18-Dec-2023

ସୋନପୁର(ମନୋରଞ୍ଜନ ତ୍ରିପାଠୀ ): ଆଜି ସୁବର୍ଣ୍ଣପୁର ବିଜୁ ପଟ୍ଟନାୟକ ମହିଳା ଡିଗ୍ରୀ ମହାବିଦ୍ୟାଳୟ ଠାରେ ନୁଆ ଓ  ନବୀନ ଓଡିଶା କାର୍ଯ୍ୟକ୍ରମ ମାଧ୍ୟମରେ ସହରର ବରିଷ୍ଠ ନାଗରିକ ମାନଙ୍କୁ ଭବ୍ୟ ସ୍ଵାଗତ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା l  ଡ଼ିଗ୍ରୀ କଲେଜ୍ ପରିଚାଳନା କମିଟି ସଭାପତି ଅଭିମନ୍ୟୁ କୁଶଳ ଓ କଲେଜ୍ ଅଧ୍ୟକ୍ଷା ରିତା ରାଣୀ ପୂଜାରୀଙ୍କ ତତ୍ୱାବଧାନ ରେ ଅନୁଷ୍ଟିତ ଏହି କାର୍ଯ୍ୟକ୍ରମରେ ପ୍ରଥମେ ପୂଜ୍ୟ ପୂଜା ବରିଷ୍ଠ ନାଗରିକ ମାନଙ୍କୁ କଲେଜ ର ମୁଖ୍ୟ ଫାଟକ ଆଗରେ  ପାଦ ଧୋଈ ଫୁଲ ଚନ୍ଦନ ଓ ଉପ ଢୌକନ ପ୍ରଦାନ୍ ପୂର୍ବକ ଛାତ୍ରୀଙ୍କ ଦ୍ଵାରା ଉଚ୍ଚକୋଟିର ସମ୍ବର୍ଦ୍ଧନା ଜ୍ଞାପନ କରାଯାଇଥିଲା l ପରେ ପରେ ବରିଷ୍ଠ ନାଗରିକ ମାନେ ନିଜ ନିଜ ର ଅନୁଭୂତି ଆଦାନ ପ୍ରଦାନ୍ କରିଥିବା ବେଳେ ଛାତ୍ରୀଙ୍କ ବିଭିନ୍ନ ପ୍ରଶ୍ନର ଉତ୍ତର ରଖିଥିଲେ l ବରିଷ୍ଠ ନାଗରିକ ଶ୍ରୀବତ୍ସ ମଲ୍ଲିକ, ସୁଶ୍ରୀ ରେଣୁକା ମିଶ୍ର, ଶମ୍ଭୁ ଭୂଷଣ ପଣ୍ଡା, ଡଃ ଜ୍ୟୋତି ରଞ୍ଜନ ବହିଦାର, ଜ୍ୟୋତି ରଞ୍ଜନ ପଟ୍ଟନାୟକ, ବ୍ରଜ ମୋହନ ଦାନୀ, ଶ୍ୟାମା ବହିଦାର  ଅତିଥି ଭାବେ ଯୋଗ ଦେଇ ମାର୍ଗ ଦର୍ଶନ ଦେଇଥିଲେ l ବରିଷ୍ଠ ନାଗରିକ ମାନଂକ ମଧ୍ୟରେ ମ୍ୟୁଜିକ ଚେୟାର ଓ ବିଭିନ୍ନ ପ୍ରତିଯୋଗୀଗିତା ଅନୁଷ୍ଟିତ ହୋଇଥିବା ବେଳେ ମଞ୍ଚରେ ନାଗରିକଙ୍କୁ ପରିଚୟ ପ୍ରଦାନ, ସ୍ବାଗତ ସଂଗୀତ ଗାନ, ସମ୍ବର୍ଦ୍ଧନା  ଜ୍ଞାପନ  ଓ ନାଗରିକଙ୍କୁ ସାମୂହିକ ଭୂମିଷ୍ଠ ପ୍ରଣାମ କରିବା ବେଳେ ଉପସ୍ତିତ ଛାତ୍ରୀ, ଅଧ୍ୟାପକ, କର୍ମଚାରୀ ଓ ବୁଦ୍ଧିଜୀବୀ ଭାବବିହ୍ୱଳ ହୋଇ ପଡ଼ିଥିଲେ l ଏହି ମହିଳା କଲେଜ ରେ ଏକ ପିଜି କୋର୍ସ ଖୋଲିବା ପାଇଁ ବରିଷ୍ଠ ନାଗରିକ ମାନେ ଜିଲ୍ଲାପାଳଙ୍କ ମାଧ୍ୟମ ରେ  ମୁଖ୍ୟମନ୍ତ୍ରୀଙ୍କୁ ଦାବୀ ଜଣାଇବାକୁ  ପ୍ରସ୍ତାବ ରଖିଥିଲେ l