28-Dec-2023

ଦେଓଗାଁ(ଅନ୍ତର୍ଯ୍ୟାମୀ ସାହୁ) ଦେଓଗାଁ ବ୍ଲକ ଜରାସିଂହା ସ୍ଥିତ ପାଟଖଣ୍ଡା ଦେବୀଙ୍କ ନିଶିଗୁଡି ନିକଟରେ ନିଖିଳ ଓଡିଶା କୈବତ୍ତ ମହାସଭାର ବଲାଙ୍ଗିର ଜିଲ୍ଲା ସ୍ତରୀୟ ନୂଆଖାଇ ଭେଟଘାଟ ଅନୁଷ୍ଠିତ ହୋଇଯାଇଛି । କାର୍ଯ୍ୟକ୍ରମ ମଧ୍ୟରେ ସକାଳେ ସମାଜର ମହିଳାମାନଙ୍କ ଦ୍ୱାରା ଜରାସିଂହା ଗ୍ରାମରେ କଳସ ଯାତ୍ରା, ଜାତିର ପତାକା ଉତ୍ତୋଳନ, ମା ଅଶ୍ୱିନୀ ବାସିଲି ସମଲେଶ୍ୱରୀ ଦେବୀଙ୍କ ପୂଜାର୍ଚ୍ଚନା, ସାଂସ୍କୃତିକ କାର୍ଯ୍ୟକ୍ରମରେ ନିପୁଣ ଅର୍ଜନ କରିଥିବା ବ୍ୟକ୍ତି ବିଶେଷ, ଛାତ୍ର ଛାତ୍ରୀ, କଳାକାର, ଶିକ୍ଷାବିଦ୍‌, ସମାଜସେବୀମାନଙ୍କ ର ଦକ୍ଷତା ଆଧାରରେ ମାନପତ୍ର ଓ ଉପଢୈାକନ ପ୍ରଦାନ କରାଯାଇଥିଲା । ଜିଲ୍ଲା ସଭାପତି କଂସାରି ନାଏକଙ୍କ ଅଧ୍ୟକ୍ଷତାରେ ଆୟୋଜିତ ଉତ୍ସବରେ ନିଖିଳ ଓଡିଶା କୈବର୍ତ୍ତ ସମାଜର ସଭାପତି ଯୋଗେନ୍ଦ୍ର ବେହେରା ମୁଖ୍ୟ ଅତିଥି, ଅଧ୍ୟାପକ ରମାକାନ୍ତ ନାଏକ ମୁଖ୍ୟବକ୍ତା ଭାବରେ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ମନୋଜ ବେହେରା କାର୍ଯ୍ୟକାରୀ ସଭାପତି, ପ୍ରଶନ୍ନ ବେହେରା ଉପସଭାପତି, ସୁଧିର ଖଣ୍ଡା ସାଧାରଣ ସଂପାଦକ, ଦିଲିପ ବେହେରା ସାଧାରଣ ସଂପାଦକ କୈବର୍ତ୍ତ ଯୁବ ମୋର୍ଚ୍ଚା, ଅକ୍ଷୟ କୁମାର ବେହେରା କାର୍ଯ୍ୟକାରୀ ସଭ୍ୟ, ରଂଜିତା କାହାଳୀ ମହିଳା ମଂଚ ସଭାନେତ୍ରୀ, ଦେବେନ୍ଦ୍ର କାହାଳୀ କାର୍ଯ୍ୟକାରୀ ସଭ୍ୟ, ପ୍ରହଲ୍ଲାଦ ବେହେରା ସଭାପତି ସାରଳା ମଣ୍ଡଳ ଜଗତସିଂପୁର, ଶରତ ପାଣ୍ଡେ ସଭାପତି ବରଗଡ ଜିଲ୍ଲା  ଯୋଗ ଦେଇଥିଲେ । ବଲାଙ୍ଗିର ଜିଲ୍ଲାର ପଂଚାନନ ସେଠ ସଂପାଦକ, ନିତ୍ୟାନନ୍ଦ ବୁଡେକ କାର୍ଯ୍ୟକାରୀ ସଭାପତି, ହଳଧର ସେଠ ଉପ-ସଭାପତି, ପାଟଣାଗଡ ଉପଖଣ୍ଡ ରାଜୁ ନାଏକ ସଂଯୋଜକ, ପୁଷ୍ପାଞ୍ଜଳି ନାଏକ ଏବିଡିଓ ଦେଓଗାଁ, ବିଭିନ୍ନ ବ୍ଲକ ସଭାପତି ଲାଲୁ ନାଏକ, ହରେକୃଷ୍ଣ ନାଏକ, ତ୍ରିଲୋଚନ ନାଏକ, ତ୍ରିଲୋଚନ ମାଝି, ପଦ୍ମଲୋଚନ ନାଏକ, ରୋହିତ ସେଠ, ମଧୁସୁଦନ ନାଏକ, ରଘୁନାଥ ମଲ୍ଲିକ, ଉପଦେଷ୍ଟା କୁଳମଣି ବେହେରା ଏବଂ ସଂପାଦକ ବୃନ୍ଦ ମଂଚାସିନ ଥିଲେ । ଜିଲ୍ଲାର ଉପସ୍ଥାପିତ ୧୦ଟି ଆଭିମୁଖ୍ୟ ଉପରେ ଅତିଥିବୃନ୍ଦ ନିଜର ବକ୍ତବ୍ୟ ପ୍ରଦାନ କରିଥିବା ସଙ୍ଗେ ସଙ୍ଗେ ସମସ୍ତ କର୍ମକର୍ତ୍ତାମାନଙ୍କୁ ଏକଜୁଟ ହେବା ପାଇଁ ସଭାପତି କଂସାରି ନାଏକ ଆହ୍ୱାନ ଦେଇଥିଲେ । ଦେଓଗାଁ ବ୍ଲକ ଆଞ୍ଚଳିକ ସଭାପତି ପର୍ଶୁରାମ ସେଠ, ସଂପାଦକ ଭୋଲାପତି ମାଲି, ଯାତ୍ରା କମିଟି ସଭାପତି ଲମ୍ବୋଦର କୁଅଁର, ସଂପାଦକ ହେମନ୍ତ ଛତ୍ରିଆ, କମିଟି ସଭ୍ୟ ବାଲେଶ୍ୱର ସେଠ, ସୁରେଶ କୁଅଁର, ନିଳାଞ୍ଚଳ କୁଅଁର, ରତ୍ନାକର ନାଏକ, କୁନୁ ପ୍ରସାଦ ନାଏକ, କେନ୍ଦୁଘାଟ ସଭାପତି କମ୍ପ ସେଠ, ସଂପାଦକ ଗଦାଧର ବେରିଆ, ସିଂହାମୁଣ୍ଡା ଆଂଚଳିକ ସଭାପତି ଦିନବନ୍ଧୁ ବିଶି, ସଂପାଦକ ବକୁଳ ସେଠ, ତୃତୀୟା ନାଏକ, ଶ୍ରୀକାନ୍ତ ବାଗ, ମହିଳା ସଦସ୍ୟା ପଦ୍ମାବତି ପତ୍ରିମାଲି, ରୀନା ପତ୍ରିମାଲି, ମାଲିନି ବାଗ, ତୁଳସା କୁଅଁର, କଳ୍ପନା ଛତ୍ରିଆ ସହଯୋଗ ପୂର୍ବକ ସଭାକୁ ସାଫଲ୍ୟ ମଣ୍ଡିତ କରିଥିଲେ । ଶେଷରେ ମାଁ ସମଲେଶ୍ୱରୀଙ୍କ ଜ୍ୟୋତି ମୁଖ୍ୟ ଅତିଥି  ଯୋଗେନ୍ଦ୍ର ବେହେରା ପୌରାଞ୍ଚଳକୁ ୨୦୨୪ ରେ ନୁଆଖାଇ ଭେଟଘାଟ ପାଇଁ ଜ୍ୟୋତି ଅର୍ପଣ କରିଥିଲେ ।