09-Dec-2023

ଆଗଲପୁର, (ବିନୋଦ କୁମାର ଦୀପ) ଆଗଲପୁର ବ୍ଲକ ର ଆଗଲପୁର ଡିଗ୍ରୀ ମହାବିଦ୍ୟାଳୟ ସୃତି ବିହାର ଠାରେ ନୂଆ-ଓ ଯୁବ ଓଡ଼ିଶା, ନବୀନ ଓଡ଼ିଶା କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି l ଉକ୍ତ କାର୍ଯ୍ୟକ୍ରମ ରେ ଲୋଇସିଂହା ବିଧାୟକ ଡ଼. ମୁକେଶ ମହାଲିଙ୍ଗ ମୁଖ୍ୟଅତିଥି ଭାବେ ଯୋଗ ଦେଇଥିବା ବେଳେ କଲେଜ ଅଧ୍ୟକ୍ଷ ସନତ ଦଳେଇ , ନୋଡାଲ ଅଧିକାରୀ ଉମାଶଙ୍କର ପଧାନ ସମ୍ମାନିତ ଅତିଥି ଭାବେ ମଂଚାସୀନ ଥିଲେ l ଅଧ୍ୟକ୍ଷ ଙ୍କ ଅଧ୍ୟକ୍ଷତା ରେ ଅନୁଷ୍ଠିତ ସଭାରେ ପ୍ରଥମେ ଅତିଥି ପରିଚୟ କଲାପରେ ସମଲେଇ ମା ଙ୍କ ପ୍ରତିମୂର୍ତ୍ତି ରେ ଦ୍ଵୀପ ପ୍ରଜ୍ବଳନ କରି ଛାତ୍ରଛାତ୍ରୀ ଙ୍କ ଦ୍ଵାରା ସ୍ଵାଗତ ସଙ୍ଗୀତ ଗାନ କରାଯାଇ ଥିଲା ଓ ଅତିଥିବୃନ୍ଦ ଙ୍କୁ ଫୁଲତୋଡା ଓ ଉପଢୌକନ ଦେଇ ସମ୍ମାନିତ କରାଯାଇଥିଲା l ଏହାପରେ ଅତିଥି ମାନେ ଯୁବ ଓଡ଼ିଶା, ନବୀନ ଓଡ଼ିଶା କାର୍ଯ୍ୟକ୍ରମ କୁ ଆଗେଇ ନେଇଥିଲେ l

ଅତିଥି ମାନେ ସୋସିଆଲ ଏକ୍ଟିଭିଟିଜ ଓ ଛାତ୍ରଛାତ୍ରୀ ଙ୍କ ଅନ୍ତର୍ନିହିତ ମୂଲ୍ୟବାନ ଗୁଣ , ମାତୃଶକ୍ତି ର ଅବଦାନ , ଆଞ୍ଚଳିକ ଉନ୍ନତି , ବେଟି ବଚାଓ ବେଟି ପଢ଼ାଓ ଉପରେ କାର୍ଯ୍ୟକ୍ରମ ମଧ୍ୟମରେ ଆଲୋଚନା କରିଥିଲେ l ଏହା ସହିତ ସ୍ବଚ୍ଛତା ଅବଲମ୍ବନ କରିବା ପାଇ ବିଧାୟକ ଡ଼ ମୁକେଶ ମହାଲିଙ୍ଗ ଛାତ୍ରଛାତ୍ରୀ ଙ୍କୁ  କହିଥିଲେ l କଲେଜ ର କାର୍ଯ୍ୟକ୍ରମ ମାଧ୍ୟମରେ ଚାଲିଥିବା ସୋସିଆଲ ୱର୍କ୍ ଏଣ୍ଡ ଏକ୍ଟିଭିଟିଜ ଉପରେ କୃତିତ୍ୱ ହାସଲ କରିଥିବା ଛାତ୍ରଛାତ୍ରୀ ଙ୍କୁ ଅତିଥି ଙ୍କ ଦ୍ୱାରା ପୁରସ୍କୃତ କରାଗଲା l  କଲେଜ ର ଅଧ୍ୟାପକ  କୁଳମଣି ମେହେର , ବିରେନ୍ଦ୍ର ବାଗ , ଅର୍ଣ୍ଣଦା ତ୍ରିପାଠୀ , ଚିନ୍ତାମଣି ପଧାନ ,  ନାରାୟଣ ମେହେର , ଅଶ୍ଵିନୀ ମେହେର ପ୍ରମୁଖ କର୍ମଚାରୀ ଉପସ୍ଥିତ ରହି କାର୍ଯ୍ୟକ୍ରମ ରେ ସହଯୋଗ କରିଥିଲେ l ଶେଷରେ ଅଧ୍ୟକ୍ଷ ଙ୍କ ପରାମର୍ଶ କ୍ରମେ ନୋଡାଲ ଅଧିକାରୀ ଉମାଶଙ୍କର ପଧାନ ଧନ୍ୟବାଦ ଅର୍ପଣ କରିଥିଲେ l