28-Dec-2023

ବଲାଙ୍ଗୀର/ତରଭା(ମନୋରଂଜନ ତ୍ରିପାଠୀ)-ତରଭା ବ୍ଲକ ମେଣ୍ଡା ହାଇସ୍କୁଲ ପଡିଆଠାରେ ୨୭ତାରିଖରୁ ୪୧ତମ ଗ୍ରାମାଞ୍ଚଳ କ୍ରୀକେଟଟୁର୍ଣ୍ଣାମେଣ୍ଟ ଆରମ୍ଭ ହୋଇଯାଇଛି । ମେଣ୍ଡା ସ୍ପୋର୍ଟିଂକ୍ଲବ ଅନୁକୂଲ୍ୟରେ ଅନୁଷ୍ଠିତ ଏହି ଟୁର୍ଣ୍ଣାମେଣ୍ଟରେ ମୁଖ୍ୟଅତିଥି ଭାବରେ ଅବସରପ୍ରାପ୍ତ ପ୍ରଧାନଶିକ୍ଷକ ଶମ୍ଭୁଭୂଷଣ ପର୍ଦ୍ଧିଆ ଓ ଅବସରପ୍ରାପ୍ତ ବ୍ୟାଙ୍କମ୍ୟାନେଜର ନାରାୟଣ ଝାଙ୍କର ଯୋଗଦେଇ ଉଦଘାଟନ କରିଥିଲେ । ବଲାଙ୍ଗୀର ଜିଲ୍ଲା ବେନ୍ଦ୍ରା ଓ ଜାମଗାଁ କ୍ରୀକେଟଦଳ ମଧ୍ୟରେ ଉଦଘାଟନୀ ମ୍ୟାଚ ଅନୁଷ୍ଠିତ ହୋଇଥିଲା । ଏଥିରେ ବେନ୍ଦ୍ରାଦଳ ବିଜୟୀ ହୋଇଥିଲା । ସେହିପରି ଦ୍ୱିତୀୟମ୍ୟାଚ ଧୁମାମରା ଓ ସରଗାଡ ମଧ୍ୟରେ ହୋଇ ସାରଗାଡଦଳ ବିଜୟୀ ହୋଇଥିଲା । ତେବେ ପ୍ରଥମଦିନର କ୍ୱାଟରଫାଇନାଲ ମ୍ୟାଚ ବେନ୍ଦ୍ରା ଓ ସରଗାଡ ମଧ୍ୟରେ ଅନୁଷ୍ଠିତ ହୋଇଥିଲା ଓ ସରଗାଡ ଦଳ ଏଥିରେ ବିଜୟୀ ହୋଇଥିଲା । ବେନ୍ଦ୍ରାଦଳ ନିର୍ଦ୍ଧରିତ ୧୦ ଓଭରରେ ୮୦ରନ କରିଥିବା ବେଳେ ସରଗାଡଦଳ କୌଣସି ୱିକେଟ ନହରାଇ ୬ ଓଭରରେ ୮୧ରନମ କରି ବିଜୟୀ ହୋଇଯାଇଥିଲେ । ସରଗାଡଦଳ ପ୍ରଥମ ସେମିଫାଇନାଲ ଖେଳିବାକୁ ଉତ୍ତିର୍ଣ୍ଣ ହୋଇଛି । ଆଜି ଦ୍ୱିତୀୟଦିନରେ ପ୍ରଥମ ମ୍ୟାଚ ମେଣ୍ଡା ସ୍ପୋଟିଂକ୍ଲବ ଓ ସେମେଲମୁଣ୍ଡା କ୍ରିକେଟଦଳ ମଧ୍ୟରେ ଅନୁଷ୍ଠିତ ହୋଇଥିଲା । ମେଣ୍ଡା ସ୍ପୋଟିଂକ୍ଲବ ୧୦ଓଭରରେ ୧୪୩ରନ କରି ସେମେଲମୁଣ୍ଡାଦଳକୁ ୧୪୪ରନର ଟାର୍ଗେଟ ଦେଇଥିଲା । ତେବେ ମାତ୍ର ସେମେଲମୁଣ୍ଡାଦଳ ୪୯ରନରେ ଅଲଆଉଟ ହୋଇଯାଇଥିଲେ । ମେଣ୍ଡା ସ୍ପୋଟିଂକ୍ଲବ ୯୪ରନରେ ବିଜୟୀ ହୋଇଥିଲେ । ଖେଳକୁ ଅବିନାଶ ଫରିକାର ଓ ବିଶ୍ୱରଂଜନ ଦଳବେହେରା ଅମ୍ପାୟାର ରହି ପାରିଚାଳନା କରୁଛନ୍ତି । ଏହି ଟୁଣ୍ଟାମେଣ୍ଟ ଆସନ୍ତା ୩୧ ତାରିଖ ପର୍ଯ୍ୟନ୍ତ ଚାଲିବ । ବଲାଙ୍ଗୀର ଓ ସୁବର୍ଣ୍ଣପୁର ଜିଲ୍ଲାର ମୋଟ ୧୬ଟି ଦଳ ଏହି ଟୁର୍ଣ୍ଣାମେଣ୍ଟରେ ଭାଗ ନେଇଛନ୍ତି । ୩୧ ତାରିଖରେ ଫାଇନାଲ ମ୍ୟାଚ ଖେଳାଯିବ । ବିଜୟୀଦଳ ପାଇଁ ଟ୍ରଫି ସହ ୧୫ହଜାର ଟଙ୍କା ଓ ରନର୍ସଅପ ଦଳ ପାଇଁ ଟ୍ରଫି ସହ ୯ହଜାର ଟଙ୍କାର ପୁରସ୍କାର ରାଶି ରଖାଯାଇଛି । ଏହି ଟୁର୍ଣ୍ଣାମେଣ୍ଟ ପରିଚାଳନାରେ ମେଣ୍ଡା ସ୍ପୋଟିଂକ୍ଲବର ମହାଦେବ ଜେନା,ସହଦେବ କର୍ଣ୍ଣ,ସବ୍ୟସାଚୀ ଦଣ୍ଡସେନା,ଧିରେନ୍ଦ୍ର ଝାଙ୍କର,ପିଙ୍କୁ ହାତୀ,ଅନ୍ତର୍ଯ୍ୟାମୀ ଦଣ୍ଡସେନା,ବିଶିକେଶନ ବେହେରା,ପିଣ୍ଟୁ ଦାସ,ରିତେଶ ବରାଇ,ମନ ବିଶ୍ୱାଲ,ସୁରଜ ସରାଫ ପ୍ରମୁଖ ସହଯୋଗ କରୁଛନ୍ତି । ଟୁର୍ଣ୍ଣାମେଣ୍ଟ ଦେଖିବାକୁ ମେଣ୍ଡା,ପାଇକବାହାଲ,ଦେଉଳପଦର,ପୁଆ ଇତ୍ୟାଦି ପଞ୍ଚାୟତର ହଜାର ହଜାର ଦର୍ଶକ ସାମିଲ ହେଉଛନ୍ତି ।