅନୁଷ୍ଠିତ ହୋଇ ବିଜୟୀ ଦଳକୁ ଟ୍ରଫି ପ୍ରଦାନ କରାଯିବ ବୋଲି ଆୟୋଜକ ଦେବାଶିଷ ପାଣ୍ଡିଆ ଗଣମାଧ୍ୟମକୁ ସୂଚନା ଦେଇଛନ୍ତି।